header ads

Sponsor

ស្វែងយល់

អាម៉ាប៉ាប៉ាញ៉ូស

នៅថ្ងៃសៅរ៌ទី២៧មិថុនានេះ លោកស្រី ឱ វណ្ឌឌីន មន្រ្តីនាំពាក្យក្រសួងសុខាភិបាល​ បាន​អំពាវ​នាវ​ប្រជា​ពល​រដ្ឋ​ម្ដង​ទៀត ឲ្យចេះការពារខ្លួន កុំភ្លេចខ្លួនឲ្យសោះ​ និងត្រូវចេះ​ផ្លាស់ប្តូរទម្លាប់ឲ្យស្របតាម​ «ការរស់នៅធម្មតា​ តាម​បែប​គន្លងថ្មី» គឺធ្វើសម្អាតដៃជា​ប្រ​ចាំ ពាក់ម៉ាស់ឬប្រើក្រមានៅពេលក្អកឬកណ្ដាស់ និង​ត្រូវ​រក្សា​គន្ល​ត​សុវត្ថិ​ភាព​បុគ្គ​ល​និង​សង្គម។

លោកស្រីបញ្ជាក់ថា ជំងឺកូវីដ១៩ អាចឆ្លងចូល​ខ្លួនបុគ្គលនៅគ្រប់ពេលវេលា​ គ្រប់កាលៈ​ទេស:​ និងគ្រប់ទីកន្លែង​ ប្រសិន​បើភ្លេចខ្លួន​ ឬមិនបានការពារខ្លួនទេនោះ។ ម្យ៉ាងទៀត​ ភាពធ្ងន់ធ្ងរនៃជំងឺកូវីដ១៩នេះ​ គឺមិនត្រូវមើល​រំលង​ឡើយ​ ដោយវីរុសនេះ​ វាយលុកផ្លូវ​ដង្ហើម​សាហាវណាស់​ ធ្វើឲ្យពិបាកដកដង្ហើមរហូតដល់​ត្រដរខ្យល់​ដោយ​ខ្វះ​អុក​ស៊ី​ហ្សែន​ ដែលក្រុមគ្រូពេទ្យក៏ពិបាកនឹងជួយសង្គ្រោះឲ្យផុតពីសេចក្តីស្លាប់ដែរ។

មន្រ្តីនាំពាក្យនេះបន្តថា ការស្លាប់ដោយសារជំងឺកូវីដ១៩​ កំពុងស្ថិតនៅក្នុងស្ថានភាពគួរ​ឲ្យ​មាន​ការ​ព្រួយ​​បារម្ភ​នៅ​សាកល​លោក​ នៅក្នុងតំបន់​ នៅតាមបណ្តាប្រទេស​ នៅតាម​សហគមន៍​ និងសម្រាប់បុគ្គល ដែលគប្បី​ឱ្យ​បុគ្គល​គ្រប់​រូប​ ត្រូវតែខិតខំបន្ត​ការ​ពារ​ខ្លួន​ពី​ការ​ចម្លងវីរុសដ៏កាចសាហាវនេះ​ ដើម្បីសុខភាពផ្ទាល់ខ្លួន​ ក្រុមគ្រួសារខ្លួន​ និងសហ​គមន៍​របស់ខ្លួន​ គ្មានការចម្លងវីរុសកូវីដ១៩​។

លោកស្រីបញ្ជាក់ថា មកដល់ពេលនេះ មិនមានអ្នកណាអាចដឹងថា តើបុគ្គលណាម្នាក់​អាច​ឆ្លងជំងឺនេះនៅ​កន្លែង​ណា​ឡើយ ដោយសារគេក៏មិនដឹងដែរថា​ វីរុសកូវីដ១៩​នេះ​មានអត្តចរិកបែបណា​ និង​នៅកន្លែងណាដែរ​ ហើយ​ក៏​មិន​អាច​ដឹងបានថា​ តើបុគ្គលនេះ គាត់បានប៉ះពាល់អ្វីខ្លះដែលមានវត្តមានវីរុសនេះដែរ។

សូម្បីតែបុគ្គលផ្ទាល់​ ក៏គាត់ប្រហែលជាមិនបានដឹងខ្លួនផង​ ប៉ុន្តែអ្វីដែលដឹងនោះ​ គឺបណ្តាល​​មក​ពី​កង្វះ​ខាត​ក្នុង​ការ​អនុវត្ត​វិធានការការពារខ្លួនបានត្រឹមត្រូវ​ ជាពិសេស​ ហានិភ័យខ្ពស់នៅពេលដែលបុគ្គលចល័ត​ ធ្វើ​ដំណើរ​ពី​កន្លែង​មួយទៅកន្លែង​មួយ​ដោយ​ភ្លេច​អនុវត្តន៍វិធានការការពារខ្លួន៕

លោកស្រី ឱ វណ្ឌឌីន មន្រ្តីនាំពាក្យក្រសួងសុខាភិបាល​
@Amapapa.News

Feature Ads

Previous Post Next Post
Sponsor