សង្គម
អាម៉ាប៉ាប៉ាញ៉ូសមណ្ឌលគិរី៖ អាជ្ញាធរ និងសមត្ថកិច្ចជំនាញ បានចុះព្រមាន ខារ៉ាអូខេមួយកន្លែងដែលមានយីហោ «រ៉ូយ៉ាល់» ស្ថិតក្នុងភូមិអូរស្ពាន សង្កាត់ស្ពានមានជ័យ ក្រុងសែនមនោរម្យ ខេត្តមណ្ឌលគិរី ក្រោយពីលួចបើក ដំណើរការឲ្យភ្ញៀវចូលច្រៀង ល្មើស និងបំរាមហាមឃាត់ ទប់ស្កាត់នូវសកម្មភាពប្រាសចាកនៃសេចក្តីណែនាំស្តីពីវិធានការបង្ការ និងទប់ស្កាត់វីរុសកូវីដ-១៩។
សមត្ថកិច្ចបានឲ្យដឹងថា កាលពីថ្ងៃទី៣០ ខែកក្កដាម្សិលមិញ នោះពិនិត្យឃើញថាទីតាំងល្មើសមានបន្ទប់ ខារ៉ាអូខេចំនួន១៣ បើកដំណើរការ៥បន្ទប់ ក្នុងនោះមានស្ត្រីបម្រើការចំនួន២៨នាក់ ប្រុស៧នាក់។
សមត្ថកិច្ចបញ្ជាក់ទៀតថា ក្នុងចំណោមស្ត្រី២៨នាក់នោះមាន១៥នាក់ បម្រើចាក់ Beer ដោយផ្ទាល់ជាមួយភ្ញៀវ និងអ្នកដទៃទៀត បម្រើកាងារផ្សេងៗ។
ក្នុងប្រតិបត្តការនោះម្ចាស់ទីតាំងបានធ្វើកិច្ចសន្យាបញ្ឈប់ទង្វើខុសឆ្គងជាមួយសមត្ថកិច្ច ក្នុងនោះបានដកហូតសម្ភារបម្រើដល់ការច្រៀងមួយចំនួនរួមមាន ៖
១-អំភ្លីចំនួន៣គ្រឿង
២-ក្បាល FM ចំនួន៤គ្រឿង
៣-ក្លាយអិនចំនួន៤គ្រឿង
៤-អេហ៊ិចចំនួន៤គ្រឿង
៥-ថាច់ស្រ្គីនចំនួន៤គ្រឿង
៦-ក្បាលមីក្រូហ្វូនចំនួន២ដើម។
សូមជម្រាបថា ភ្ញៀវដែលចូលច្រៀងខារ៉ាអូខេនៅរ៉ូយ៉ាល់ ដែលសមត្ថកិច្ចបង្ក្រាបនោះ សុទ្ធសឹង ជាបុរសៗដែលមានទីលំនៅក្នុងខេត្តមណ្ឌលគិរី ពិសេសក្រុងសែនមនោរម្យនោះតែម្តង ពុំមានអ្នកខេត្តដទៃមកនោះឡើយ៕ដោយ៖ សាតចាន់បុត្រ
