សេដ្ឋកិច្ច
អាម៉ាប៉ាប៉ាញ៉ូសយោងតាមការសិក្សាថ្មីមួយចេញផ្សាយនៅថ្ងៃច័ន្ទទី១៣កក្កដានេះបញ្ជាក់ថា អ្នកជំងឺដែលបានជាសះស្បើយពីកូវីដ១៩ គឺអាចបាត់បង់ភាពស៊ាំក្នុងរាងកាយ ហើយឆ្លងឡើងវិញក្នុងរយៈពេលប៉ុន្មានខែបន្ទាប់។
នៅក្នុងការសិក្សាលើកដំបូងក្រុមអ្នកស្រាវជ្រាវមកពីមហាវិទ្យាល័យ King’s College Londonនៅចក្រភពអង់គ្លេសបានសិក្សាអំពីកម្រិតនៃអង្គបដិបក្ខប្រាណលើអ្នកជំងឺកូវីដ១៩ជាង៩០នាក់ដែលបានបញ្ជាក់ និងរបៀបដែលអង្គបដិបក្ខប្រាណផ្លាស់ប្តូរតាមពេលវេលា។
នៅក្នុងការធ្វើតេស្តឈាមបានបង្ហាញថា សូម្បីតែបុគ្គលដែលមានរោគសញ្ញាកូវីដ១៩ស្រាលៗ ក៏មានប្រតិកម្មភាពស៊ាំប្រឆាំងនឹងវីរុសដែរ។ អ្នកជំងឺដែលស្ថិតក្នុងចំណោមការសិក្សានេះ គឺមាន៦០ភាគរយ បានបង្ហាញពីការឆ្លើយតបវីរុសដ៏ខ្លាំងក្លានៅក្នុងរយៈពេលប៉ុន្មានសប្តាហ៍ដំបូងបន្ទាប់ពីការឆ្លង។
ទោះយ៉ាងណាបន្ទាប់ពីរយៈពេល៣ខែ គឺមានមានអ្នកជំងឺតែ១៦,៧ភាគរយ បានរក្សាកម្រិតខ្ពស់នៃអង្គបដិបក្ខប្រាណឆ្លើយតបនឹងវីរុសកូវីដ ហើយបន្ទាប់ពី៩០ថ្ងៃ គឺអ្នកជំងឺជាច្រើនមិនមានអង្គបដិបក្ខប្រាណដែលអាចរកឃើញនៅក្នុងចរន្តឈាមរបស់ពួកគេឡើយ។
មនុស្សគ្រប់រូបគឺត្រូវអង្គបដិបក្ខប្រាណឱ្យបានគ្រប់គ្រាន់ ដើម្បីបង្កើតឱ្យមានភាពស៊ាំដើម្បីទប់ទល់កុំឱ្យមានការ ឆ្លងថ្មី។
ក្រុមអ្នកជំនាញបាននិយាយថា ការរកឃើញនេះអាចឱ្យមានការផ្តល់មូលនិធិនិងរៀបចំការស្រាវជ្រាវបង្កើតវ៉ាក់សាំងប្រឆាំងនឹងវីរុសដែលកំពុងរាតត្បាតនៅទូទាំងពិភពលោកនេះ៕
ប្រភព៖ Channel News Asia