សង្គម
អាម៉ាប៉ាប៉ាញ៉ូសភ្នំពេញ ៖ឯកឧត្តម នេត សាវឿន អគ្គស្នងការដ្ឋាននគរបាលជាតិ បានថ្លែងជាសាធារណៈ ថា នៅទូទាំងប្រទេសមានកន្លែងកែច្នៃយានដ្ឋានមានជិត៤ពាន់កន្លែង ក្នុងនោះ មានយានដ្ឋានជិត ៥០០កន្លែង ពុំមានច្បាប់អនុញ្ញាត ហើយយានដ្ឋានមួយកន្លែងៗ មានរថយន្តរាប់រយគ្រឿងដែលបាន កែច្នៃដោយពុំមានច្បាប់។
ឯកឧត្តម បន្តថា រថយន្តកៃច្នៃទាំងនេះ ជាដើមចមមួយយ៉ាងសំខាន់ ដែល បង្កឱ្យកើតមានគ្រោះថ្នាក់ចរាចរណ៍ និងបង្កឱ្យខូចខាតផ្លូវសាធារណៈ ដូចនេះ ឯកឧត្តម ស្នើឱ្យក្រសួង សាធារណការ និងស្ថាប័នពាក់ព័ន្ធគ្រប់គ្រងយានដ្ឋានកែច្នៃ ឬត្រូវបញ្ចប់យានដ្ឋានឥតច្បាប់, ស្នើឱ្យ គ្រប់គ្រងយានយន្តកែច្នៃ និងចំនួនយានយន្តពិតប្រាកដ ពិសេសគឺអ្នកប្រើប្រាស់ក្នុងនោះស្នើឱ្យ ផ្តល់ស្លាកលេខឱ្យច្បាស់លាស់លើប្រភេទរថយន្តកែច្នៃ និងកំណត់ភូមិសាស្ត្រពិតប្រាកដក្នុង ការអនុញ្ញាតឱ្យ រថយន្តកែច្នៃធ្វើ ចរាចរណ៍។
ឯកឧត្តមបន្តទៀតថា ច្បាប់ចរាចរណ៍នាបច្ចុប្បន្នបានអនុវត្តល្អ ប៉ុន្តែប្រជាពលរដ្ឋ មានការយល់ដឹងនៅមានកម្រិត ដូចនេះស្នើឱ្យប្រធានគណៈបញ្ជាការចរាចរណ៍ តាមបណ្តាខេត្ត ត្រូវចុះពន្យល់ និងណែនាំពលរដ្ឋឱ្យដល់ខ្នងផ្ទះ ដើម្បីបង្ហាញពលរដ្ឋឱ្យយល់ពី ហានិភ័យ និងគ្រោះថ្នាក់ នៅពេលធ្វើដំណើរនៅលើដងផ្លូវ។