header ads

សង្គម

អាម៉ាប៉ាប៉ាញ៉ូស

ភ្នំពេញ៖ អាជ្ញាធរ បានរកឃើញមនុស្ស២នាក់ ដែលលួចរត់ចេញ​ពីមណ្ឌល​ចត្តា​ឡី​ស័ក​នៅ​ខេត្តព្រៃវែងវិញហើយ។ នេះបើតាមលោកស្រី ឱ វណ្ណឌីន អ្នកនាំពាក្យ​ក្រសួង​សុខា​ភិ​បាល នៅយប់ថ្ងៃទី៣ សីហានេះ ប៉ុន្តែលោកស្រីមិនបានបញ្ជាក់លម្អិតអំពីមូលហេតុ​ដែល​ជន​ទាំងពីរនាក់បានរត់គេចចេញពីកន្លែងធ្វើចត្តាឡីនោះទេ។។

លោកស្រី ឱ វណ្ណឌីន បានបញ្ជាក់ដូច្នេះថា៖«អ្នកធ្វើចត្តាឡីស័ករត់​២នាក់នៅព្រៃ​វែង​នោះ  រកឃើញហើយបាននាំមកកន្លែងចត្តាឡីស័កវិញរួចហើយដែរ»។

មនុស្ស២នាក់ ដែលបានរត់ចេញពីមណ្ឌលធ្វើចត្តាឡីស័កនៅខេត្តព្រៃវែង នារសៀល​ថ្ងៃ​ទី​០៣ ខែសីហា ឆ្នាំ២០២០នេះ គឺជាអ្នកដំណើរទើបមកពីម៉ាឡេស៊ី កាលពីថ្ងៃទី២៣ កក្កដា។ មនុស្សទាំង២នាក់ ដែលបានរត់ចេញពីកន្លែងធ្វើចត្ដាឡីស័ក ក្នុងវិទ្យាល័យ​សម្ដេចតេជោ ហ៊ុន សែន កំពង់លាវ ស្ថិតក្នុងព្រៃវែងនេះ ទី១៖ឈ្មោះ កំសត់ វិស័យ អាយុ​២១​ឆ្នាំ និងទី២៖ឈ្មោះ ចន កំសាន អាយុ៣២ឆ្នាំ។

កាលពីពាក់កណ្ដាលខែកក្កដា ក៏មានអ្នករត់ចេញពីកន្លែងចត្តាឡីស័កដែរ ហើយ​ក្រោយ​មក ក្រសួងសុខាភិបាលបានព្រមានថា ចំពោះអ្នករត់ចេញពីកន្លែងធ្វើចត្តាឡីស័ក នឹង​អាច​ទទួលខុសត្រូវតាមផ្លូវច្បាប់។

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post