header ads

Sponsor

សង្គម

អាម៉ាប៉ាប៉ាញ៉ូស

ក្រសួងទេសចរណ៍បានបញ្ជាក់ថា ពលរដ្ឋដែលបានដើរលេងកម្សាន្តទូទាំង​ប្រទេស​ក្នុង​រយៈ​​ពេល​ថ្ងៃ​ឈប់​សម្រាក​៥ថ្ងៃ ចាប់ពីថ្ងៃទី១៧ដល់ថ្ងៃទី២១សីហានេះ មានចំនួន​សរុប​ជាង ១.៤ (១ ៤៥៩ ៣៨៦) លាន​នាក់ ក្នុងនោះ ភ្ញៀវទេសចរជាតិមានចំនួនប្រមាណ ១ ៤៤៥ ២៣៨ នាក់ និងភ្ញៀវ​ទេស​ចរ​អន្តរ​ជាតិ​មាន​ចំនួន​ប្រមាណ ១៤ ១៤៨ នាក់។

ក្រសួងបញ្ជាក់ថា ចំនួនភ្ញៀវទេសចរតាមថ្ងៃនីមួយៗ គឺថ្ងៃទី១ មានប្រមាណ ២៣៣ ៣២៩ នាក់ ថ្ងៃ​ទី​២ មានប្រមាណ ២៨១ ៨៥៥ នាក់ ថ្ងៃទី៣ មានប្រមាណ ៣២៥ ០៧៧ នាក់ ថ្ងៃទី៤ មានប្រមាណ ៣៣៤ ៣៩១ នាក់ និងថ្ងៃទី៥ មានប្រមាណ ២៨៤ ៧៣៤ នាក់។

ក្រសួងទេសចរណ៍បញ្ជាក់ថា បញ្ហាសំរាម នៅតែជាបញ្ហាស្មុគ្រស្មាញនៅឡើយ ដោយ​នៅ​តាម​គោល​ដៅ​មួយ​ចំនួន ភ្ញៀវទេសចរមានការទុកដាក់សំរាមមិនបានត្រឹមត្រូវ ជា​ពិសេស​​បោះ​ចោល​សំរាម ឬទុកចោលនៅកន្លែងដែលពួកគាត់បានទទួលទានអាហារ។

អាជ្ញាធរតាមគោលដៅទេសចរណ៍បានអនុវត្តតាមគោលណែនាំរបស់ក្រសួងសុខាភិបាល និងវិធាន​សុវត្ថិ​ភាពទេសចរណ៍របស់ក្រសួងទេសចរណ៍ ដើម្បីទប់ស្កាត់​ការ​រីករាល​ដាលនៃជំងឺកូវីដ១៩ ដើម្បី​ស្កេន​កំដៅ លាងដៃ និងការកត់ត្រាពត៌មានភ្ញៀវទេសចរ៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post