ភ្នំពេញ ៖ សពស្ត្រីខ្មែរ ដែលទទួលមរណភាពដោយការផ្ទុះអាវុធនៅទីក្រុងបាងកកកាលពីពេលកន្លងទៅថ្មីៗនោះ អាចមកដល់ច្រកព្រំដែនប៉ោយប៉េតវេលាម៉ោងជិត៨យប់នេះ។
នេះបើតាមលោក កុយ គួង អ្នកនាំពាក្យក្រសួងការបរទេស និងសហប្រតិបត្តិការអន្តរជាតិកម្ពុជា បានឲ្យដឹងនារសៀលថ្ងៃទី០៥ ខែសីហានេះ។
សូមជម្រាបជូនថា កាលពីវេលាម៉ោង១០នាទី យប់ថ្ងៃទី០៣ ខែសីហា ឆ្នាំ២០២០ មានហេតុការណ៍ផ្ទុះអាវុធមួយ បានកើតឡើងនៅក្នុងកន្លែងលេងល្បែស៊ីសងមួយនៅអាគារលេខ៥០១/២៣៧ ផ្រាក់រ៉ាម3 សយ66 សង្កាត់ឆង់នុនស៊ី ខណ្ឌយ៉ានណាវ៉ា ទីក្រុងបាងកក។
នៅក្នុងហេតុការណ៍នោះ បណ្តាលឲ្យមានអ្នករងរបួសចំនួន២ នាក់ និងស្លាប់ចំនួន៤នាក់ ដែលនៅក្នុងចំណោមអ្នកស្លាប់មានពលរដ្ឋខ្មែរម្នាក់ឈ្មោះ ម៉ៅ ស្រីពៅ ភេទស្រី អាយុ២៩ ឆ្នាំ មានទីលំនៅសង្កាត់ប៉ោយប៉ែត ខេត្តបន្ទាយមានជ័យ។ ចំណែកស្ថានទូតកម្ពុជា បានធ្វើការជាមួយអាជ្ញាធរថៃ ជាពិសេសជាមួយប៉ូលីសថៃ និងបានធ្វើដំណើរទៅកាន់កន្លែងតម្កល់សព ចូលរួមសង្កេតការក្នុងការធ្វើកោសល្យវិច័យរកមូលហេតុនៅពីក្រោយការបាញ់សម្លាប់នេះផងដែរ។
តាមប្រភពព័ត៌មានពីកន្លែងហើយហេតុបានឲ្យដឹងថា ស្ត្រីរងគ្រោះធ្វើការនៅកន្លែងលេងល្បែងមួយកន្លែងនៅប្រទេសថៃ។
មុនកើតហេតុ គេបានឃើញបុរសម្នាក់សង្ស័យជាតម្រួត បានមកលេងល្បែងស៊ីសងនៅទីនោះ ក្រោយមកស្រាប់តែពួកគេផ្ទុះជម្លោះ ជាមួយប្រុសដែលគេសង្ស័យជាមន្ត្រីយោធា (ទាហាន) ហើយក៏បាញ់រះបណ្តាលឲ្យមានមនុស្សស្លាប់នៅនឹងកន្លែង២នាក់ស្រីម្នាក់ និងប្រុសម្នាក់តមកពួកគេ បានបន្តបាញ់បណ្តាលឲ្យមានមនុស្ស២នាក់ស្លាប់ ។ ក្រោយកើតហេតុកម្លាំងតម្រួតក្រុងបានចុះទៅហ៊ុពទ្ធ័ដល់ទីតាំងបនល្បែងនោះដើម្បីស្រាវជ្រាវនិងបើកការសើបអង្គេត ហេតុការណ៍នៃការបាញ់ប្រហារខាងលើ៕
