សង្គម
អាម៉ាប៉ាប៉ាញ៉ូសបរទេស៖ បើយោងតាមការចុះផ្សាយរបស់សារព័ត៌មាន vietnamplus ស្រ្ដីជនជាតិខ្មែរម្នាក់ ត្រូវបានតុលាការនៅខេត្តតាយនីញ (Tay Ninh) ប្រទេសវៀតណាម សម្រេចធ្វើការកាត់ទោសប្រហារជីវិត ពាក់ព័ន្ធជាមួយករណីជួញដូរគ្រឿងញៀន ក្នុងអំឡុងពេលជំនុំជម្រះកាលពីថ្ងៃទី៣១ ខែកក្កដា ម្សិលមិញនេះ។
ជនល្មើសខាងលើនេះមាន ឈ្មោះ មិច ស្រីនៀង កើតនៅឆ្នាំ១៩៩៣ ដែលមានទីលំនៅ នៅទីក្រុងភ្នំពេញ ត្រូវបានកាត់ទោសប្រហារជីវិតពីបទជួញដូរគ្រឿងញៀនពីប្រទេសកម្ពុជា ទៅប្រទេសវៀតណាម ចំនួនគ្រឿងញៀន៥កញ្ចប់ ប្រភេទមេតំហ្វេតាមីន ទម្ងន់ ៤៩៤៣ក្រាម។
សូមជម្រាបជូនថា ស្ត្រីជនជាតិខ្មែរខាងលើ ត្រូវប៉ូលិសវៀតណាម ឃាត់ខ្លួននៅច្រកអន្តរជាតិម៉ុកបៃ (Moc Bai) នៅខេត្តតាយនីញ កាលពីថ្ងៃទី២ ខែធ្នូ ឆ្នាំ២០១៩ ៕
