header ads

សេដ្ឋកិច្ច

អាម៉ាប៉ាប៉ាញ៉ូស

ប្រទេសកូរ៉េខាងត្បូង បានបញ្ជាឱ្យបិទសាលារៀននិងមត្តេយ្យសាលាទាំងអស់នៅទីក្រុង​សេអ៊ូល ស្របពេលទីក្រុងនេះកំពុងកើនឡើងករណីឆ្លងយ៉ាងខ្លាំង។ ការប្រកាសបិទសាលារៀននេះ បន្ទាប់ពីមានបុគ្គលិកសិក្សានិងសិស្សសាលាជិត២០០នាក់បានឆ្លងជំងឺកូវីដ១៩​សេអ៊ូល កាលពីរយៈពេលពីរសប្តាហ៍ចុងក្រោយនេះ។

ក្រសួងអប់រំបន្តថាការសិក្សាពីចម្ងាយនឹងបន្តរហូតដល់ថ្ងៃទី ១១ ខែកញ្ញា ខណៈអាជ្ញាធរសុខាភិបាលក៏បានព្រមានថា ប្រទេសកូរ៉េខាងត្បូងកំពុងស្ថិតនៅជិតការផ្ទុះឡើងជំងឺ​កូវីដ​១៩នៅទូទាំងប្រទេស។ សិស្សទាំងអស់ជាង ២៥ លាននាក់នៅទីក្រុងសេអ៊ូល នឹងរៀនតាមអ៊ិនធឺណិតលើក លើកលែងតែសិស្សដែលរៀននៅវិទ្យាល័យឆ្នាំចុងក្រោយ ដែលត្រូវប្រលង​​ចូលសាកលវិទ្យាល័យនៅខែធ្នូនេះប៉ុណ្ណោះ។

កាសែត Korea Times បានផ្សាយថា សាលារៀនដែលមានសិស្សតិចជាង៦០នាក់និងសាលាអប់រំពិសេស ត្រូវបានអនុញ្ញាតឱ្យសម្រេចដោយខ្លួនឯងថា តើត្រូវធ្វើតាមគោល​ការណ៍ណែនាំរបស់ក្រសួងអប់រំឬយ៉ាងណា។ ភាគច្រើននៃសាលារៀនរបស់ប្រទេសកូរ៉េខាងត្បូង បានបើកជាថ្មីដំណាក់កាលៗចាប់ពីថ្ងៃទី ២០ខែឧសភា ដល់ថ្ងៃទី១ខែមិថុនា បន្ទាប់​ពីមានករណីឆ្លងបានធ្លាក់ចុះ។

ប្រទេសកូរ៉េខាងត្បូងបានរាយការណ៍ថាមានមនុស្សស្លាប់សរុប៣១០នាក់ ក្នុងចំណោមករណីឆ្លងសរុប ១៧ ៩៤៥ នាក់ ចាប់តាំងពីការរាតត្បាតជំងឺកូវីដមក នេះបើយោងតាមទិន្នន័យពីសាកលវិទ្យាល័យ Johns Hopkins ។

កូរ៉េខាងត្បូងត្រូវបានគេចាត់ទុកថា ជាប្រទេសទទួលបានជោគជ័យក្នុងការគ្រប់គ្រងជំងឺកូវីដ១៩ ប៉ុន្តែក្នុងរយៈពេលប៉ុន្មានសប្តាហ៍ចុងក្រោយនេះ ការឆ្លងនៅក្នុងប្រទេសនេះ ជាពិសេសទីក្រុងសេអ៊ូល បានកើនឡើងវិញ។

ភាគច្រើននៃការឆ្លងថ្មីចុងក្រោយនេះ គឺកើតចេញពីការប្រមូលផ្ដុំនៅព្រះវិហារសាសនាគ្រឹស្ដដ៏ធំមួយនៅក្នុងទីក្រុងសេអ៊ូលកាលពីជាងមួយសប្តាហ៍មុននេះ។ អាជ្ញាធរនៅក្នុងទីក្រុងសេអ៊ូលបានបញ្ជាជាលើកដំបូងឱ្យពលរដ្ឋពាក់ម៉ាស់នៅកន្លែងសាធារណៈ ក្នុងផ្ទះនិងចេញក្រៅ ហើយព្រះវិហារ ក្លឹបកម្សាន្តនិងខារ៉ាអូខេក៏ត្រូវបានបិទ៕

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post