header ads

Sponsor

សង្គម

អាម៉ាប៉ាប៉ាញ៉ូស

​ក្រុមហ៊ុន​ម្សៅ​ទឹកដោះគោ Nutrilatt បាន​ចេញ​លិខិត​សុំទោស និង​ព្រម​ទទួល​ខុស​ត្រូវ​លើ​កំហុស​ឆ្គង​ផលិតផល​របស់​ខ្លួន​ ដែល​បណ្ដាលឲ្យប៉ះពាល់​ដល់​សុខភាព​ទារក។

នេះបើតាមលិខិត​ចេញ​កាល​ពី​ម្សិលមិញ ថ្ងៃទី ០៩ ខែកញ្ញា នេះ ក្រុមហ៊ុន Nutrilatte Master LM Co​., Ltd បាន​បង្ហាញ​ការ​សោកស្ដាយ និង​សុំ​ការ​យោគយល់ និង​ព្រម​សង​សំណង​ដល់​មាតាបិតាដែល​មាន​បុត្រ​ធីតា​រងផល​ប៉ះពាល់​។ ក្រុមហ៊ុន​នេះបាន​ទទួលស្គាល់​ថា ម្សៅ​ទឹកដោះគោ​របស់​ខ្លួន​ដែល​មាន​លេខ​កូដ៦ប្រភេទ មាន​បញ្ហា​លើ​ធាតុផ្សំដែល​បណ្ដាលឱ្យប៉ះពាល់​ដល់​សុខភាព​ទារក។

លិខិតសុំទោស

សូមជម្រាបជូនថា បើតាមសេចក្ដីប្រកាស​ព័ត៌មាន​ចេញផ្សាយ​កាល​ពី​ថ្ងៃទី២៦ ខែសីហា របស់​អគ្គនាយក​ដ្ឋាន​ការពារ​អ្នកប្រើ​ប្រាស់ កិច្ចការ​ប្រកួតប្រជែង និង​បង្ក្រាប​ការ​ក្លែងបន្លំ លើកឡើង​ថា ​ផ្អែក​តាម​លទ្ធផល​វិភាគ បង្ហាញថា ​បរិមាណ​ជាតិ​ដែក​និង​ជាតិ​ស័ង្កសី​ជាក់ស្ដែង​ដែល​មាននៅ​ក្នុង​សំណាក​ផលិត​ផលម្សៅ​ទឹក​ដោះ​គោ​នុ​តទ្រី​លែ​តស៍ ​(ដែល​មានលេខ​កូដ ៤៨៧, ៤៨៨, ៥៣៦, ៥៣៧, ៥៣៨ និង ៥៣៩​) មានកម្រិត​ទាប​ជាង​ឆ្ងាយ​យ៉ាង​ខ្លាំង​ពី​បរិមាណ​ដែល​បាន​បញ្ជាក់​លើ​ស្លាក​ផលិតផល ពោល​គឺ​កម្រិត​ជាតិ​ដែក​មាន​ចំនួន២០ដង​តិច​ជាង​ចំនួនជា​តិ​ដែក​ដែល​បាន​បញ្ជាក់​លើ​ស្លាក​ផលិតផល។ ចំណែក​ឯជាតិ​ស័ង្កសី​វិញ​មាន​ចំនួន​តែ​ជាង​ពាក់កណ្ដាល​ប៉ុណ្ណោះ​ទៅ​នឹង​អ្វី​ដែល​បាន​បញ្ជាក់​លើ​ស្លាក​សញ្ញា។

អគ្គនាយក​ដ្ឋាន​ការពារ​អ្នកប្រើ​ប្រាស់ ​កិច្ចការ​ប្រកួតប្រជែង ​និង​បង្ក្រាប​ការ​ក្លែងបន្លំ​ បាន​លើកឡើង​ក្នុង​របាយការណ៍​លទ្ធផល​ពិសោធន៍​ជាង៤០ទំព័រ​នោះ​ថា ផលិត​ផលនុ​តទ្រី​លែ​ត មិនបាន​បំពេញ​តម្រូវការ​អប្ប​បរមាលើ​កម្រិត​ជាតិ​ដែក​ដែល​មានកំណត់​ក្នុង​ស្ដ​ង់​ដារ Codex​[សុវត្ថិភាព​អាហារ​សម្រាប់​មនុស្ស​គ្រប់រូប​នៅ​គ្រប់​ទីកន្លែង​] នោះ​ទេ។ ជាក់ស្ដែង ផលិតផល​នេះ​ស្ទើរតែ​គ្មាន​ជាតិ​ដែក​សោះ ពោល​គឺ​កម្រិត​ជាតិ​ដែក​មានត្រឹមតែ​ <០,២៥មី​លី​ក្រាម​/១០០ក្រាម​ប៉ុណ្ណោះ ដែលស្ដ​ង់​ដារ​អន្តរជាតិ​គឺតម្រូវការ​ជាតិដែក​យ៉ាងតិច​ណាស់ ២,២៨៦មី​លី​ក្រាម​/១០០ក្រាម​ សម្រាប់​ទារក​អាយុ០ខែ​ដល់៦ខែ ​(ទឹក​ដោះ​គោម្សៅលេខ១​) និង ៤,៧២មី​លី​ក្រាម​/១០០ក្រាម សម្រាប់​កុមារ​អាយុ​ពី៦ខែ​ដល់១២ខែ (ទឹក​ដោះ​គោម្សៅលេខ២​)៕

@Amapapa.News

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post