header ads

សេដ្ឋកិច្ច

អាម៉ាប៉ាប៉ាញ៉ូស

នៅថ្ងៃទី៦ ខែតុលា តំបន់ជាច្រើននៅក្នុងក្រុងបាត់ដំបង ត្រូវបានជន់​លិច​ក្រោយ​ពី​មាន​ភ្លៀង​ធ្លាក់​៤​ថ្ងៃ​ជាប់​គ្នា​។

លោក ចាន់ សំបូរ ប្រធានមន្ទីរសាធារណការ និងដឹកជញ្ជូនខេត្តបាត់ដំបងបានប្រាប់​សារ​ព័ត៌​មាន​ខ្មែរ​ណាស់នៅរសៀលថ្ងៃអង្គារ៍នេះថា  ប្រព័ន្ធលូជាច្រើននៅក្នុងក្រុងមានទំហំតូចពេក ហើយ​សុទ្ធ​តែ​ជា​លូ​ចាស់​ៗ និងខ្លះបានរងការខូចខាតលែងដំណើរការ ដោយសារ​មាន​អាយុ​កាល​តាំង​ពី​សម័យ​បារាំង​។

លោកថា៖«លូទាំងនោះមិនអាចទ្រទ្រង់ទំហំទឹកដ៏ធំ ក្រោយស្ថានភាពភ្លៀងជាប់ៗគ្នានោះទេ។ ហើយ​ប្រឡាយមួយចំនួនក៏កកស្ទះដោយសារកំប្លោក មិនអាចឱ្យទឹកភ្លៀងហូរចូលបានច្រើន ទើប​ក្នុង​ក្រុង​បាត់​ដំបង​ទាំង​មូលទទួលរងការជន់លិចបែបនេះ»។

លោកបន្តថា ជំនន់ទឹកភ្លៀងលិចក្រុង បានធ្វើឱ្យផ្លូវមួយចំនួននៅប៉ែកខាងលិចស្ទឹងសង្កែ បានរង​ការ​ខូច​ខាត​ដោយសារកើតគំហុកតូចៗជាច្រើន ហើយផ្ទះរបស់ពលរដ្ឋខ្លះត្រូវបានទឹកហូរចូល។

លោក ចាន់ សំបូរ បញ្ជាក់ទៀតថា មន្ទីរសាធារណការ និងដឹក​ជញ្ជូន​ខេត្ត​បាន​ចាប់​ផ្ដើម​ស្តារ​ប្រឡាយ​និង​លូ​ឡើងវិញ ដើម្បីដោះស្រាយបញ្ហាទឹកជំនន់នៅក្នុងក្រុងនៅពេលនេះ។ 

លោកបញ្ជាក់ថា ក្រុងបាត់ដំបងទាំងមូលតែងជួបបញ្ហាទឹកជន់លិចបែបនេះ ប្រសិនបើមាន​ភ្លៀង​ធ្លាក់​ជាប់​ៗ​គ្នា​ពី​មួយ​ថ្ងៃ​ទៅ​មួយ​ថ្ងៃ ដោយសារជាទីក្រុងមួយដែលមានចំណាស់ និងមិនទាន់​មាន​ការ​រៀប​ចំ​ប្រពន្ធលូជាថ្មី។

ក្រសួងធនធានទឹក និងឧតុនិយមបានអំពាវនាវពលរដ្ឋដែលរស់នៅទីទំនាបក្បែរផ្លូវទឹក ជាប់តំបន់ភ្នំ ជួរភ្នំ និងខេត្តនៅតំបន់ម៉ាត់សមុទ្រ ត្រូវប្រុងប្រយ័ត្នចំពោះបាតុភូតផ្គរ រន្ទះ ខ្យល់កន្រ្តាក់ និងជំនន់​ទឹក​ភ្លៀង ចាប់ពីថ្ងៃទី៧ ដល់ថ្ងៃទី៩ ខែតុលា ឆ្នាំ២០២០៕​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post