header ads

សង្គម

អាម៉ាប៉ាប៉ាញ៉ូស

លោកស្រី ឱ វណ្ណឌីន មន្រ្តីនាំពាក្យក្រសួងសុខាភិបាលបានលើកឡើងនៅយប់ថ្ងៃទី៨​តុលា​ថា ក្រសួងតែងតែណែនាំឱ្យមានការពង្រឹងការគ្រប់គ្រងអ្នកធ្វើចត្តាឡីស័កទាំងនៅតាម​មណ្ឌល​ចត្តាឡីស័ក និងនៅតាមផ្ទះ ខណៈវិធានការចត្តាឡីស័កដើម្បីទប់ស្កាត់កុំឱ្យមាន​ការ​ឆ្លងរាលដាលចូលសហគមន៍នេះ ​​​​​​​​​​​​​​​​​​​​​​​​​​​​​​​នៅពុំទាន់បានអនុវត្តត្រឹមត្រូវនៅឡើយ។

លោកស្រីថា៖«អាជ្ញាធរថ្នាក់ក្រោមជាតិជាអ្នកគ្រប់គ្រង​ចាត់ចែងឲ្យមានការយាមកាម​បន្ថែម​ទៀតនៅតាមមណ្ឌលចត្តាឡីស័ក​។​​​ កន្លងមក​ អាជ្ញាធរថ្នាក់ក្រោមជាតិធ្វើបានល្អហើយ​ តែនៅមានចំណុចឆកល្វែង​ យើងកំពុងតែខិតខំបន្ថែមទៀត។​ ក៏ប៉ុន្តែ​បុគ្គល​ម្នាក់​ៗ​​​ ត្រូវយល់និងចូលរួមអនុវត្តតាមវិធានការនេះឲ្យបានត្រឹមត្រូវ​ ដោយមិនព្យាយាមរត់​គេ​ច​ទាំងជនជាតិខ្មែរនិងបរទេស»។​​​​​​​​​​​​​​​​​​​​​​​​​​​​​​​

លោកស្រីបន្ថែមថា ចំពោះការណែនាំធ្វើចត្តាឡីស័កនៅតាមផ្ទះ​​​​​​​​​​​​​​​​​​​​​​​​​​​​​​​ ក៏ជាវិធានការដែលមាន​ធ្វើនៅតាមបណ្តាប្រទេសជាច្រើន ហើយបុគ្គលត្រូវទទួលខុសត្រូវដោយខ្លួនឯង​ រីឯក្រុម​គ្រួសារ​​និងអ្នកជិតខាង​ជាអ្នកជួយគាំទ្រ​ជួយពន្យល់បុគ្គលនោះ​ និងចូលរួមរាយ​ការណ៌​ជូនអាជ្ញាធរមូលដ្ឋាន​ ប្រសិនបើមិនព្រមអនុវត្តការធ្វើចត្តាឡីស័កបានត្រឹមត្រូវ។​​​​​​​​​​​​​​​​​​​​​​​​​​​​​​​

ការលើកឡើងរបស់មន្រ្តីនាំពាក្យក្រសួងសុខាភិបាលនេះ ក្រោយពីមានបុរសជន​ជាតិ​ហុង​គ្រីនិងជនជាតិបារាំងនៅក្រុងសៀមរាប បានរំលោតលើការធ្វើចត្តាឡីស័កនៅតាមផ្ទះ ដោយ​បានចេញទៅក្រៅទិញរបស់របរ ជួបលៀងជាមួយមិត្តភក្ដិ និងហែលទឹកជាដើម មុន​បុរសទាំងពីរនេះធ្វើតេស្ដវិជ្ជមាន។

​លោកស្រី ឱ វណ្ណឌីន ​​​​​​​​​​​​​​​​​​​​​​​​​​​​​​​អំពាវនាវឱ្យជៀសវាងការប៉ះពាល់ជាមួយអ្នកដែលកំពុងធ្វើចត្តា​ឡីស័ក​​ដោយរក្សាគម្លាតពីគ្នា​ ហើយនៅពេលប្រើប្រាស់មធ្យោបាយធ្វើដំណើរតាមរថយន្តជាអ្នកទាំងនេះ​ ត្រូវពាក់ម៉ាស់ជាប់ជានិច្ច​ និងលាងដៃញឹកញាប់ជាមួយអាល់កុល។

នៅព្រឹកថ្ងៃទី៩តុលានេះ ក្រសួងសុខាភិបាលបានប្រកាសករណីវិជ្ជមានម្នាក់ទៀតដែលជាជនជាតិខ្មែរអាយុ២៩ឆ្នាំរស់នៅរាជធានីភ្នំពេញ និងករណីជាសះស្បើយម្នាក់។ អ្នកតេស្ដវិជ្ជមាន​ថ្មីនេះជាអ្នកដំណើរមកពីសហរដ្ឋអាមេរិកមកដល់កម្ពុជានៅថ្ងៃទី៧តុលា ដែល​បាន​ធ្វើដំណើរតាមយន្តហោះផ្ទុកមនុស្សសរុបចំនួន១២៨នាក់។​​​​​​​​​​​​​​​​​​​​​​​​​​​​​​​

កម្ពុជារកឃើញអ្នកជំងឺនេះសរុបចំនួន២៨២នាក់ ​​​​​​​​​​​​​​​​​​​​​​​​​​​​​​​ក្នុងនោះអ្នកព្យាបាលឱ្យជាសះស្បើយមានចំនួន២៧៧នាក់៕

@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post