header ads

សង្គម

អាម៉ាប៉ាប៉ាញ៉ូស

ព្រះវិហារ ៖ មន្ទីរ​សុខាភិបាល​ខេត្ត​ព្រះ​វិហារ​ បាន​រកឃើញ​អ្នកសង្ស័យ​ប៉ះពាល់​ផ្ទាល់​ ឬ ប្រយោល​ពីព្រឹត្តិការណ៍​៣វិច្ឆិកា ក្នុង​ការ​ទស្សនកិច្ច​របស់​រដ្ឋមន្ត្រី​ការ​បរទេស​ និង​ពាណិជ្ជកម្ម​ហុងគ្រី ចំនួន២៥នាក់​ ក្នុង​នោះ​បាន​ឲ្យ​ពួក​គាត់​ធ្វើ​ចត្តាឡីស័ក​កម្រិត២ នៅ​ផ្ទះសំណាក់​គ្រូបង្រៀន​ចំនួន៩នាក់ នៅ​ចត្តាឡីស័ក​កម្រិត១ នៃ​ស្រុក​គូលែន​ចំនួន១៦នាក់​ ។

នេះ​បើ​តាម​សេចក្តី​ជូន​ដំណឹង​របស់​មន្ទីរ​សុខាភិបាល​ខេត្ត​ព្រះ​វិហារ បានឲ្យដឹងនៅថ្ងៃទី ១០ ខែវិច្ឆិកា ឆ្នាំ២០២០​។

សេចក្តី​ជូន​ដំណឹង​បាន​ឲ្យ​ដឹង​បន្តថា មន្ទីរ​សុខាភិបាល​បាន​យក​សំណាក​ពួកគាត់​បាន​ចំនួន៩នាក់ មកធ្វើ​ចត្តាឡីស័ក​កម្រិត​២ នៅផ្ទះសំណាក់​គ្រូ​បង្រៀន​ និង​បន្ត​យក​សំណាក​ពួក​គាត់​ នៅ​ព្រឹក​ស្អែក​ទៀត​សម្រាប់​អ្នក​នៅ​សេសសល់​។

ក្នុង​នោះ​ផង​ដែរ​ មន្ទីរសុខាភិបាល​ខេត្ត​ព្រះ​វិហារ​ក៏​បាន​ធ្វើ​ការ​ណែនាំ​ដល់​អ្នក​សង្ស័យ​ដែល​បាន​ប៉ះពាល់​ដោយ​ប្រយោល​ លើ​ប្រយោល ឲ្យ​គាត់​ធ្វើ​ចត្តាឡីស័ក​នៅ​ផ្ទះ។

បើ​តាម​សេចក្តីជូន​ដំណឹង​របស់​មន្ទីរសុខាភិបាល​ខេត្ត​ព្រះ​វិហារ​បាន​បញ្ជាក់​ថា គិត​មក​ទល់​បច្ចុប្បន្ននេះ​ក្រុម​ឆ្លើយតប​បន្ទាន់​នៃ​មន្ទីរសុខាភិបាល​ខេត្ត​ព្រះ​វិហារ​មិនទាន់​រក​ឃើញ​អ្នក​ជំងឺ​កូវីដ១៩​ពីព្រឹត្តិការណ៍ ៣វិច្ឆិកា នៅឡើយ​ទេ​។ មន្ទីរ​សុខាភិបាលខេត្ត​ព្រះ​វិហារ​ ក៏​សូម​អំពាវនាវ​ដល់​បងប្អូន​ប្រជាពលរដ្ឋ​ទាំង​អស់​ក្នុង​ខេត្ត​ព្រះ​វិហារ​សូម​មេត្តា​ចូល​រួម​ការ​ពារ​ខ្លួន​ពីជំងឺ​កូវីដ​១៩ ឲ្យ​បាន​៕

សេចក្ដីជូនដំណឹង
@Amapapa.News
លោកអ្នកអាចបញ្ចេញមតិនៅទីនេះ!

Feature Ads

Previous Post Next Post