header ads

ភ្នំពេញ ៖ ក្រោយពីប្រមូលបានភស្ដុតាងបាននៅ​កន្លែងកើតហេតុ សាកសួរ​សាក្សី ឃើញ​ហេតុការណ៍​ផ្ទាល់ និង ការស៊ើបអង្កេតរយៈពេលមួយថ្ងៃនេះ ប្រភព​ពី​សមត្ថកិច្ច​បានឲ្យដឹងថា​ សមត្ថកិច្ច​ជំនាញ​ បានកំណត់​មុខសញ្ញាពាក់​ព័ន្ធ​បាញ់​សម្លាប់​ នាយរងការិយាល័យ​នគរបាល​ព្រហ្មទណ្ឌ​កម្រិត​ស្រាល​ នៃ​ ស្នងការ​ដ្ឋាន​នគរបាលរាជធានីភ្នំពេញ​ ក្នុង​ហេតុការណ៍​គ្រោះថ្នាក់​ចរាចរណ៍​បានហេីយ​ ពេល​នេះ​ សមត្ថកិច្ច​កំពុង​តាម​ប្រមាញ់​ជនល្មើស​ដេីម្បី​យកមកផ្ដន្ទាទោសតាម​ច្បាប់​ ។

សមត្ថកិច្ចបង្ហើប​ថា ការ​តាម​ចាប់ខ្លួន​ក្រុម​ឃាតករ ក៏​ប្រឈមមុខ​នឹង​គ្រោះថ្នាក់ ផងដែរ ដោយសារតែ​ក្រុម​ឃាតករ មាន​កាំភ្លើង​ក្នុង​ដៃ ដែល​អាច​ប្រទូស្ត​រាយ​នឹង​គ្នា ប្រសិនបើ ប្រតិបត្តិការ​នេះមិន​ច្បាស់លាស់ និង​ធ្វើ​ដោយ​គ្មាន​ប្រសិទ្ធភាព​ទេនោះ ។​

សង្ឃឹមថា​មូលហេតុ​នៃការបាញ់​សម្លាប់​ករណីខាងលើនេះនឹងត្រូវបានលាតត្រដាង​នៅពេលដែល​សមត្ថកិច្ច​ឃាត់​ខ្លួន​បានជនល្មេីស​ ។

មហាជនសម្ដែងការងឿងឆ្ងល់ថា បេីគ្រាន់តែ​គ្រោះថ្នាក់​ចរាចរណ៍​ធម្មតា​ គ្មាន​ហេតុផល​អ្វី​ត្រូវ​បាញ់​សម្លាប់​ទេ​ អាចមានហេតុផលអ្វីមួយហេីយ​ទេីប​ជនល្មើស​បាញ់​សម្លាប់​បែប​នេះ​ ។

បើយើងមើលតាមរយៈ​វីដេអូ​ដែល​ជនល្មើស​បាញ់​ទៅលេី​ជនរងគ្រោះ​ គឺ​ជនល្មើស​បាញ់​ប្រមាណ​ ៤​ គ្រាប់​តែ​ប៉ុណ្ណោះ​ តែសំបកគ្រាប់​មានរហូតដល់ទៅ​ ៩​ គ្រាប់​ ហេីយសំបកគ្រាប់​ ៩​ គ្រាប់​នោះ​មិនដូចគ្នាទេ​ ឬមានន័យថា​ អាច​សំបកគ្រាប់​កាំភ្លើង​ផ្សេង​គ្នា​ ។ ឬមួយ​កូនចៅ​របស់​ជនរងគ្រោះ​ បាញ់តបតជាមួយ​ជនល្មើស​ ?

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post