header ads

បាត់ដំបង៖ កាលពីថ្ងៃទី ១២ ខែ ធ្នូ ឆ្នាំ ២០២០ វេលាម៉ោង ១៧និង៤៤នាទី អនុវត្តតាមបទបញ្ជារបស់លោក​ឧត្តមសេនីយ៍ទោ សាត គឹមសាន ស្នងការនៃ​ស្នងការដ្ឋាននគរបាលខេត្តបាត់ដំបង និងបន្ទាប់ពីបានការយល់ព្រមពីឯកឧត្តម គឺ ប៊ុណ្ណារ៉ា ព្រះរា​ជអាជ្ញាអមសាលាដំបូងខេត្តបាត់ដំបង ផងនោះផែនការងារនគរបាលព្រហ្មទ័ណ្ឌដែលមាន​លោក​វរសេនីយ៍ឯក លឹម ពុទ្ធីឡា ស្នងការរង​ទទួលផែនបានដឹកនាំធ្វើការបង្រ្កាបករណីវាយប្លន់យកម៉ូតូនៅក្រុងបាត់ដំបងមួយករណីដែលកិច្ចប្រតិបត្តិការនេះមានលោកវរសេនីយ៍ឯក ឈឿង គឹមសុង នាយការិយាល័យនគរបាលព្រ​ហ្មទ័ណ្ឌកំរិតស្រាលនៃស្នងការដ្ឋាន រួមជាមួយកងកម្លាំងនគរបាលក្រុមបង្ការបង្រ្កាបនៃស្នងការដ្ឋានធ្វើការស្រាវជ្រាវនិងឈានទៅធ្វើការឃាត់​ខ្លួន​មុខសញ្ញាជាជនសង័្សយទាំងសំបុក្រនៅក្រុងបាត់ដំបងចំនួន០៥​នាក់ក្នុងនោះមាន៖

១-ឈ្មោះ ហូ ឌឿន ហៅ ដូង ភេទប្រុស អាយុ ៤២ ឆ្នាំ មានទីលំនៅភូមិទួលតាឯក សង្កាត់ទួល​តាឯក ក្រុង បាត់ ដំបង ខេត្តបាត់ដំបង ។

២-ឈ្មោះ មូល សុគុណ ភេទប្រុស អាយុ ២០ ឆ្នាំ មានទីលំនៅភូមិព្រៃកូនសេក សង្កាត់អូរចារ ក្រុងបាត់ដំបង ខេត្តបាត់ដំបង ។

៣-ឈ្មោះ លុន រ៉ាឆា ហៅ វីន ភេទប្រុស អាយុ ១៩ឆ្នាំ មានទីលំនៅភូមិសារវ័ន្ត ឃុំស្នាអន្សា ស្រុកក្រគរ ខេត្តពោធិ៍សាត់ ។

៤-ឈ្មោះ ពាង សុខងី ភេទប្រុស អាយុ ២៣ឆ្នាំ មានទីលំនៅភូមិកណ្តាលស្ទឹង ឃុំអណ្តើកហែប ស្រុករតនៈមណ្ឌល ខេត្តបាត់ដំបង ។

៥-ឈ្មោះ យាន វិជ្ជតា ហៅ វីត ភេទប្រុស អាយុ ១៥ ឆ្នាំ មានទីលំនៅភូមិកំពង់ពិល ឃុំវត្តតាមិម ស្រុកសង្កែ ខេត្តបាត់ដំបង ។

*-កិច្ចប្រតិបត្តិការនេះសមត្ថកិច្ចដកហូតបានវត្ថុតាងរួមមាន៖
-កាំបិតកែច្នៃ ចំនួន ០២ ដើម
-ម៉ូតូ ចំនួន ០២ គ្រឿង ១ ម៉ាក ហុងដាឌ្រីមសេ ១២៥ ពណ៌ខ្មៅ ស៊េរីឆ្នាំ ២០១៤ លេខតួ ៩១១ ៧ ៦៧១ លេខម៉ាស៊ីន ៩១១៧៦៧១ ពាក់ស្លាកលេខ បាត់ដំបង1Q5910 ( ជារបស់ជនរងគ្រោះ )
-ម៉ូតូម៉ាក ហុងដា អេសអិល ពណ៌ទឹកប្រាក់ ពាក់ស្លាកលេខ ភ្នំពេញ 1FA 2574 ។
នៅចំពោះមុខសមត្ថកិច្ចនគរបាលជនសង័្សយខាងលើបានឆ្លើយសារភាពថា ពួកគេពិតជាបានធ្វើសកម្មភាព ប្លន់យកម៉ូតូរបស់ជនរងគ្រោះខាង លើពិតប្រាកដមែនដោយប្រើប្រាស់កាំបិតច្នៃចំនួន០២ដើមកាលពីយប់ថ្ងៃទី ១១ ខែ ធ្នូឆ្នាំ ២០២ ០។

សូមជម្រាបជូនថា កាលពីយប់ថ្ងៃទី ១១ ខែ ធ្នូ ឆ្នាំ ២០២០ វេលាម៉ោង ០២និង៣៨នាទីរំលងអាធ្រា ត្រឈានចូលថ្ងៃទី ១២ ខែ ធ្នូ ឆ្នាំ ២០២០នៅចំ ណុចផ្សារបន្លែមួយកន្លែងស្ថិតនៅភូមិអូរចារ សង្កាត់អូរចារ ក្រុងបាត់ដំបង ខេត្តបាត់ដំបង មានករណីដេញកាប់ជនរងគ្រោះប្លន់យកម៉ូតូ មួយបានកើតឡើងដែលករណីនេះបង្កដោ យក្រុមជនស័ង្សយចំនួន០៥នាក់ប្រដាប់ដោយកាំបិតច្នៃបានធ្វើសកម្មភាពដេញកាប់ជនរង គ្រោះឈ្មោះ ឈាន សាមុត ភេទប្រុស អាយុ ១៩ ឆ្នាំ មានទីលំនៅភូមិស្វាយធំ ឃុំអូរដំបង២ ស្រុកសង្កែ ខេត្តបាត់ដំបង តែមិនបានបណ្តាលឱ្យជន រងគ្រោះមានរបួសស្លាកស្នាមនោះទេ ដោ​យក្រុមចោរប្លន់យកតែម៉ូតូមួយគ្រឿងម៉ាក​ហុងដា ឌ្រីម សេ ១២៥ ពណ៌ខ្មៅ ស៊េរីឆ្នាំ ២០១៤ លេខតួ ៩១១៧៦៧១ លេខម៉ាស៊ីន ៩១១៧៦៧១ ពាក់ស្លាកលេខ បាត់ដំបង 1Q 5910 តែប៉ុ​ណ្ណោះ រួចជិះគេចខ្លួនបាត់ ។

ក្រោយកើតហេតុជនរងគ្រោះបានផ្តល់ព័ត៌មានដល់សមត្ថកិច្ចនគរបាល ហើយឆ្លងតាមរយៈការ​ស្រាវជ្រាវ ស៊ើបអង្កេតរបស់សមត្ថកិច្ចក្នុងថ្ងៃទី​១២ ខែ ធ្នូ ឆ្នាំ ២០២០ ដដែល គឺក្រោយក្រុមចោរធ្វើសកម្មភាពបានត្រឹមតែ ១៥ម៉ោងតែប៉ុណ្ណោះសមត្ថកិច្ចឃាត់ខ្លួននិងដកហូតវត្ថុតាងប្រគល់ជូនម្ចាស់ជាជនរងគ្រោះវិញ។

នៅពេលនេះជនសង័្សយនិងវត្ថុតាងពាក់ព័ន្ធផ្សេង​ទៀតសមត្ថកិច្ចបានរៀបចំបញ្ជូនទៅកាន់អយ្យការអមសាលា ដំបូងខេត្តបាត់ដំបងដើម្បីធ្វើការផ្តន្ទាទោសតាមផ្លូវច្បាប់៕

(រូបភាពផែនការ​ងារ/ព្រហ្មទ័ណ្ឌ/គឹមសុង)By kosal!@@@១៤/ធ្នូ/២០២០

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post