កំពង់ស្ពឺ ៖ តាមរបាយការណ៍ពីសមត្ថកិច្ចបានឲ្យដឹងថា កាលពីម៉ោង០៤ទៀបភ្លឺ ថៃ្ងទី១២ ខែកុម្ភៈ ឆ្នាំ២០២១ លើកំណាត់ផ្លូវជាតិលេខ៤ PK42+500 នៅចំណុចភូមិចំបក់ ឃុំវល្លិសរ ស្រុកសំរោងទង មានរថយន្ដ០១គ្រឿង ម៉ាកFUSO ក្បាលពណ៌បៃតង ពាក់ស្លាកលេខភ្នំពេញ3E-3936 សណ្ដោងសឺមីរ៉ឺម៉ក ពាក់ស្លាកលេខភ្នំពេញ4A-5074 អ្នកបើកបរមិនស្គាល់អត្តសញ្ញាណ (គេចខ្លួនក្រោយកើតហេតុ) បើកបរពីលិចទៅកើត មកដល់ចំណុចខាងលើបានបុករថយន្ដ01គ្រឿង ម៉ាកTUNDRA ពណ៌ស ពាក់ស្លាកលេខភ្នំពេញ2AJ-7909 អ្នកបើកបរឈ្មោះ ថូម៉ាស់ ភេទប្រុស អាយុ45ឆ្នាំ ជនជាតិ ជនបរទេស ស្នាក់នៅរាជធានីភ្នំពេញ ។
ក្នុងហេតុការណ៍គ្រោះថ្នាក់ខាងលេី បណ្ដាលឱ្យជនរងគ្រោះជាប់ក្នុងរថយន្ដ រួមអ្នកដំណើរឈ្មោះ ឈិន ស្រីស្រស់ ភេទស្រី អាយុ២៥ឆ្នាំ រស់នៅភូមិភានសា ឃុំព្រះនិព្វាន ស្រុកគងពិសី ខេត្តកំពង់ស្ពឺ ត្រូវបានសមត្ថកិច្ចនគរបាល ជួយអន្ដរាគមន៍សង្រ្គោះបន្ទាន់យកចេញពីក្នុងរថយន្ដ រួចបញ្ជូនទៅមន្ទីរពេទ្យ។
តាមរបាយការណ៍ជំនាញ រថយន្តសណ្ដោងសឺមីរឺម៉ក បើកបរបញ្ច្រាសទិសគ្នា រួចបានរេចង្កូតចូលទៅផ្នែកខាងឆ្វេង បុករថយន្ដដែលបេីកបរបញ្រ្ចាសទិស រួចក៏គ្នារុញធ្លាក់ផ្លូវចូលទៅខាងឆ្វេងផ្ទះវេរប្រាក់ Wing ។
បច្ចុប្បន្នមធ្យោបាយបង្ក យកមករក្សាទុកនៅអធិការដ្ឋាននគរបាលស្រុកសំរោងទង ដេីម្បីកសាងសំណុំរឿងចាត់ការតាមនីតិវិធី៕