បុរសកើតកូវីដ១៩ម្នាក់នៅខេត្តកែប បានស្លាប់ដោយសារជំងឺ ទាចទឹកប្រចាំកាយ

កែប៖ បើតាមលោក ម៉ែន សុធី ប្រធានមន្ទីរសុខាភិបាលខេត្តកែប បានបញ្ជាក់ថា ករណីបុរសកើតជំងឺកូវីដ១៩ម្នាក់ បានស្លាប់បាត់បង់ជីវិត ដោយសារជំងឺទាចទឹក ប្រចាំកាយ នៅថ្ងៃទី ២៤ ខែមេសា ឆ្នាំ ២០២១ ម៉ោង ៦ និង១០ នាទីយប់ ដោយសង្ស័យ យើងបានយកសំណាកគាត់ទៅពិនិត្យវិភាគ ជាលទ្ធផលឃើញថា សពមានវិជ្ជមានកូវីដ១៩។

លោក ម៉ែន សុធី បានបញ្ជាក់អោយដឹងទៀតថា សាកសពខាងលើបានវិចខ្ចប់និងយកទៅបូជារួចរាល់ហើយដែរ នៅឡបូជាសាកសពនៅខេត្តកំពត ដោយការវិចខ្ចប់ក្រុមគ្រួពេទ្យយើងបានអនុវត្តន៍តាមវិធានការរបស់ក្រសួងសុខាភិបាល។

គួរបញ្ជាក់ថា បុគ្គលដែលបានស្លាប់បាត់បង់ជីវិតខាងលើ ជាអ្នកពាក់ព័ន្ធដោយផ្ទាល់ជាមួយ អ្នកជំងឺកូវីដ១៩ ឈ្មោះ កៅ វ៉ាន់ រស់នៅភូមិអំពេង ឃុំអង្កោល ស្រុកដំណាក់ចង្អើរ ខេត្តកែប ដែលរដ្ឋបាលខេត្តបានប្រកាសកាល ពីថ្ងៃទី២៣ ខែមេសា ឆ្នាំ២០២១ កន្លងទៅ។