តុលាការដោះលែង កូនបង្កើតនិងកូនប្រសារ លោកឧកញ៉ា ហេង សៀ អោយមានសេរីភាពឡើងវិញនៅថ្ងៃទី១៧ ខែឧសភា ឆ្នាំ២០២១ នេះ ដោយយោងតាមសេចក្តីថ្លែងការណ៍របស់អ្នកនាំពាក្យអយ្យការអមសាលាដំបូងរាជធានីភ្នំពេញ ត្រង់ចំណុចទី៣ បានបញ្ជាក់ថា «អយ្យការរាជធានីភ្នំពេញ បានទទួលពិនិត្យយ៉ាងម៉ត់ចត់នូវលទ្ធផលនៃការស៊ើបអង្កេតករណីខាងលើនេះ និង បានសម្រេចដោះលែងឈ្មោះ ឃន ឈុនតារា និង ឈ្មោះ តាំង គីមហៀង និង សម្រេចបន្តការស៊ើបអង្កេតស្រាវជ្រាវនៃការផលិតរូបភាពអាសអាភាស ដែលត្រូវបានចែកចាយតាមបណ្តាញសង្គម ដែលអំពើផលិតរូបភាពអាសអាភាស ដើម្បីចែកចាយជាសាធារណៈ នេះ គឺ ជាអំពើធ្វើអោយប៉ះពាល់ដល់ប្រពៃណី សីលធម៌សង្គម និង សេចក្តីថ្លៃថ្នូររបស់ស្ត្រី និង ដែលត្រូវផ្តន្ទាទោសតាមច្បាប់នៃព្រះរាជាណាចក្រកម្ពុជា»។
លោក ឃន ឈុនដារ៉ា និង ភរិយា បានទទួលស្គាល់ថាពិតជាបានជ្រេីសរេីសមនុស្សពីរនាក់មកដេីរតួរត្រាប់តាមអង្គហេតុនៃជម្លោះរវាង ឧកញ៉ា ហេង សៀ និងកញ្ញា មានពេជ្ររីតា ពិតមែន ប៉ុន្តែពុំមានភស្តុតាងនៃការផលិតវីដេអូអាសអាភាសនោះទេ។
