មិនទាន់ចប់ត្រឹមហ្នឹងទេ រកឃើញអ្នកវិជ្ជមានកូវិដ១៩បន្ថែម៣នាក់ទៀតក្នុងចំណោម អ្នកបានប៉ះពាល់ផ្ទាល់ និងប្រយោលជាមួយអ្នកជំងឺកូវិដ១៩ នៅភូមិទ្រា២

សាលាសង្កាត់ស្ទឹងមានជ័យបានអោយដឹងថា ក្រុមគ្រូពេទ្យ ស្ម័គ្រចិត្តសម្តេចតេជោចុះពិនិត្យយកសំណាក អ្នកពាក់ព័ន្ធផ្ទាល់ និង ប្រយោល សរុប១៧ នាក់ រកឃើញ វិជ្ជមាន សរុប៣នាក់ បន្ថែមទៀត។

នៅម៉ោង១៤:០០នាទីថ្ងៃទី២៨ខែឧសភា ឆ្នាំ២០២១ ស្ថិតនៅចំណុចផ្ទះ៤៧២ ក្រុមទី១ ភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ។

សូមជម្រាបថា គណៈបញ្ជាការឯកភាពខណ្ឌមានជ័យ បានចុះបិទទីតាំងឃ្លាំងស្តុកទំនិញ (ស្តុកខារ៉ាបាវ) របស់ឈ្មោះ ស ពុទ្ធា បន្ទាប់ពីមានកម្មករសរុប ៥៣នាក់ វិជ្ជមានកូវិដ១៩ ដែលមានទីតាំង ស្ថិតនៅឃ្លាំងលេខ ៤៧០ ក្រុមទី៣ ភូមិទ្រា២ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ នៅព្រឹកថ្ងៃសុក្រនេះ ៕