ភ្នំពេញ ៖ នាព្រឹកថ្ងៃទី២ ខែកក្កដា ឆ្នាំ២០២១នេះ ផ្សារអូឡាំពិច បានបិទខ្ទប់ទាំងស្រុងក្រោយពីបានរកឃើញអ្នកវិជ្ជមានកូវីដ១៩ ចំនួន១៨នាក់ ក្នុងនោះមានសន្តិសុខផ្សារចំនួន១៤នាក់ និងគណកម្មការផ្សារចំនួន៤នាក់។
បើតាមការបញ្ជាក់ពីអាជ្ញាធរ អ្នកទាំង១៨នាក់នេះ ត្រូវក្រុមគ្រូពេទ្យ ODCTM មកយកសំណាកលើកទី១ កាលពីល្ងាចថ្ងៃទី១ ខែកក្កដា ឆ្នាំ២០២១។
អាជ្ញាធរបានប្រកាសឱ្យអាជីវករនៅក្នុងផ្សារអូឡាំពិចទាំងអស់ ទៅយកសំណាកនៅវិទ្យាល័យទួលស្វាយព្រៃ២ ខណ្ឌបឹងកេងកង។
