![](https://blogger.googleusercontent.com/img/b/R29vZ2xl/AVvXsEjS-FFL2mm9JvtwYBJoWc08k9RHHEHEFok2g9Ggn2bPJFzlco1YMomSyReKh7EK_s5wXolDMfcfiTbyDAL7A1nSP_AA-kLTi0PquuhkVPN7WQLZdYR6LaVEGSBeMK8X_4kDcUlJTFhedqo/s0/Thumbnail.jpg)
ខេត្តកំពង់ស្ពឺ ៖ បន្ទាប់ពីកម្លាំងនគរបាលចរាចរណ៍ផ្លូវគោក បានចាប់ឃាត់រថយន្ដមួយគ្រឿង ម៉ាកនីសាន់ កាលពីថ្ងៃទី០៥ កក្កដា ២០២១នៅលើកំណាត់ផ្លូវជាតិលេខ៤ ត្រង់ចំណុចភ្លើងស្ដុប មុខមន្ទីរសាធារណការខេត្ដកំពង់ស្ពឺ ធ្វើការផាកពិន័យ ជាប្រាក់ចំនួន ១៥០,០០០រៀល (មួយសែនប្រាំម៉ឺន) ពីបទកែច្នៃខុសលក្ខណៈបច្ចេកទេស ធ្វើឲ្យម្ចាស់រថយន្តបង្ហោះលើបណ្ដាញសង្គម ក្នុងនោះក៏មានមតិមួយចំនួនបានធ្វើការរិះគន់ផងដែរ ថាជាការហួសហេតុ និងផ្ទុយពីច្បាប់ទៅវិញ។
ទាក់ទងនឹងរឿងនេះ សមត្ថកិច្ចខេត្តកំពង់ស្ពឺ បានលើកឡើងថា យោងតាមច្បាប់ ករណីនេះត្រូវកំណត់ដូចខាងក្រោម ៖
ការកែច្នៃយានយន្តខុសបទដ្ឋានបច្ចេកទេស គឺជាការកែច្នៃបច្ចេកទេសលើយានយន្តខុសពីរោងចក្របានផលិត ដូចជាការកែច្នៃយានឲ្យដឹកបានច្រើន ឫលូតកម្ពស់ ឫលូតបណ្តោយ ដែលកាន់តែបន្ថែមទម្ងន់ដល់យាន ឫអាចធ្លាក់ អាចប៉ះ បង្កគ្រោះ-ថ្នាក់ ។
ករណីកែច្នៃអាចធ្វើទៅបាន លុះត្រាមានការអនុញ្ញាតពីក្រសួងសាធារណការ និងដឹកជញ្ជូន ដូចមានចែងក្នុងអនុក្រឹត្យលេខ ១៨០ ។
ការកែច្នៃ ដែលគ្មានការអនុញ្ញាត ពីក្រសួងសាធារណការ និងដឹកជញ្ជូន នឹងត្រូវចាត់ទុកជាការកែច្នៃខុសបទដ្ឋានបច្ចេកទេស ដែលត្រូវពិន័យតាមអនុក្រឹត្យលេខ៣៩ ។
ជាមួយនោះមាត្រា៦៦ នៃច្បាប់ស្តីពីចរាចរណ៍ផ្លូវគោក បានតម្រូវឲ្យឃាត់យានយន្ត ដើម្បីកែតម្រូវលក្ខណៈបច្ចេកទេសទៀតផង ។
ស្នងការដ្ឋាននគរបាលខេត្តកំពង់ស្ពឺ ក៏បានឲ្យដឹងផងដែរថា អ្នកបើកបរមានឈ្មោះ សៅ ប៉ិចពន្លឺ ភេទប្រុស អាយុ៣២ឆ្នាំ មានទីលំនៅសង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ បានកែច្នៃរថយន្ដ ដាក់ទ្រុងដឹកទំនិញពីលើដំបូល និងតកន្ទុយចង្អើរដែកហួសតួរថយន្ដ នៃផ្នែកខាងក្រោយ ។
![](https://blogger.googleusercontent.com/img/b/R29vZ2xl/AVvXsEg7QbxQZad-QZNoGp5RN2MtyX8AGNjuwHYn_1m6ZR88y7G2f6-rMBKfSrExybrK-3bE0S8ngunkh73ZqImKy-WnTWw59j4oV-n3jm7GLkqMttc9rMlP6xrXltzwQx2Spy_6V_5pn4D_0Jw/s0/99+%25281%2529.png)
![](https://blogger.googleusercontent.com/img/b/R29vZ2xl/AVvXsEh1v5Du4DzXDWeW1iE7iYWB42WG3Ew0snWAW68Jn0L2Kq9QkAbe2_gZUeqMI7RSbRniCEdn6vkh3dov0ZI9zenK4lzHOD3G4fGA1liOA3aiSZNGp11HRkJvshNItJxsk0T6c-sG0ukrRUI/s0/99+%25282%2529.png)
![](https://blogger.googleusercontent.com/img/b/R29vZ2xl/AVvXsEiztLMI9PMt0lviusX4OP28Nzh9IHxJAH3OHt29lMVF_M9LI-MgZTBTJly07E2vGVhvJPwcWFQPBVkIldfzViQq0OQd6ZbkQZNNffALDPTNDIjKY3AJWIsK9vg6LgPxfMNOK8SepyTnSmc/s0/99+%25283%2529.png)
![](https://blogger.googleusercontent.com/img/b/R29vZ2xl/AVvXsEgAwjmCe5m_ewb7RvzNzz60gOgj3UoouFNLGww6WqEl5xkeEGvSs9jyZCrsNbJLByKewas0Usvb2qSZHsSMpnlm1i4Dzc50i233GFoRVWQccIMUdHe17Npz3judiZ2URjireb-LSmpc4cI/s0/99+%25284%2529.png)
![](https://blogger.googleusercontent.com/img/b/R29vZ2xl/AVvXsEg0E26iDWbpugGdFUmALjk6r7QSuwZNVFq-JHsD6Flo9wF-vvEfIzMuqpIDUYt-GBEnc2cXMrP4SF0azUNpU4H2sbdC2OaixbpGGCgq1M6PLOrhpuNby89Jz09BTVLqRaKsiLCGfu10w54/s0/99+%25285%2529.png)
![](https://blogger.googleusercontent.com/img/b/R29vZ2xl/AVvXsEiMHwvRf9XkvZHvMBDsGeX6WO-RjuYiwuBJoQ-oAcjH6wC9HVCmQ2sc4m5VzDwyJQG_Rk50VpTIOckz7E37VJxjqf3tfENG-QDGzIBGEjIdWfbsg-_dgIaV2xl7JAzmk_Hm3yurrSb9AIM/s0/99+%25286%2529.png)
![](https://blogger.googleusercontent.com/img/b/R29vZ2xl/AVvXsEhOYne0_JJpdSGrMNvihQ5_6JvqdIKWE3qJO6haD6DjikMFAtpBjP25UomKvqt2h2F8PWLXzMe2t3UTLOEc22kcpTXbQBwg4W8-TlxIUouSBLruoTPaqOakajOMSCaxKt4g___8Y6Vro-A/s0/99+%25287%2529.png)
![](https://blogger.googleusercontent.com/img/b/R29vZ2xl/AVvXsEiLft1bJ2FTZ4uevBLeIRHQAoA1V8lKJ7Sdhsqz_pgkyMLUTxj6AsJHv3BWPqt3I_C3hCH42D5Ejy2u6FX6-xAh8nZHj2WFLLWc0CbZGOcnBmL6x7JjcACgfObm-dDyp4Tox4i5257JcZk/s0/99+%25288%2529.png)
![](https://blogger.googleusercontent.com/img/b/R29vZ2xl/AVvXsEjMKM6JyiS_KwVQ6VxO6sOISwTB5EdjmalnIWbWN8EU7eWhX7rg2Lr8D5JuKISu7b0Uj_Hgp_4SI6UqFzkGfYE_i6C1x_A5-Eu9lL8PNlQk3rFTxHiNS2SJHt63mHH0rTvaJsZdBy-P-vo/s0/99+%25289%2529.png)