header ads

​ភ្នំពេញ​ ៖​ ថ្ងៃ​ទី​៧​ ខែកក្កដា​ ឆ្នាំ​២០២១​នេះ​ នៅ​បរិវេណ​អគ្គស្នងការដ្ឋាន​នគរបាល​ជាតិ​ បាន​រៀបចំ​ក្រុម​គ្រូពេទ្យ​ ដើម្បី​យក​សំណាក​ធ្វើតេស្ត​រហ័ស​ (Rapid​ Test)​ ដល់​មន្ត្រី​នគរបាល​ ដែល​មាន​ភារកិច្ច​ចេញ​-​ចូល​បំពេញភារកិច្ច​ប្រចាំ​ថ្ងៃ​។​

​ផ្អែក​តាម​គោលការណ៍​ណែនាំ​ ការ​យក​សំណាក​ធ្វើតេស្ត​រហ័ស​ (Rapid​ Test)​ ដល់​មន្ត្រី​នគរបាល​ ដែល​មាន​ភារកិច្ច​ចេញ​-​ចូល​បំពេញភារកិច្ច​ ក្នុង​បរិវេណ​អគ្គស្នងការដ្ឋាន​នគរបាល​ជាតិ​ នឹង​ត្រូវ​អនុវត្ត​រៀង​រាល់​មួ​យស​ប្តា​ហ៍ម្ត​ង​ ដើម្បី​ចូលរួម​បង្ការ​ ទប់ស្កាត់​ការ​ឆ្លង​រាលដាល​នៃ​ជំងឺ​កូ​វី​ដ​-១៩​។​

​ចំពោះ​មន្ត្រី​នគរបាល​ដែល​ពិនិត្យ​ឃើញ​វិជ្ជមាន​មេរោគ​កូ​វី​ដ​-១៩​ តាម​រយៈ​ការ​យក​សំណាក់​ធ្វើ​តេ​ស្តិ៍​រហ័ស​នេះ​ ត្រូវ​បាន​បញ្ជូន​ទៅ​ធ្វើ​ PCR​ តេស្ត​ ដើម្បី​ផ្ទៀងផ្ទាត់​លទ្ធផល​ មុន​បញ្ជូន​ទៅ​សម្រាក​ព្យាបាល​នៅ​ទីកន្លែង​ដែល​បាន​កំណត់​។​

​នៅ​កន្លែង​បញ្ជរ​យក​សំណាក​ធ្វើតេស្ត​ ឯកឧត្តម​ ឧត្តមសេនីយ៍ឯក​ ឆាយ​ គឹ​ម​ខឿន​ អគ្គស្នងការ​រង​នគរបាល​ជាតិ​ បាន​ក្រើនរំលឹក​ និង​ជំរុញ​ស្មារតី​ចំពោះ​កងកម្លាំង​នគរបាល​ជាតិ​ ដែល​មាន​ភារកិច្ច​បំពេញការងារ​ប្រចាំ​ថ្ងៃ​តាម​ការ​ចាត់តាំង​របស់​អង្គភាព​ ត្រូវ​ចូលរួម​គោរព​ និង​អនុវត្ត​ការ​យក​សំណាក​ធ្វើតេស្ត​រហ័ស​នេះ​ តាម​គោលការណ៍​ណែនាំ​របស់​ថ្នាក់ដឹកនាំ​អគ្គ​ស្នង​ដ្ឋា​ន​ការ​នគរបាល​ជាតិ​ និង​សូមកុំ​មានការ​ព្រួយបារម្ភ​ ភ័យ​ខ្លាច​ចំពោះ​ការ​យក​សំណាក​ធ្វើតេស្ត​នេះ​។​

ឯកឧត្តម​ បាន​ថ្លែង​ថា​ បើ​ចៃដន្យ​មន្ត្រី​ណា​ម្នាក់​វិជ្ជមាន​កូ​វី​ដ​-១៩​ អង្គភាព​អាច​ពិនិត្យ​លទ្ធភាព​ជួយ​អន្តរាគមន៍​ដោះស្រាយ​ បញ្ជូន​ទៅ​សង្គ្រោះ​ និង​ពិនិត្យ​ព្យាបាល​បាន​ទាន់​ពេលវេលា​ ព្រមទាំង​មាន​វិធានការ​បង្ការ​ ទប់ស្កាត់​ ការ​ឆ្លង​រាលដាល​ពី​មន្ត្រី​ម្នាក់​ទៅ​មន្ត្រី​ម្នាក់​ទៀត​នៅ​កន្លែងធ្វើការ​បាន​ទាន់​ពេលវេលា​ផង​ដែរ​។​

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post