ដើម្បីអបអរសាទរដល់ការលក់ស្មាតហ្វូនបានចំនួន 100 លានគ្រឿងនៅជុំវិញពិភពលោក ក្រុមហ៊ុនស្មាតហ្វូនrealme បានប្រកាសថាខ្លួនកំពុងពង្រីកខ្លួនចូលទៅក្នុងទីផ្សារផ្នែកលំដាប់ខ្ពស់ដែលមានតម្លៃសមរម្យជាមួយនឹងការចេញនូវស្មាតហ្វូនថ្មីគួរឱ្យភ្ញាក់ផ្អើលចំនួន ពីរស៊េរីនៅក្នុងស៊េរី GT របស់ខ្លួននៅថ្ងៃនេះគឺ realme GT Master Edition នឹង realme GT Explorer Master Edition ។លើសពីនេះទៅទៀត realme បានបង្ហាញថាខ្លួនកំពុងពង្រីកខ្លួនចូលទៅក្នុងប្រភេទកុំព្យូទ័រយួរដៃជាលើកដំបូងជាមួយ realme Book ដែលជាកុំព្យូទ័រយួរដៃដែលមានអេក្រង់កំរិតបង្ហាញ 2Kនឹងស្តើងបំផុតដែលបង្កើតបានជាចំនុចលេចធ្លោរបស់វា។នេះគឺជាជំហានដ៏សំខាន់មួយឆ្ពោះទៅមុខខណៈដែល realme នៅតែបន្តឆ្ពោះទៅមុខក្នុងការបង្កើតប្រព័ន្ធអេកូឡូស៊ី 1+5+T AIoT របស់ខ្លួនជាមួយនឹងផលិតផលដែលសំបូរបែបនាពេលអនាគត ។
“ចាប់តាំងពីក្រុមហ៊ុន realme ត្រូវបានបង្កើតឡើងយើងមិនដែលវង្វេងចេញពីបេសកកម្មរបស់យើងក្នុងការនាំយកផលិតផលឆ្ពោះទៅមុខសម្រាប់យុវជនទូទាំងពិភពលោកឡើយ” នេះបើតាមការបញ្ជាក់របស់លោក Sky Li នាយកប្រតិបត្តិនិងជាអ្នកស្ថាបនិករបស់ realme ។ “ យើងមានសេចក្តីសោមនស្សរីករាយក្នុងការប្រកាសថាយើងកំពុងនាំយកផលិតផល AIoT បន្ថែមទៀតទៅកាន់អ្នកគាំទ្រ 100 លាននាក់នៅទូទាំងពិភពលោកដើម្បីផ្តល់កម្លាំងចិត្តដល់យុវជនជំនាន់ក្រោយជាមួយនឹងលក្ខណៈពិសេសនិងបទពិសោធន៍ដល់រីករាយ”។
realme GT Master Edition Series ជាស្មាតហ្វូនflagshipដែលមានការរចនាល្អបំផុតនៅឆ្នាំ 2021
ការរួមបញ្ចូលគ្នានូវភាពឆើតឆាយនៃការរចនាម៉ូតជាមួយនឹងភាពប៉ិនប្រសប់ផ្នែកបច្ចេកទេសរបស់ realme GT Master Edition Series ព្យាយាមលើកកម្ពស់សមត្ថភាពក្នុងការរុករកនិងបង្កើតថ្មីជាមួយនឹងស្មាតហ្វូនទំនើបដែលមានតម្លៃសមរម្យដូចអ្វីដែលគេរំពឹងទុក។
ការរចនានេះត្រូវបានបំផុសគំនិតដោយសារៈសំខាន់នៃការធ្វើដំណើរទៅកាន់ជីវិតរបស់យុវវ័យដោយ realme បានអញ្ចើញអ្នករចនាឧស្សាហកម្មដ៏ល្បីឈ្មោះ Naoto Fukasawa ដើម្បីរចនាស៊េរី GT Master Edition ។គាត់មានគំនិតបង្កើតផលិតផលដោយមានការរចនាប្លែកពីគេនោះគឺ - វ៉ាលី។ បន្ថែមពីលើរូបរាងដ៏ពិសេសរបស់វានៅផ្នែកខាងក្រោយនៃស្មាតហ្វូននេះបានឆ្លាក់ជាឆ្នូតវែងៗដើម្បីឆ្លុះបញ្ចាំងពីក្រឡាដែលមានរាងជាវ៉ាលីហើយវាត្រូវបានរចនាជាស្បែកដំបូងបង្អស់នៅក្នុងប្រវត្តិសាស្ត្រស្មាតហ្វូន។
ដោយសារទទួលបាននូវដំណើរការដ៏អស្ចារ្យពីស៊េរី realme GT ដូច្នេះហើយស៊េរី GT Explorer Master Edition ត្រូវបានបំពាក់ដោយបន្ទះឈីប Snapdragon 870 ដែលមាន RAM រហូតដល់ 12GB សំរាប់ម៉ូឌែល GT Master Edition វិញប្រើបន្ទះឈីប Snapdragon 778G 5G ដែលមាន RAM រហូតដល់ 8GB ។ស៊េរី GT Master Editionនេះគាំទ្រប្រព័ន្ធបន្សាប់កំដៅដូចគ្នានឹងស្មាតហ្វូនពិឃាគ realme GT ដោយវាអាចផ្តល់នូវបទពិសោធន៍លេងហ្គេមបានយ៉ាងងាយស្រួលសំរាប់ស្មាតហ្វូនទាំងពីរនេះ។
ក្រៅពីសមត្ថភាពដ៏អស្ចារ្យរបស់សេរ៊ី realme GT Master Edition វាក៏មានបំពាក់កាមេរ៉ាមុខ Sony ទំហំ 32MPសំរាប់កាមេរ៉ាគោលទំហំ64 MP ។ ចំណែកGT Explorer Master Editionវិញមានកាមេរ៉ាគោល Sony IMX766 ទំហំ 50 MP ។ទោះបីនៅកាលៈទេសៈថ្ងៃឫយប់ក៏វានៅតែផ្តល់រូបភាពច្បាស់និងរស់រវើក ពីportrait ទេសភាព អ្នកប្រើប្រាស់អាចរីករាយជាមួយមុខងារថតរូបតាមដងផ្លូវ(street photography mode)ជាលើកដំបូងដែលនាំអ្នកប្រើនូវការផ្តោតទៅលើ លំនឹងនិងតម្រង រូបភាពតាមដងផ្លូវដែលត្រូវបានគេឃើញមុខងារនេះមានតែនៅលើកាមេរ៉ា DSLR ប៉ុណ្ណោះ។
រូបភាពបង្ហាញមកមានភាពរស់រវើកជាមួយនឹងអេក្រង់ Samsung AMOLED ទំហំ 120Hz ដែលមានអត្រា refresh rate 120Hzសំរាប់ស្មាតហ្វូនទាំងពីរនេះ។ GT Explorer Master Edition បំពាក់ដោយអេក្រង់កោង 56 ដឺក្រេជាមួយនឹងកម្រិតពន្លឺ 10240 និងHDR10+ វាក៏មានឧបករណ៍បំពងសម្លេងពីរប្រភេទរបស់ Dolby Atmos និង Tactile Engineផងដែរ ។
គួរបញ្ជាក់ផងដែរថា realme GT Master Edition នឹងមកដល់ជាផ្លូវការក្នុងទីផ្សារកម្ពុជាយើងក្នុងចុងខែសីហា ឬដើមខែកញ្ញានេះផងដែរ។ រាល់ពត៌មានបន្ថែមទៀតកុំភ្លេចតាមដានលើផេករបស់realme : https://www.facebook.com/realmeCambodia
realme Book: ជាកុំព្យូទ័រយួរដៃរបស់ realme ដំបូងគេបង្អស់ដែលនាំមកនូវអេក្រង់កំរិត 2K និងដំណើរការបានលឿនក្នុងតម្លៃសមរម្យ
ក្នុងនាមជាកុំព្យូទ័រយួរដៃដំបូងបង្អស់របស់ realme - realme Bookត្រូវបានរុំព័ទ្ធទៅដោយតួលោហៈស្តើង 14.9mmមានជម្រើសពីរពណ៌គឺពណ៌ខៀវនិងពណ៌ប្រផេះ។វាមានអេក្រង់ទំហំ 14 អ៊ីញ 2K full vision ជាមួយនឹងកម្រិតពន្លឺ 400 nits សមាមាត្រអេក្រង់ 3: 2 បើប្រៀបធៀបទៅនឹងអេក្រង់ទូទៅ 16: 9 ព្រមទាំងអាចបង្ហាញព័ត៌មានបន្ថែមនៅក្នុងកម្មវិធី Microsoft Office ។
realme Bookត្រូវបានបំពាក់ដោយដំណើរការ Intel-Core ជំនាន់ទី 11ជាមួយប្រព័ន្ធបន្សាប់កំដៅពីរដែលធានាថាសូម្បីតែការលេងហ្គេមក៏ដំណើរការដោយរលូនដែរ។ វាផ្តល់នូវ 16GB Dual-channel LPDDR4x RAM, ដែរអាចបន្ថែមអង្គផ្ទុកទិន្នន័យដល់512GB ព្រមទាំងមានបច្ចេកវិទ្យាសាកថ្មលឿន 65W Super-Fast Charge ផ្តល់ថាមពលថ្មបានដល់ទៅ 11 ម៉ោង។
ចំពោះការតភ្ជាប់វិញមានរន្ធ thunderbolt 4/USB 4 ports(i5 version) រន្ធដោតកាស 3.5mmរន្ធType-A នឹងរន្ធType C realme Bookក៏មានបច្ចេកវិទ្យាWi-Fi 6ផងដែរ។
realme Book ក៏បំពាក់នូវឧបករណ៍បំពងសម្លេង HARMAN ចំនួន 2 ដែលមាន DTS HD stereo sound effectនឹង មុខងារបំបាត់សម្លេងរំខាន (Dual Mic Noise Cancellation) ដែលល្អឥតខ្ចោះសម្រាប់ការងារនិងការសិក្សាតាមអ៊ីនធឺណិត។
“PC Connect”របស់ realme ក៏អាចឱ្យអ្នកប្រើប្រាស់ធ្វើសមកាលកម្មទូរស័ព្ទរបស់ពួកគេជាមួយនឹងកុំព្យូទ័រយួរដៃរបស់ពួកគេដើម្បីទទួលបានបទពិសោធន៍កម្មវិធីសម្បូរបែបជាមួយភាពងាយស្រួលក្នុងការធ្វើការងារនិងការសិក្សា ព្រមទាំងតំឡើងWindows 10 រួចជាស្រេច។ realme bookប្រើក្តារចុច backlit បីកម្រិតជាមួយនឹង 1.3mm key travelដោយប្រើប៊ូតុងថាមពលជាមួយស្នាមម្រាមដៃ 2 ក្នុង 1 ( 2 in 1 Fingerprint Power Button)។
ជាមួយនឹងផលិតផល AIoT ជាច្រើនដែលក្រុមហ៊ុនមានលើទីផ្សារហើយ ។realme Book គឺជាជំហានឆ្ពោះទៅមុខដ៏សំខាន់ក្នុងការពង្រីកទីផ្សាររបស់ខ្លួនដោយ ប្រកាន់ខ្ជាប់នូវពាក្យស្លោករបស់ខ្លួនថា“dare to leap” realme កំពុងឈានទៅរកអនាគតជាមួយនឹងផលិតផលឈានមុខគេហើយបង្កើតប្រព័ន្ធអេកូឡូស៊ីកាន់តែទូលំទូលាយកាន់តែសំបូរបែបនៃឧបករណ៍ភ្ជាប់គ្នាដើម្បីធ្វើឱ្យជីវិតប្រចាំថ្ងៃកាន់តែមានភាពងាយស្រួលសម្រាប់មនុស្សជំនាន់ក្រោយ។
