សង្គម
ភ្នំពេញ៖ ដូចដែលលោកអ្នកបានស្គាល់ហើយ អ្នកនាង ស្រីអូន ម្ចាស់ក្រុមហ៊ុនសម្រស់ធម្មជាតិ ហើយថ្មីៗនេះទើបនឹងបើកលក់លំនៅដ្ឋានផងដែរ ដែលមានឈ្មោះថា បុរីបុស្បា នៅថ្ងៃទី ៣០ ខែមករា ឆ្នាំ២០២២នេះ អ្នកនាងបានចែករំលែកនូវក្ដីស្រលាញ់មួយ ដែលអ្នកនាងបានចាប់អារម្មណ៍។
នៅក្នុងកម្មវិធីសម្ភោធបុរីបុស្បា ដោយសារតែឃើញពីអត្តចរិកដ៏ល្អរបស់ក្មេងៗបីនាក់ ទោះយប់ជ្រៅហើយ តែក្មេងៗទាំងនោះមិនទាន់ទៅផ្ទះទេគឺនៅរង់ចាំរើសសម្បកកំប៉ុង តែអ្វីដែលចាប់អារម្មណ៍គឺក្មេងៗមានសុវជីវធម៌ណាស់ ដោយសំពះសុំសម្បកកំប៉ុង និងសំពះអរគុណពេលរើសរួច។
អ្នកនាងស្រីអូនបានឲ្យដឹងថា៖«សំពះសុំរេីសសំបកកំប៉ុងកូនអេីយដេីម្បីក្រពះ ជូនអាំងប៉ាវអោយកូនញាំឆ្ងាញ់ ចេះគួរសមណាស់ អាណិតកូនគេកូនយេីងម៉ោង2យប់នៅប្រឹងរកលុយ»។
អ្នកនាងឲ្យដឹងបន្តថា៖ «អត់យ៉ាងណាក៏មិនលួ.ចគេដែរ សុខចិត្តសំពះសុំរេីសសំបកកំប៉ុង ស្អាតៗណាស់កូនម្ដាយ ឃេីញហេីយនឹកស្រម៉ៃដល់កូនខ្លួនឯង រលីងរលោងទឹកភ្នែក ម៉ោងក្មេងៗត្រូវគេងតែកូននៅដេីររេីសសំបកកំប៉ុងដេីម្បីក្រពះ កូនអេីយចេះគួរសមណាស់»
សូមជម្រាបផងដែរថា៖ នៅក្នុងអាំងប៉ានោះអ្នកនាងបានជូនម្នាក់មួយរយដុល្លារសម្រាប់ទុកទិញម្ហូបឆ្ងាញ់ៗទទួលទានក្នុងគ្រួសារ។
