សង្គម
វិទ្យាល័យ ហ៊ុន សែន ពង្រ ដែលស្ថិតនៅភូមិ តាប៉ែន ឃុំពង្រ ស្រុកចុងកាល់ ខេត្តឧត្តរមានជ័យ បានឲ្យដឹងអំពីជីវភាពគ្រួសារប្អូនប្រុស ចន្ធី ដែលប្រឡងជាប់បាននិទ្ទេស A ដែលស្ថានភាពមានការលំបាក ប៉ុន្តែប្អូនប្រុសអាចខិតខំរៀនសូត្ររហូតបានជោគជ័យយ៉ាងនេះ។
ប្អូនប្រុស វើក ចន្ធី ជាសិស្សថ្នាក់ទី១២ ជំនាន់ទី២ មានស្រុកកំណើតនៅស្រុកចុងកាល់ ខេត្តឧត្តរមានជ័យ ចេញពីគ្រួសារមានជីវភាពខ្សត់ខ្សោយ ប្អូនប្រុសមានបងប្អូនចំនួន ០២នាក់ ស្រី ០១នាក់
ឪពុកឈ្មោះ ម៉ន បោ មុខរបរ កសិករ ( ពិ។ការដៃ ) ម្តាយឈ្មោះ មិត្ត រ៉ែន មុខរបរ កសិករ ទោះបីមិនមែនជាកូនអ្នកមានជីវភាពធូធារ ដែលមានអ្វីៗគ្រប់យ៉ាងដូចគេ ប៉ុន្តែរូបប្អូនបានខិតខំតស៊ូប្រឹងប្រែងរៀនសូត្រ រហូត ពេលនេះរូបប្អូនបានសម្រេចជោគជ័យដ៏ធំមួយ គឺទទួលបាន និទ្ទេស A (ថ្នាក់វិទ្យាសាស្រ្តសង្គម ) ប្រចាំស្រុករបស់ខ្លួនជាជំនាន់ទី១ តែម្តង ។
បំណងប្រាថ្នារបស់ប្អូន គឺចង់ក្លាយជាគ្រូបង្រៀន ហើយបំណងប្រាថ្នាមួយទៀត គឺប្អូនចង់បន្តការសិក្សានៅសាកលវិទ្យាល័យភូមិន្ន ភ្នំពេញ ឯកទេស អក្សរសាស្ត្រខ្មែរ ។
ប្រសិនបើបងប្អូនសប្បុរសជន មានបំណងគាំទ្រចង់ចូលរួមចំណែកដើម្បីធ្វើឱ្យក្តីស្រម៉ៃរបស់ប្អូនជោគជ័យបន្តទៀត អាចទាក់ទងទៅកាន់ប្អូនប្រុសផ្ទាល់ តាមរយៈទូរស័ព្ទលេខ 097 87 20 014 ឬ Facebook: វុឹក ចន្ធី
