ភ្នំពេញ៖ កម្លាំងកងរាជអាវុធហត្ថរាជធានីភ្នំពេញចុះបង្រ្កាបទីតាំងហាងម៉ាស្សាមួយកន្លែងដែលមានស្លាកយីហោជាអក្សរចិន ប្រែថា (ឈូងសាមុទ្រក្រអូប ) និងឃាត់មនុស្សប្រុសស្រីជាច្រេីននាក់ តាមបណ្ដោយផ្លូវ១៧២ សង្កាត់ផ្សារថ្មីទី៣ ខណ្ឌដូនពេញ រាជធានីភ្នំពេញ វេលាម៉ោង១០យប់ ថ្ងៃទី០៥ ខែកុម្ភៈ ឆ្នាំ២០២២។
កម្លាំងកងរាជអាវុធហត្ថបានត្រួតពិនិត្យនៅផ្នែកខាងក្នុង និងធ្វើការរុំព័ទ្ធនូវខ្សែររង្វង់ប្រតិបត្តិការ អមដោយរថយន្តមកចំនួន៣គ្រឿងនៅផ្នែកខាងក្រៅ រួមមានដូចជារថយន្តទ្រុងដែក រថយន្តក្រុងខ្នាតតូចនៃកងរាជអាវុធហត្ថ និងរថយន្តសង្គ្រោះនៃកងរាជអាវុធហត្ថរាជធានីភ្នំពេញ។
មុនពេលចុះឡោមព័ទ្ធទីតាំងខាងលើ កម្លាំងកងរាជអាវុធហត្ថបានស្រាវជ្រាវអស់រយៈពេលយ៉ាងយូរ ដើម្បីកំណត់ឱ្យបានច្បាស់នូវមុខសញ្ញានៃបទល្មើស រហូតឈានដល់ការបើកប្រតិតបត្តិការតែម្ដង។
