សង្គម
ល្ងាចថ្ងៃទី០៨ ខែមីនា ដែលជាទិវានារីអន្តរជាតិផងនោះ លោក សួ វិចិត្រ ម្ចាស់ពានកម្មវិធីប្រឡងចម្រៀងកម្រិតពិភពលោក BEAT THE BEST រដូវកាលទី១ទទួលបានការសាទរ ពីសំណាក់ថ្នាក់ដឹកនាំខេត្តពោធិ៍សាត់ ដែលជាស្រុកកំណើតខ្លួនទៀតផង ដោយមានការដង្ហែជុំវិញក្រុង មានអ្នកគាំទ្រយ៉ាងច្រើនកុះករ។
ហើយកម្មវិធីទទួលម្ចាស់ពាននេះមានការចូលរួមពីគណៈអភិបាលក្រុង និងខេត្តពោធិ៍សាត់ ព្រមទាំងបងប្អូនអ្នកខេត្តយ៉ាងច្រើនកុះករ មានទាំងយុវជនកាយរឹទ្ធទៀតផង នៅសួន១៤មករា ខេត្ត ពោធិ៍សាត់។
យ៉ាងណាកម្មវិធីដំណើរការបានយ៉ាងរលូន ប៉ុន្តែមិនអាចផុតពីលោក ម៉ៃ សុគន្ធបានឡើយ ដែលត្រូវបានគេស្គាល់ថាជាអ្នកដែលចូលចិត្តរិះ.គន់ លោកក៏បានរិះ.គន់កម្មវិធីនេះផងដែរ ក្នុងនោះលោក ម៉ៃ សុគន្ធ លើកឡើងថា៖«ឈ្នះពានរង្វាន់ចម្រៀង ទូរទស្សន៍មួយសោះ នាំគ្នាហែឡើងព្រៀត មើលតែពានចម្រៀងទូទាំងប្រទេស ឈឺចិត្តណាស់ រីឯកវី គង្គ ប៊ុនឈឿន ម្ចាស់បទស្ទឹងសង្កែ ទទួលមរណភាពស្ងាត់ឈឹង លើសហើយ ប្អូនៗអើយ»
ហើយលោកក៏បានបន្ថែមទៀតថា ៖«គេ ផុស ថា Beat the best ហ្នឹង ប្រលងកម្រឹតពិភពលោក តែ ឆែក មើល ទៅ មានតែ ខ្មែរយើងមួយប្រលងហ្នឹង ថៃ វៀតណាម កូរ៉េ ចិន…. រកអត់ឃើញផង តែ The Voice or idol ទើបមានទូទាត់ពិភពលោកមែន ?លេងរកសុីកុហកពូចឹង មិនជឿ Search រកទៅ»
ចំពោះលោកអ្នក តើយល់យ៉ាងណាដែរ?
