√ សម្តេចចៅហ្វាវាំង គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង នាំយកនូវព្រះរាជក្រឹត្យរបស់ព្រះករុណាព្រះមហាក្សត្រ ត្រាស់បង្គាប់ ផ្តល់គោរម្យងារឯកឧត្តម ហ៊ុន ណេង ជា «សម្ដេចឧត្ដមទេពញាណ»

សង្គម

អាម៉ាប៉ាប៉ាញ៉ូស

នៅវេលាយប់ថ្ងៃទី ៧ ខែឧសភា ឆ្នាំ ២០២២ សម្តេចចៅហ្វាវាំង គង់ សំអុល ឧបនាយករដ្ឋមន្ត្រី រដ្ឋមន្ត្រីក្រសួងព្រះបរមរាជវាំង និងជាព្រះរាជតំណាងដ៏ខ្ពង់ខ្ពស់បំផុត របស់ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា បាននាំយកនូវព្រះរាជក្រឹត្យរបស់ព្រះករុណាព្រះមហាក្សត្រ ធ្វើនៅព្រះបរមរាជវាំងចុះថ្ងៃទី៧ ខែឧសភា ឆ្នាំ ២០២២ ដោយត្រាស់បង្គាប់ ផ្តល់គោរម្យងារឯកឧត្តម ហ៊ុន ណេង ជា «សម្ដេចឧត្ដមទេពញាណ» ជូនដល់ លោកជំទាវ លាង វួចឆេង ហ៊ុន ណេង។

នៅក្នុងខ្លឹមសារព្រះរាជក្រឹត្យរបស់ព្រះមហាក្សត្រ បានបញ្ជាក់ថា ការផ្តល់ជូនគោរម្យងារជា សម្តេចឧត្តមទេពញាណ ជូននាពេលនេះ ដោយសារឯកឧត្តម ហ៊ុន ណេង គឺជាចូលរួមដឹកនាំប្រជាជាតិកម្ពុជា តាមរដ្ឋធម្មនុញ្ញនៃព្រះរាជាណាចក្រកម្ពុជា ឆ្នាំ ១៩៩៣ កសាងបាននូវសន្តិភាពជាតិ ឯកភាពជាតិ សេដ្ឋកិច្ចជាតិ ការអភិវឌ្ឍជាតិលើគ្រប់វិស័យ ការពារលទ្ធិប្រជាធិបតេយ្យ និងមានស្ថិរភាព សន្តិសុខសង្គម បានល្អប្រសើរ ព្រមទាំងរក្សាការពារបាននូវឯករាជ្យជាតិ និងបូរណភាពទឹកដី ក្រោមកិច្ចដឹកនាំដ៏ឈ្លាសវៃ របស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។

ឯកឧត្តម ហ៊ុន ណេង ជាអ្នកដឹកនាំមានស្វាមីភក្តិ ចំពោះរាជបល្ល័ង្ក ការពារ និងគោរពព្រះពុទ្ធសាសនា ការពារយុត្តិធម៌សង្គម ដើម្បីនិរន្តរភាពរាជានិយម នៃព្រះរាជាណាចក្រកម្ពុជា។

ប្រភព: ទទក