សង្គម
លោកអ្នកច្បាស់ជាបានដឹងហើយរឿងរវាងលោក ជីងចក់ និងអ្នកនាងផល្លា ថាមុននឹងត្រូវគ្នាវិញបែបនេះ មានបញ្ហាចម្រូងចម្រាស់បែបណាខ្លះនោះ រហូតដល់អ្នកនាងផល្លាធ្លាប់លើកឡើងថា៖ “បងប្អូនស្តាប់ឲ្យទាន់ណា ក្នុងពេលនេះ ម៉ោងនេះ វេលានេះ មិនមែនខ្ញុំបាត់បង់ដុំពេជ្រទេ គឺខ្ញុំបោះចោលសំរាម,
ខ្ញុំហ៊ានចេញមកនិយាយបែបនេះគឺដោយសារតែ អស់ការអត់ធ្មត់ អស់ការទ្រាំ ហើយចំណងមួយហ្នឹងគឺត្រូវបានបញ្ចប់ អស់ផ្លូវបន្ត ខ្ញុំក៏ត្រូវប្រាប់ពិភពលោកមួយនេះថាមូលហេតុអីបានខ្ញុំអស់លទ្ធភាពយកបុគ្គលម្នាក់ហ្នឹងជាប្ដីទៀត….”
តែក្រោយពីរឿងរ៉ាវបានត្រូវគ្នាវិញហើយនោះ នៅថ្ងៃនេះស្រាប់តែលោក ជីកចក់ បានលើកឡើងពាក្យមួយឃ្លា ដែលបញ្ជាក់ថាខ្លួនកែខ្លួនឡើងវិញហើយ ក្នុងនោះលោកបានបញ្ជាក់ថា ៖«ពេជ្រកើតចេញពីដុំថ្ម ប្ដីល្អកើតចេញពីប្រុសព្រាន ស្គាល់អស់សង្គមឆ្អែតលែងឃ្លាន លាឈ្មោះប្រុសព្រានក្លាយជាប្ដីល្អ។»
ពាក្យមួយឃ្លានេះធ្វើឲ្យអ្នកគាំទ្រខ្លះផ្ទុះសំណើច សើចកប់តែម្ដង រហូតមានអ្នកបញ្ចេញមតិរាប់ពាន់នាក់ក្នុងរយៈពេលតែប៉ុន្មាននាទីសោះ។
