សង្គម
រឿងរថយន្តស៊ែរីទំនើបមួយគ្រឿង ដែលធ្វើឱ្យមានការជជែកវែកញែកនៅលើបណ្ដាញសង្គមយ៉ាងខ្លាំង គឺករណីម្ចាស់ស្ថានីយ៍ប្រេងសាំងមួយបានប្រកាសឱ្យ អ្នកបើករថយន្តមួយគ្រឿង ដែលមិនទាន់បង់ប្រាក់ជោគជ័យ ហើយបើកចេញបាត់ ឱ្យមកទូទាត់ឡើងវិញ យ៉ាងណាមូលហេតុនៅពីក្រោយរឿងនេះត្រូវបានបកស្រាយឱ្យដឹងហើយ។
បើតាមផេ ករបស់ស្ថានីយ៍ប្រេងបានឱ្យដឹងនៅថ្ងៃទី ០៩ ខែមិថុនា ឆ្នាំ២០២២នេះថា៖
«សូមជម្រាបថានៅពេលនេះដែលម្ចាស់រថយន្ត BMW បានត្រលប់មកទូទាត់ប្រាក់គ្រប់ចំនួនហើយ 🥰 បងបានបកស្រាយថាពេលនោះគាត់បានចុច Pay រួចហើយ ប៉ុន្តែដោយសារបញ្ហាអុីធឺណែតទើបធ្វើអោយប្រតិបត្តិការនេះមិនអាចសំរេចជោគជ័យបាន។
ស្ថានីយយើងខ្ញុំសូមអរគុណដល់បងប្រុសខ្លាំងណាស់ក្នុងការចូលរួមសហការ ហើយយើងខ្ញុំក៏នឹងព្យាយាមហ្វឹកហាត់បុគ្គលិកអោយកាន់តែមានសមត្ថភាពបន្ថែមទៀត។ ដោយក្តីគោរព»
