![](https://blogger.googleusercontent.com/img/b/R29vZ2xl/AVvXsEg3t9yLJh742dUmCV5wt0dalCP07wfLwh07YVkRQtcTRpu7RPG_wHppEkvIhVsWTbVUPrafIz_lFYaqaE2pAj-YO0IP-YNRb7y8xJTutJ5JmyIiVfQooim0ijgWYaYLwzD8xhAkifgIVFOGO4TLok63qP5d679JuOvHutJm5ln5Tkmx9h0uu2xnlxXs/s1600/Thumbnail.jpg)
សង្គម
នៅរយៈពេលចុងក្រោយនេះ ទាក់ទងនឹងផ្លាកលេខកំពុងក្លាយជាប្រធានបទមួយត្រូវបានគេជជែកយ៉ាងច្រើននៅលើបណ្ដាញសង្គម ដើម្បីឱ្យអស់ចម្ងល់ យើងខ្ញុំសូមដកស្រង់នូវអត្ថបទទាក់ទងនឹងផ្លាកលេខនេះ តាមរយៈផេ ក ក្រសួងសាធារណការ និងដឹកជញ្ជូន៖
តើក្នុងករណីផ្លាកលេខយានជំនិះបាក់ រហែក រលុបអក្សរឬលេខ ឬត្រូវប្តូរថ្មី ត្រូវការឯកសារអ្វីខ្លះ ដើម្បីប្តូរបានផ្លាកលេខថ្មី?
ចម្លើយ៖ ផ្លាកលេខយានជំនិះបាក់ រហែក រលុបអក្សរឬលេខ ឬត្រូវប្តូរថ្មី អាចធ្វើការស្នើសុំប្តូរផ្លាកលេខថ្មីបាន ប៉ុន្តែរក្សាស៊េរី និងលេខនៅដដែល។
*ចំពោះផ្លាកលេខ ដែលរលុប ឬឆ្កូតតិចតួចអាចកំណត់អត្តសញ្ញាណយានជំនិះបាន មិនតម្រូវឱ្យធ្វើការប្តូរនោះទេ។
::: ការស្នើសុំប្ដូរ បណ្ណ និង/ឬផ្លាកលេខសម្គាល់យានជំនិះដែលជាកម្មសិទ្ឋិរូបវន្តបុគ្គល ឬក្រុមហ៊ុន ត្រូវបំពេញបែបបទ និងភ្ជាប់ជាមួយនូវសំណុំឯកសារ ដូចខាងក្រោម៖
- ពាក្យស្នើសុំ (ដែលមានបិតកាល់លេខតួ ឬលេខសាក់ស៊ី ដែលចម្លងជាក់ស្តែងពីយានជំនិះ)
- អត្តសញ្ញាណម្ចាស់កម្មសិទ្ឋិករណី (ជារូបវន្តបុគ្គល)
. ពលរដ្ឋខ្មែរ៖ ច្បាប់ថតចម្លងអត្តសញ្ញាណប័ណ្ណសញ្ជាតិខ្មែរ ដែលមានបញ្ជាក់ពីស្ថាប័នមានសមត្ថកិច្ច
. ជនបរទេស៖ ច្បាប់ថតចម្លងលិខិតឆ្លងដែន និងទិដ្ឋាការមានសុពលភាព ដោយមានផ្តិតស្នាមមេដៃរបស់សាម៉ីខ្លួន និងច្បាប់ដើមលិខិតបញ្ជាក់ទីលំនៅបច្ចុប្បន្នចេញដោយ
ស្ថាប័នមានសមត្ថកិច្ច
- អត្តសញ្ញាណម្ចាស់កម្មសិទ្ឋិករណី (ជាក្រុមហ៊ុន)
. ច្បាប់ថតចម្លងវិញ្ញាបនបត្របញ្ជាក់ការចុះឈ្មោះក្នុងបញ្ជីពាណិជ្ជកម្ម ដែលមានបញ្ជាក់ពីស្ថាប័នមានសមត្ថកិច្ច
. ច្បាប់ថតចម្លងបណ្ណប៉ាតង់ ដែលមានបញ្ជាក់ពីស្ថាប័នមានសមត្ថកិច្ច
- បណ្ណសម្គាល់យានជំនិះដែលត្រូវប្តូរ (ករណីបណ្ណសម្គាល់ រហែក ខូច ឬរលុបមើលមិនឃើញ)
- ផ្លាកលេខសម្គាល់យានជំនិះដែលត្រូវប្តូរ រ (ករណីបណ្ណសម្គាល់ រហែក ខូច ឬរលុបមើលមិនឃើញ)
- វិញ្ញាបនបត្រត្រួតពិនិត្យលក្ខណៈបច្ចេកទេសយានជំនិះ ច្បាប់ថតចម្លង (ករណី ត្រីចក្រយានយន្ត និងរថយន្ត)
::: កម្រៃសេវាសាធារណ៖
- បណ្ណសម្គាល់ទោចក្រយានយន្ត ឬត្រីចក្រយានយន្ត ៣១ ០០០រៀល
- បណ្ណសម្គាល់ទោចក្រយានយន្ត ឬត្រីចក្រយានយន្ត(ក្រុមហ៊ុន) ៥០ ០០០រៀល
- ផ្លាកលេខសម្គាល់ទោចក្រយានយន្ត ឬត្រីចក្រយានយន្ត ៣១ ០០០រៀល
- ផ្លាកលេខរថយន្តធុនស្រាល (ផ្លាកម្ខាង) ៣៨ ០០០រៀល
- ផ្លាកលេខរថយន្តធុនស្រាល (ផ្លាក1គូ) ៦៥ ០០០រៀល
- ផ្លាកលេខរថយន្តធុនស្រាល (ផ្លាកម្ខាង)លេខពិសេសផ្ទាល់ខ្លួន ១២០ ០០០រៀល
- ផ្លាកលេខរថយន្តធុនស្រាល (ផ្លាក1គូ)លេខពិសេសផ្ទាល់ខ្លួន ២៤០ ០០០រៀល
- ផ្លាកលេខរថយន្តធុនធំ (ផ្លាកម្ខាង) ៥២ ០០០រៀល
- ផ្លាកលេខរថយន្តធុនធំ (ផ្លាក1គូ) ៧០ ០០០រៀល
- ផ្លាកលេខរថយន្តធុនធំ (ផ្លាកម្ខាង)លេខពិសេសផ្ទាល់ខ្លួន ១៥០ ០០០រៀល
- ផ្លាកលេខរថយន្តធុនធំ (ផ្លាក1គូ)លេខពិសេសផ្ទាល់ខ្លួន ៣០០ ០០០រៀល
- ផ្លាកលេខខ្នាតធំ (ផ្លាកម្ខាង)លេខពិសេសផ្ទាល់ខ្លួន ១២០ ០០០រៀល
- ផ្លាកលេខខ្នាតធំ (ផ្លាក1គូ)លេខពិសេសផ្ទាល់ខ្លួន ១៨០ ០០០រៀល
![](https://blogger.googleusercontent.com/img/b/R29vZ2xl/AVvXsEjb0L3sTHKu5UyJTGuK5TNOrf4DSFK3dk0QQ_mQkHtSxDMIYkkE4g4zxNS0ga6sR7jD8QOHHH4YYiaoCiGZN8L2WEr9E3IkXpQ3Z8hndt_GN3aPfI6zQIqU52pV4k_doRClmpFHMJPS_9omlhUGBizAQfqrgNLoQ39sEE6-k90IG_Kj0VY6eT4Hjg92/s1600/44%20%281%29.jpg)
![](https://blogger.googleusercontent.com/img/b/R29vZ2xl/AVvXsEgXteTkO1MM26waXb0Iftfz3C5YO_jfJLCPmqPFC3B1DgsAccfncl_FrVaZ1ak3J5GgN_G1CFXqagmugo0FksFlOX41bHvmtoB0J6uZGkn-JdlAGrxJrPjoNjZh32gq_1Pdjr6vm-qWy7Tjf2AdM5eEhAeRRl8JwcP9x2ODNWspNdQIi7waTzZ2yyLd/s1600/44%20%282%29.jpg)
![](https://blogger.googleusercontent.com/img/b/R29vZ2xl/AVvXsEgFWQi7bPsmfybD0mV4QNBY2P9PV_pnUz3Q3vznDLkQJHxnHWybgjhw5K1xk76r_WCNLKU_bekNaj4dYnUQobOX8wVgQV8WM_2NefEVTUASCXEHZgSoaqK4Fcr9oF8ws7Xu6L0jtm5oXeU07qfPxKpcrmosdx5lZ5RQ4s-6rha33Ua_IAiphELNiCJ1/s1600/44%20%283%29.jpg)