សង្គម
អាតេវ ជាឈ្មោះតួអង្គមួយ ក្នុងការសម្ដែងវីដេអូកំប្លែងខ្លីៗដែលមានប្រជាប្រិយភាពមួយរូបផងដែរ ពេលនេះកំពុងហក់ទៅចាប់អាជីពថ្មីមួយទៀតដែលជាក្ដីស្រមៃរបស់ខ្លួន នោះគឺការក្លាយជាតារាចម្រៀង។
នៅថ្ងៃទី ១៨ ខែមិថុនា ឆ្នាំ២០២២នេះ ផលិតកម្មសាន់ដេ បានប្រកាសស្វាគមន៍តារាចម្រៀងថ្មី គឺ តេវ មកកាន់គ្រួសារសាន់ដេ ដោយក្នុងនោះគឺខាងបផលិតកម្មក៏បានបង្ហាញពីបទចម្រៀងមួយបទរបស់តារាចម្រៀងថ្មីរូបនេះផងដែរ ដោយមានចំណងជើងថា «ស្ទាវទាត់ខ្យល់ »។
តាមរយៈផេ ក ផ្លូវការរបស់តេវ បានថ្លែងអំណរគុណដល់មេដឹកនាំក្រុមសម្ដែងខ្លួន ដែលផ្ដល់ឱកាសឱ្យខ្លួនបានដើរតាមក្ដីស្រមៃ និងអរគុណដល់ខាងអគ្គនាយកផលិតកម្មសាន់ដេផងដែរ ។ តេវ បានលើកឡើងឱ្យដឹងថា៖
ខ្ញុំបាទជាតួរអង្គ អាតេវ សម្ដែងរឿងសូមអរគុណពូត្រូល(The Trolls Cambodia )យ៉ាងជ្រាវជ្រៅ ជាបងប្រុសមួយរូបដ៏ល្អតែងតែលេីកទឹកចិត្តប្អូន និងជួយជម្រុញប្អូនឱ្យដេីរតាមក្ដីស្រម៉ៃ មិនថាទៅដល់កន្លែងណាបងតែងតែផ្ដល់យោបល់ណែនាំប្អូនទេីបប្អូនបានមកដល់ចំណុចនេះ។
ហេីយសូមអរគុណលោកអគ្គនាយក ផលិតកម្មSunday ផ្ដល់ឱកាសដល់ខ្ញុំបាទក្លាយជាតារាចម្រៀងពេញសិទ្ធប្រចាំផលិតកម្មផងដែរ។ ជាចុងក្រោយសូមអរគុណចំពោះការគ្រាំទ្រពីរអ៊ុំពូមីងបងប្អូន និងបងៗក្រុមការងារថ្មី😍🙏សូមជួយបន្តការណ៍គ្រាំទ្រការងារថ្មីខ្ញុំបាទផងបាទ😍 ©សូមអរគុណនឹងសូមជំរាបសួរ។
