សិល្បៈ
លោកអ្នកច្បាស់ជាបានស្គាល់ហើយឧកញ៉ាដែលកំពុងល្បីឈ្មោះនោះ គឺឧកញ៉ា លាន អាហ្រ្វីលគីនីន បន្ទាប់ពីរួមរស់ក្រោមដំបូលជាមួយគូស្នេហ៍ដែលជាអ្នកលក់អនឡាញរូបស្រស់មួយរយៈ ពេលនេះបានសម្រេចសែនព្រេន ដោយមានចាស់ទុំដឹងឮពេញមុខមាត់នៅក្នុងថ្ងៃទី ២៦ ខែមិថុនានេះ ។
ទោះបីជាមិនបានរៀបចំពិធីមង្គលការធំដុំតែគូស្នេហ៍វ័យជ្រេមួយគូនេះបានតុបតែងខ្លួនស្លៀកឈុតកូនកម្លោះ កូនក្រមុំយ៉ាងសង្ហារ ស្រស់ស្អាតរៀបចំសែនព្រេន ដោយមានការចូលរួមពីសំណាក់សាច់ញាតិ ព្រមទាំងចាស់ទុំទាំងសងខាងដឹងឮថតរូបទុកជាអនុស្សាវរីយ៍ផងដែរ។
បើតាមគូស្នេហ៍របស់ឧកញ៉ារូបនេះបានថ្លែងអំណរគុណអ្នកដល់គាំទ្រ និងបានឱ្យដឹងថា ថ្ងៃទី 26 មិថុនា ឆ្នាំ២០២២នេះ ជាថ្ងៃដែលពួកយើងសម្រេចយកគ្នាជាប្ដីប្រពន្ធស្របច្បាប់ និងចំណងមេបាចាស់ទុំទាំងសងខាងដឹងឮ ព្រមទាំងសុំទោ.សបងប្អូន ដែលមិនបានអញ្ជើញ ដោយពេលវេលារហ័ស និងមិនបានត្រៀមទុកជាមុន។
ដូចដែលមហាជនបានដឹងអតីតតារាចម្រៀងដែលស្ពាយងារជាឧកញ៉ា រូបនេះជាបុរសសំបូរស្នេហ៍មុនពេលភ្ជាប់ស្នេហ៍ជាមួយអតីតតារាសម្តែង កែវ វល័ក្ខ លាន អាហ្វ្រីលគីនីនធ្លាប់មានកូនប្រុសស្រីចំនួនពីរនាក់មកហើយ ។
ក្រោយពេលរួមរស់ជាមួយ កែវ វល័ក្ខ ប្រមាណជាង១៨ឆ្នាំ លាន អាហ្វ្រីលគីនីន ក៏បានបន្សល់នូវចំណងដៃកូនប្រុសស្រីចំនួន០៤ នាក់ទៀត ដែលកំពុងស្ថិតនៅក្រោមការមើលថែរបស់អតីតភរិយា ។
ដោយឡែកសម្រាប់គូស្នេហ៍ថ្មីរបស់ឧកញ៉ារូបនេះ ជាអ្នកលក់អនឡាញដ៏ល្បីមួយរូប ក៏ជាមេម៉ាយកូន០៣នាក់ផងដែរ តែរូបសម្រស់វិញគឺស្រស់ស្អាតមិនចាញ់ក្រមុំៗឡើយ៕
