![](https://blogger.googleusercontent.com/img/b/R29vZ2xl/AVvXsEgZDl21dkcpamVh2Cg2ZALBeaqKTCIF4h9f-jWuJNa4tJs4uNZxHx4PLFAISHOetHjo1ysB3XGjPuvNyqAMM-xu8RFI75UcSh-LEToR4kzc4URO7L26BN_dKpgJohjO4-SUmEJdIwKU26qfI2RBKKeNpPC4oyAH3-gle7ePeGuy2_voCaUEBuo4NFzE/s1600/Thumbnail.jpg)
សង្គម
ថ្មីៗនេះនៅលើបណ្ដាញសង្គមកំពុងតែមានការចាប់អារម្មណ៍ទៅលើរូបភាពមួយសន្លឹកនៅឯក្រៅប្រទេស ដែលមានលោកយាយចាស់ៗ អង្គុយយ៉ាងកម្សត់ មានទាំងចានបង្គន់ និងចានអាហារ ព្រមទាំងកន្លែងសម្រាកនៅកន្លែងតែមួយ ។
រូបនេះហើយត្រូវបានទំព័រហ្វេបុកមួយដែលមានឈ្មោះថា «កំពូលម៉ូត» ដែលលើកឡើងថាពេលបងប្អូនគាំទ្រចុច Like ទំព័ររបស់ខ្លួនបាន៤លាននាក់ ហើយអ្នកមើលបាន១០លាននាក់ នោះនឹងបើកមណ្ឌលមើលថែទាំចាស់ជរា ដែលគ្មានទីពឹង ដោយស្នើឱ្យបងប្អូនអ្នកលេងបណ្ដាញសង្គមគាំទ្រគម្រោងនេះ។
ម្ចាស់ទំព័រហ្វេបុក «កំពូលម៉ូត» ដែលត្រូវបានគេស្គាល់ថាឈ្មោះ អេន យ៉ាដាវ ធ្លាប់ជាអ្នកសិល្បៈផងដែរនោះ បានលើកឡើងឱ្យដឹងថា៖
«នាងខ្ញុំ និងលោកប្ដីមានគម្រោង បើកមណ្ឌល មើលថែចាស់ជរា គ្មានទីជម្រក ជនពិការ..ខ្ញុំនឹងធ្វើឡើង នៅពេលបងប្អូនគាំទ្រខ្ញុំបាន10M View និង 4M like Page (នៅពេលនេះខ្ញុំមិនទាន់អាចមានលទ្ធភាពឡើយ)ខ្ញុំជឿជាក់លើបងប្អូននឹងខមិនគាំទ្រពិតៗខ្ញុំនិយាយពិត ធ្វើពិត នឹងបង្ហាញសង្គមពិត..សូមបងប្អូនទាំងក្នុងនិងក្រៅស្រុកគាំទ្រគម្រោងខ្ញុំឡើង ។ រូបភាពយកមកពី F a c e b o o k onlineតែសុំប្ដូរការធ្វើបន្ទប់មិនដូចរូបឡើយ រៀងធំតិច មូលហេតុនេះហើយដែលខ្ញុំចង់បានដី ជាហិចតាច្រើនៗ»។
តែយ៉ាងណាចំពោះការលើកឡើងនេះមានភ្ជាប់នូវការទាញយកផេក Like និងអ្នកទស្សនាជាច្រើនរហូតដល់១០លាននាក់បែបនេះហើយ បានធ្វើឱ្យមហាជនមានការបញ្ចេញមតិ រិះគន់ទៅវិញ។
ទោះបីជាបែបនេះក្ដី ម្ចាស់ទំព័រខាងលើនេះហាក់មិនខ្វល់ខ្វាយទៅនឹងការរិះគន់នេះឡើយ គ្រាន់តែឆ្លើយតបថា« ក្តីសង្ឃឹមគឺឱ្យបងប្អូនគាំទ្រមិនមែនឱ្យផ្ចាញ់ឡើយ ខ្ញុំថាខ្ញុំនឹងធ្វើនៅពេលខ្ញុំមានលទ្ធភាពហើយនៅពេលពេលខ្ញុំបាន Like នោះហើយជាពេលខ្ញុំមានអាចបើកបានមានហេតុផលទើបខ្ញុំធ្វើផុសឡើង។ ចុងក្រោយនាងក៏បានអរគុណដល់អ្នកបញ្ចេញមតិនឹងបានចូលរួមស៊ែរផេករបស់នាង ហើយនាងក៏មិនបានខឹងសម្បារឬបាក់ទឹកចិត្តអ្វីដែរព្រោះមនុស្សម្នាក់ៗមានមហិច្ឆិតាផ្សេងៗគ្នា ៕
![](https://blogger.googleusercontent.com/img/b/R29vZ2xl/AVvXsEglK2b_A3rhnX8TRjnmPEa8ti7Xp0rcZDVV1bXnnZSXn22qAP5DrKkvbBevpf84X6MjlwzCN3bHVLsfR-TerJmEdQlJKuF9OhQFgSOqJr3aPe0ExT6GHRnSAiY41rZOj96f-bS4-XhMfv6pDuSaBxHGhxZCO0RbVeIQ4yRUibI3F8-W7_Dy_ghWZKaJ/s1600/66%20%281%29.jpg)
![](https://blogger.googleusercontent.com/img/b/R29vZ2xl/AVvXsEhiHf1LC0blG9VV6kSefJI2nsMVE3anbDt26v-5VlVUmIzJst0POy_pdmjgsE0k16Wq0acU8CY1-hnRppehx_5mt9IQyv96wvWd5WewljQxswcTR1vvcTC3no96grrZi_nGFnlDlYrL-5ihUMT-CZLD5Ovm5vpvnnyOtAAhF3LTDJUM23-b31Bw2CD3/s1600/66%20%282%29.jpg)
![](https://blogger.googleusercontent.com/img/b/R29vZ2xl/AVvXsEjp0SKbccOazyxbQUGSR90TjM8KWcoWArzYnu6hofUDiBWBix6BbJsxpJH6LzDadT7-azwmei3lHeeG0XeBNhFAVf1Qu9vvgFtKajX0PGHncvXWfLamfTfvlJ7jyYszFQB8Nu9GJFEHKTONMBXMp6zh7rpA-tSRMjoTvso2KF-JFHj7Sfovn7wDseCm/s1600/66%20%283%29.jpg)
![](https://blogger.googleusercontent.com/img/b/R29vZ2xl/AVvXsEjJ2JzT1DBOo1oSfk2P6P9pf6xyN3Ca_gbSlq9LoZBMCx6D2t0Qb690JiI50Wo1bxPNJlV2gByfrSOwbuwAaxqh8zqm3q6cCpYbrYovCVq-mnonE2Wbj9kBxAPKK-eXEgNL3kIilwyHS6Pzj9wWC1L1LdPpm61qHAqPmS-W5aui6--j1MP9_4t2Qmrj/s1600/66%20%284%29.jpg)
![](https://blogger.googleusercontent.com/img/b/R29vZ2xl/AVvXsEj_pv0961ZmnZKnradA-a2QbzC6LDpe5PSVWlvSjt1BFFILwyUQCmUEIHhELRoPTRDoCc1BbDvok_7f7zuuvbjd6_ZGDzhScAKFKCJUCbfpYiDspk5wxSCEJ3A4jpT4P9M_V9PCTjOaEGjWVFSIjZj2EIDNlYr_RFcgE1-tAnPBaZ15_N-sA1bkYNFC/s1600/66%20%285%29.jpg)
![](https://blogger.googleusercontent.com/img/b/R29vZ2xl/AVvXsEhp_Nmp5tKDBlu7lkKujTJC7G3GXeunPMKfc7TOz9s3Z9NTLb8bbrIKCvl5Wg3SnAxwNOKIdzrhhHeiXo9INbqvW9jand16m0GZwJxg6_D5QUj4FXm5C9FunC3g0elEXzbEMa-2fQS3iDP5NAShDBsNvox6vUkHJxA20OmOphRvBBYe6zo-Fdj4mf3s/s1600/66%20%286%29.jpg)
![](https://blogger.googleusercontent.com/img/b/R29vZ2xl/AVvXsEh5jpE-T7yJUmVw6ws7VwsOZ4lk32VZ53X_9N7AjBpriE6EmpsfPXkxRvso40x2cUyCS-UhSfhRgtp1_AI_vGtuLOXvuTofAL-vOsWBRGvmhLmT31ULSNx-MQi7g1LXVvwGet91Tbyt5QOZx6RDk7lQ3cIvOMDRgYAbpM9ovGOq5WqdmAcec_mdhOMA/s1600/77.png)