សង្គម
បន្ទាប់ពីក្រុមសម្តែងដែលមានឈ្មោះថាក្រុមប៉ាវិត ចេញវិដេអូកិច្ចសម្ភាសន៍និយាយពីការរួ-មភេ-ទជាមួយអ-និ-តិ-ជន ហើយត្រូវបានត្រូវបានផ្ទុះការរិះគន់ពេញបណ្តាញសង្គម ថាធ្វើឱ្យមានការប៉ះ.ពាល់សីលធម៌សង្គម ពេលនេះត្រូវមានហៅមកអប់រំទាំងគ្នាហើយ។
នៅព្រឹកថ្ងៃទី២៦ ខែកក្កដា ឆ្នាំ ២០២២នេះ ដោយមានការចង្អុលបង្ហាញពី ឯកឧត្តមឧត្តមសេនីយ៍ឯក ស ថេត អគ្គស្នងការរងនិងជាស្នងការនគរបាលរាជធានីភ្នំពេញ បានចាត់អោយ លោកឧត្តមសេនីយទោ ចាន់កិត្តិខុម ស្នងការងទទួលបន្ទុកការរិយាល័យប្រឆាំងការជួយដូមនុស្ស និង លោកឧត្តមសេនីយ៍ទោ ប៊ុន សុសិក្ខា ស្នងការរងរាជធានីភ្នំពេញ បានហៅអោយ ឈ្មោះ លោក សុគន្ធ ដេវិត ដែលជាអ្នកដឹកនាំ និងលោក វណ្ណា ឌីជាតារាសម្តែង មកបំភ្លឺទាក់ទងនិងការណីវិដេអូខាងលើ ។
បន្ទាប់ពីសមត្ថកិច្ចហៅក្រុមបាវិតមកស្នងការភ្លាម សមត្ថកិច្ចបានសាកសួយទាក់ទងទៅនិងពត៌មានមួយចំនួនពីការចេញវិដេអូនិងកិច្ចសម្ភាសន៍នូវពាក្យសំដី មិនសមរម្យ ក្រុមប៉ាវិតក៏សុខចិត្តព្រមទទួលកំហុសទាំងអស់ដែលខ្លួនបានប្រព្រឹត្តិ ហើយសន្យាឈប់ថតពីដេអូណាមួយដែលប៉ះពាល់ដល់ដល់សង្គមទៀតហើយ ។
បន្ទាប់ពីទទួលស្គាល់កំហុស ក្រុមសម្តែងប៉ាវិតបានធ្វើវិដេអូសុំទោស និងធ្វើកិច្ចសន្យានៅស្នងការនគរបាលរដ្ឋានរាជធានីភ្នំពេញ និងសុំទោសបងប្អូប្រជាពលរដ្ឋខ្មែរ ដោយសន្យាលែងមានជាលើកទី២ហើយ ។
បុគ្កលទាំង០៣នាក់រួមមាន៖
១- ឈ្មោះ វណ្ណា ឌី ភេទប្រុស អាយុ៦០ឆ្នាំ មុខរបរសិល្បៈករ (តួសម្តែង)
២- ឈ្មោះ ងួន ពិសី ភេទប្រុស អាយុ១៨ មុខរបរ សិល្បៈករ
៣- ឈ្មោះ ពៅ ដេវីដ ភេទប្រុស អាយុ២៩ឆ្នាំ មុខរបរ អ្នកគ្រប់គ្រងផេក
