សង្គម
អាម៉ាប៉ាប៉ាញ៉ូសធ្លាប់តែឃើញតារាសម្តែងដែលមានបបូរមាត់សិ-ចស៊ី តូតា មានសម្រស់ផូរផង់ ជាពិសេស ស្បែកមុខរលោងស្រិលស្រមោចវារជ្រុះ ប៉ុន្តែថ្មីៗនេះអ្នកគាំទ្រមានការភ្ញាក់ផ្អើលក្រោយឃើញ ស្បែកមុខ តូតា មានសុទ្ធតែស្នាមឃើញហើយស្ទើរមិនគួរឱ្យជឿ ។
ថ្មីៗនេះតារាសម្តែង តូតា បានបង្ហាញវីដេអូខ្លីមួយដោយក្នុងនោះនាងបានបង្ហាញផ្ទៃមុខដែល មានសុទ្ធតែស្នាម តែយ៉ាងណា តូតា បានបង្ហើបថានេះគ្រាន់តែជាស្នាមដែលនាងទើបតែញិច មុនប៉ុណ្ណោះ មិនមានកើតអ្វីទេហើយក្រោយប្រើផលិតផលផ្ទៃមុខរបស់នាងនឹងស្អាតដូចដើម ។ ជាមួយនឹងការបញ្ជាក់របស់ តូតា បានធ្វើឱ្យអ្នកគាំទ្រធូរចិត្តព្រោះគិតថានាងអាក់ខាននៅ ក្នុងការសម្តែងកន្លងមកដោយសារផ្ទៃមុខមានបញ្ហាបែបនេះ ។
បើគិតមកដល់ពេលនេះ តូតា អាក់ខាននៅក្នុងការសម្តែងរឿងប្រមាណជាងពីរឆ្នាំក្រោយ ពីនាងបានរៀបការជាមួយលោក ប៉ុល វិបូ ។ នៅតែមានមហាជនគាំទ្រនឹងចង់ឃើញការ សម្តែងរបស់នាង ឡើងវិញព្រោះថាក្រៅពីមានសម្រស់ទាក់ទាញ តូតា ក៏ជាតារាស្រីដែល មានសមត្ថភាពនៅក្នុងការសម្តែងមិនធម្មតាដែរ ។ បើតាមប្រភពតារាដែលស្និទ្ធជាមួយតារារូប ស្រស់ម្នាក់នេះបានឱ្យដឹងថា រឿងអី តូតា មកចំណាយពេលសន្សំប្រាក់កាក់ល្អិតក្រោមកម្តៅ ថ្ងៃដូចមុនបើសព្វថ្ងៃនាង និងស្វាមីមានជំនួញគ្រាក់ៗនៅក្នុងដៃជាច្រើន ណាមួយពេលនេះ នាងក៏ជាថៅកែស្រីលក់គ្រឿងអលង្ការដែលកំពុងទទួលបានការគាំទ្រពីសំណាក់អតិថិជនជាច្រើន ។
ដ្បិតមានស្វាមីនិងមានកូនទៅហើយក្តី តែសម្រស់របស់ តូតា នៅតែស្អាតខ្ញង់មិនប្រែប្រួល ជាពិសេសនៅពេលនាងលេងស្ទីលតែងខ្លួនបែបឃ្យូតៗក្រមុំមិនដូរឡើយ ។តូតា ត្រូវបានគេ ចាត់ទុកជាតារាស្រីដែលមានសំណាងព្រោះនាងជោគជ័យទាំងព្រមមិនថាការងារសិល្បៈ ជំនួញ និងជីវិតស្នេហាទេ យ៉ាងណាមិញមិនត្រឹមទទួលបានការស្រឡាញ់ថ្នាក់ថ្នមពីសំណាក់ ស្វាមី តូតា ក៏ទទួលបានការពេញចិត្តពីសំណាក់ឪពុកម្តាយក្មេក និងសាច់ថ្លៃផងដែរ ៕