សង្គម
មហាជនបានថ្លែងអំណរគុណដល់អ្នកម្តាយសិស្ស ដែលផ្តល់សុភនិច្ឆ័យជូនលោកគ្រូនាយក មិនអ-ហិ-ង្សានិយមបែបសេះដាច់បង្ហៀរ គោដាច់កន្លុះ ឡានដាច់កាឡេ ដែលម្ដាយសិស្សបានថ្លែងសារមួយថា ៖
ព្រឹកមិញពេលដែលខ្ញុំជាម្ដាយយកអាវថ្មីទៅឱ្យកូនផ្លាស់...មានអារម្មណ៍ថារំជួលចិត្តទប់ទឹកភ្នែកមិនជាប់ ព្រោះថាអាវសស្អាតដែលម្ដាយទិញអោយកូនពាក់រៀនបែរជាមានរូបភាពប្រលាក់ស្រមកបែបនេះ!.......ក្នុងនាមខ្ញុំជាម្ដាយរបស់សិស្សដែលនៅក្នុងហេតុការណ៍នោះខ្ញុំសុំលើកដៃសំពះសុំទោសលោកគ្រូនាយក ដែលខំយកចិត្តទុកដាក់អប់រំវិន័យ..សីលធម៌ដល់កូននាងខ្ញុំ និងកូនសិស្សទូទៅជាច្រើនឆ្នាំកន្លងមក!...
លោកគ្រូហត់នឿយខ្លាំងណាស់...តាមដែលនាងខ្ញុំតែងតែទៅសាលាសេរីភាព ដើម្បីមើលកូនក៏សំគាល់ឃើញថាលោកគ្រូគ្រប់គ្រងសិស្សរាប់ពាន់នាក់ក្នុង១ឆ្នាំៗមានវិន័យល្អ...ប៉ុន្ដែមានសិស្សរឹងត្អឹងមិនគោរពវិន័យប្រហែលតិចតួចទេ ដោយសារឪពុកម្ដាយខ្លះគាត់រវល់ការងារខាងក្រៅមិនសូវបានពិនិត្យនឹងណែនាំកូនបន្ថែម! ហើយតិចតួចទៀតនោះគឺស្រលាញ់នឹងជឿជាក់ខ្លាំងភ្លេចបានមើលកំហុសរបស់កូន!....
ហើយ១ទៀតនោះគឺក្មេងខុសតាមគ្នា....គាត់រៀនថ្នាក់ទី១២ ហើយគាត់គិតថាជីវិតគាត់ឯករាជ្យតែគាត់អត់បានគិតពីអនាគតគាត់ឡើយ...គឺគាត់សប្បាយតាមគ្នា!... លោកគ្រូ🙏🙏🙏ខ្ញុំសោកស្ដាយណាស់បើសិនជាមានការចោ-ទប្រ-កាន់ធ្ង-ន់ធ្ង-រ....ព្រោះខ្ញុំគិតថាអយុត្តិសំរាប់ការលះបង់របស់លោកគ្រូខ្លាំងណាស់!......ខ្ញុំសូមអរគុណដល់ក្រសួង.មន្ទីរ. និងសារពត៌មានដែលបានអានខមិននាងខ្ញុំ....សង្ឃឹមថាលោកមិនបោះបង់ធនធានមនុស្សដ៏មានតំលៃនេះផងចុះ !....អរគុណ
សូមជម្រាបជូនថា បន្ទាប់ពីបែកធ្លា-យវីដេអូនៅលើបណ្ដាញសង្គម ដែលលោកនាយកសាលាវិទ្យាល័យហ៊ុនសែន សេរីភាព ក្រុងតាខ្មៅ វា-យទៅលើសិស្សស្រីរួចមក ត្រូវបានមន្ទីរអប់រំយុវជន និងកីឡាខេត្តកណ្ដាល បានជួបប្រជុំពិភាក្សាជាមួយគណៈគ្រប់គ្រង វិទ្យាល័យ ហ៊ុនសែន សេរីភាព កាលពីរសៀលថ្ងៃទី ១៤ ខែកញ្ញា ឆ្នាំ២០២២។ ជាលទ្ធផលបន្ទាប់ពីជួបប្រជុំពិភាក្សារួច មន្ទីរបានដាក់គោលការណ៍បីចំនុចធំៗជូន គណៈគ្រប់គ្រងសាលាឱ្យអនុវត្ត ដោយយោងតាមទំព័រហ្វេបុក មហាគ្រួសារក្រុងតាខ្មៅ ចុះផ្សាយមានដូចតទៅ÷
១ ត្រូវបង្កើនគុណភាពអប់រំ ឱ្យបានកាន់តែប្រសើរឡើង
២ ត្រូវអប់រំណែនាំប្អូនៗដោយមិនប្រើអំពើហិង្សា ទោះអចេតនាក្តី ចេតនាក្តី
៣ អញ្ជើញអាណាព្យាបាល ប្អូនស្រីពាក់ព័ន្ធ មកជួបពិភាក្សាបកស្រាយណែនាំ ឲ្យបានជ្រាប
ជាទីបញ្ចប់លោកនាយករងមានប្រសាសន៍ថា មកដល់ពេលនេះ (ម៉ោង ៥:៤០នាទី) លោកមិនទាន់ពិសារអាហារថ្ងៃត្រង់នៅឡើយទេ ដោយសាររឿងពីព្រឹកមិញ។
ជុំវិញរឿងនេះលោក ម៉ម សុធានី នាយកនាយកវិទ្យាល័យហ៊ុនសែន សេរីភាព ក្រុងតាខ្មៅ បានបកស្រាយថា «ការដែលធ្វើបែបនេះគឺចង់ឱ្យសិស្សល្អ គ្មានបំណងអាក្រក់នោះឡើយពោលគឺក្នុងនាមជាឪពុកទី២ ដែលចង់អប់រំកូនៗឱ្យបានល្អ ឱ្យដើរលើផ្លូវត្រូវ មានសីលធម៌ល្អ ប្រឡងជាប់បានលទ្ធផលល្អ តែកំពុងតែណែនាំប្រាប់ឱ្យល្អ បែរជាមកថ្គើន គូសអាវនៅហ្នឹងមុខយើង»។
