សិល្បៈ
មុននេះបន្តិចតារាសម្តែងសាច់សខ្ចី សេង សុឃីម បានបង្ហោះវីដេអូយ៉ាងផ្អែមល្ហែមជាមួយ នាយ ចឺម ជាអតីតគូស្នេហ៍ដោយក្នុងនោះអ្នកមេម៉ាយកូនមួយរូបនេះបានហៅ នាយចឺម ជាប្តី យ៉ាងពេញមាត់ដែលធ្វើឱ្យមានការសង្ស័យថាអ្នកទាំងពីរជានាគ្នាវិញ ។
បើគិតមកដល់ពេលនេះរយៈពេលប្រមាណជាជិតមួយខែហើយដែលអ្នកនាង សេង សុឃីម បានប្រកាសចែកផ្លូវជាមួយ នាយចឺម ក្រោយពួកគេបានភ្ជាប់ស្នេហ៍ប្រមាណជិតមួយឆ្នាំ ។ អ្វីដែលកត់សម្គាល់ជារឿយៗ សេង សុឃីម តែងបង្ហាញភាពខូចចិត្តតាមរយៈការបញ្ចេញសារ នៅតាមបណ្តាញសង្គមហាក់បញ្ជាក់ថាអ្នកនាងមិនទាន់ដាច់អាល័យពីគូស្នេហ៍ នាយចឺម ។
បើក្រឡេកមើល នាយចឺម វិញមិនខ្វល់ក្នុងការចេញមុខបកស្រាយអ្វីទេពោលបើទោះមានការរិះគន់ពីសំណាក់មហាជនក៏ដោយ។ផ្ទុយទៅវិញនាយ នៅតែ មានភាពរីករាយនឹងបន្តការចេញកើបប្រាក់នៅតាមកម្មវិធីប្រគំតន្រ្តីនានាយ៉ាងរីករាយ ។
អ្វីដែលកត់សម្គាល់មុននេះបន្តិចអ្នកមេម៉ាយរូបស្រស់ សេង សុឃីម បានបង្ហោះវីដេអូ Vlog ប្រមាណជា៨ នាទីដែលជាសកម្មភាពរវាងអ្នកនាង និង នាយចឺម យ៉ាងផ្អែមល្ហែមដោយនាងបានហៅ នាយចឺម ថាប្តីៗយ៉ាងពេញមាត់។ វីដេអូរបស់អ្នកនាង សេង សុឃីម បានធ្វើឱ្យអ្នកលេងបណ្តាញសង្គមមានការភ្ញាក់ផ្អើលនឹងលើកឡើងថាអ្នកទាំងពីរត្រូវគ្នាវិញហើយក៏មាន អ្នកគាំទ្រមួយចំនួនទៀតបានសម្តែងការរីករាយនិងជូនពរថែមទៀតផង ។
ទោះបីជាយ៉ាងនេះក្តីតារាសម្តែង សេង សុឃីម បានចេញមុខបកស្រាយថានាង និងនាយ ចឺម មិនបានត្រូវគ្នាវិញទេ។នេះជាវីដេអូចាស់ហើយមូលហេតុដែលអ្នកនាងបង្ហោះវីដេអូផ្អែមល្ហែមដែលជាសកម្មភាពរួមគ្នាជាមួយអតីតគូស្នេហ៍នាយចឺម ដោយសារស្តាយវីដេអូVlogដែលខំថតកន្លងមក។ អ្វីដែលកត់សម្គាល់ក្រោយបែកផ្លូវជាមួយ នាយចឺម អ្នកនាង សេង សុឃីម កាន់តែមានសម្រស់ស្អាតដោយអ្នកនាងងាកមកចំណាយពេលហាត់ប្រាណាថែរក្សារាងហើយការតែងខ្លួនទៀតសោតក៏សិចស៊ីមិនធម្មតាដែរ ៕
