សិល្បៈ
មិនត្រឹមតែមានទេពកោសល្យសិល្បៈដូចអ្នកម្តាយតារាកំប្លែង ស្រីអ៊ីត ប៉ុណ្ណោះទេ ង៉ា ស្រីណាន ក៏មានរូបសម្រស់ស្រស់ស្អាតមិនធម្មតាដែរ ។ យ៉ាងណាមិញថ្មីៗនេះកូនស្រីរបស់ តារាកំប្លែង ស្រីអ៊ីត ក៏បានលេចមុខនៅការប្រកួតសម្រស់ក្នុងកម្មវិធីវិធី Miss Teen international Cambodian 2023។ ក្រៅពីសម្តែងការភ្ញាក់ផ្អើលក៏មានមហាជនជាច្រើនបានជូន ពរឱ្យ ស្រីណាន បានជោគជ័យនៅក្នុងកម្មវិធីមួយនេះ ។
ក្នុងនាមជាតារាកំប្លែងដែលមានប្រជាប្រិយភាពខ្ពស់ ស្រីអ៊ីត បានជួយជ្រោមជ្រែងកូនស្រីឱ្យ ដើរតាមគន្លងសិល្បៈរបស់នាង ប៉ុន្តែងាកចេញបន្តិចកូនស្រីរបស់ ស្រីអ៊ីត មិនបានចាប់អាជីពជាអ្នកកំប្លែងឡើយ ។ ភាគច្រើន ស្រីណាន លេចមុខនៅក្នុងការថតសម្អាងការនឹងច្រៀង នៅតាមកម្មវិធីទូរទស្សន៍នានា។
អ្វីដែលចាប់អារម្មណ៍ថ្មីៗនេះកូនស្រីរបស់ ស្រីអ៊ីត ក៏បានចូលរួមនៅក្នុងការប្រកួតបវរកញ្ញា Miss Teen international Cambodian 2023 ដែលធ្វើឱ្យមហាជនជាអ្នកគាំទ្រ ស្រីអ៊ីត បានបង្ហាញការភ្ញាក់ផ្អើលដោយខ្លះបានលាន់មាត់ថាកូនស្រីរបស់ ស្រីអ៊ីត ស្រស់ស្អាតខ្លាំងណាស់ ។
គូរបញ្ជាក់ផងដែរ ស្រីណាន ធ្លាប់បង្ហាញវត្តមាននៅក្នុងកម្មវិធីប្រលងចម្រៀងលំដាប់ពិភព លោក X Factor Cambodia កាលពីអំឡុងឆ្នាំ ២០១៦ តែកាលណោះកញ្ញាមិនទទួលជ័យលាភីឡើយ ។ រំលងតែប៉ុន្មានឆ្នាំសោះ ស្រីណាន ក៏ធំពេញរូបរាងនឹងមានសម្រស់ស្រស់ផូរផង់នឹងបានបង្ហាញវត្តមាននៅក្នុងការប្រកួតបវរកញ្ញា។
តាមរយៈរូបសម្រស់និង ការតុបតែងខ្លួនរបស់ ស្រីណានបានធ្វើឱ្យអ្នកលេងបណ្តាញសង្គមជាច្រើនរំពឹងថាកញ្ញនឹងទទួលបានជោគជ័យនៅក្នុ្ងងកម្មវិធីមួយនេះ ៕
