សិល្បៈ
មិនឱ្យហ្វេន ហ្វេនខកចិត្តពេលនេះតារាចម្រៀងពន្លកថ្មីលោក ថុល សុភិទិ បានចេញបទ ផ្ទាល់ខ្លួនដំបូងដែលមានចំណងជើងថា«ហេតុអ្វីយើងបែកគ្នា»។ អ្វីដែលចាប់អារម្មណ៍បទចម្រៀងថ្មី របស់កម្លោះសង្ហារូបនេះក៏ជាស្នាដៃនិពន្ធរបស់តារាចម្រៀងមុខស្រទន់ ពេជ្រ សូលីកា ផងដែរ ។
មិនខ្វល់ពីការផ្គូរផ្គងពីសំណាក់មហាជនលោក ថុល សុភិទិ ក៏ដូចជា ពេជ្រ សូលីកា នៅតែ បន្តសកម្មភាពរួមគ្នាជាធម្មតាដោយចុងក្រោយនេះពួកគេបានបង្ហាញវត្តមាននៅក្នុងការថត ស្ប៉តសម្អាងការជាបន្តបន្ទាប់ទៀតផង ។
អ្វីដែលចាប់អារម្មណ៍ថ្មីៗនេះលោក ថុល សុភិទិ ទើបនឹងចេញបទចម្រៀងដំបូងស្វាគមន៍អ្នកគាំទ្រ ដែលមានចំណងជើងថា«ហេតុអ្វីយើងបែកគ្នា»ដែលបទនេះជាការច្រៀងតបជាមួយ ពេជ្រ សូលីកា ហើយក៏ជាស្នាដៃនិពន្ធដោយអ្នកនាង ពេជ្រ សូលីកា ទៀតផង ។ តបជាមួយការច្រៀងរបស់កម្លោះសង្ហា ថុល សុភិទិ ពេជ្រ សូលីកា បានតបថា«ខ្ញុំក៏សួរគេក៏សួរហើយចុះអ្នកណាអ្នកឆ្លើយ»។
ជាមួយនឹងបទចម្រៀងដំបូងរបស់លោក ថុល សុភិទិ ក៏ទទួលបានការពេញចិត្តពីសំណាក់ អ្នកគាំទ្រជាច្រើនដោយម្នាក់ៗបានសរសើរថាបទចម្រៀងមួយបទនេះពិតជាពីរោះណាស់ ហើយសំខាន់ជាស្នាដៃនិពន្ធរបស់ ម៉ាមី ពេជ្រ សូលីកា ទៀត ។
ក្នុងនោះក៏មានការបង្ហើបថាក្រៅពីបទចម្រៀងមួយបទនេះ ថុល សុភិទិ ក៏ត្រៀមចេញបទថ្មីៗជាបន្តបន្ទាប់នៅក្នុងផលិតកម្មហង្សមាសផងដែរ ។ មិនទទួលបានពានក្តី តែកម្លោះសង្ហាសម្បូរស្នាមសាក់រូបនេះកាន់តែមាន ហាងឆេងដោយលោកបង្ហាញវត្តមាននៅតាមកម្មវិធីជាបន្តបន្ទាប់មិនចាញ់តារារៀមច្បងប៉ុន្មានឡើយ ៕
