សិល្បៈ
នៅសល់ប្រមាណជាបីថ្ងៃទៀតប៉ុណ្ណាះតារាសម្តែងរូបស្រស់ ឡុង ថាវរី នឹង ស្លៀកឈុតអាពាហ៍ពិពាហ៍ត្រៀមធ្វើជាកូនក្រមុំដ៏ស្រស់ស្អាតម្នាក់ជាមួយអនាគតស្វាមីជាបុរសដែលមានរូបរាងស្រស់សង្ហានិងជាកូនអ្នកមានទ្រព្យធនផងដែរ ។ មានការលើកឡើងថា ឡុង ថាវរី និងគូស្នេហ៍មើលទៅស្រស់ស្អាតនិងសង្ហាស័ក្តិសមគ្នាណាស់។
ឡុង ថាវរី ជាតារាសម្តែងរូបស្រស់សាច់សខ្ចីម្នាក់ តែចុងក្រោយនេះនាង មិនសូវមានសកម្មភាពសិល្បៈថ្មីៗប៉ុន្មានឡើយ ។ភាគច្រើននាងលេចមុខនៅក្នុង ស្ប៉តពាណិជ្ជកម្មតែប៉ុណ្ណាះ។
អ្វីដែលចាប់អារម្មណ៍ថ្មីៗនេះមានការលើកឡើង ពីសំណាក់មិត្តភក្តិក្នុងសិល្បៈថាតារាសម្តែងសាច់សខ្ចីរូបនេះត្រៀមចូលរោងការនៅក្នុងថ្ងៃទី ៣០ខាងមុខនេះនៅអាគារឌឺព្រីមៀសែនសុខជាមួយអនាគត ស្វាមីជាអ្នកជំនួញ។
ប្រភពនោះបានបន្ថែមទៀតថាពិធីមង្គលរបស់ ឡុង ថាវរី គ្រោងនឹងរៀបចំអធិកអធមព្រោះក្រុមគ្រួសារសាច់ញាតិខាងស្វាមីនាងក៏ជាអ្នកមានមុខមាត់ម្នាក់ដែរ ហើយពិធីមង្គលរបស់នាងមានទាំងអ្នកសិល្បៈនិងអ្នកជំនួញ។
មានការចូលរួមត្រេកអរពីសំណាក់មិត្តភក្តិ និងអ្នកគាំទ្រខណៈ ឡុង ថារវី បានសម្រេចបញ្ចប់ភាពនៅលីវដោយការរៀបមង្គលការទៅតាមប្រពៃណីខ្មែរ ។ មិនទាន់មានការបញ្ជាក់ថាក្រោយរៀបការរួច ឡុង ថាវរី នឹងបន្តការងារសិល្បៈដដែលឬបែបណាឡើយ?
