![](https://blogger.googleusercontent.com/img/b/R29vZ2xl/AVvXsEin4C66pLRrwZN8d2aBsoW3JxAVjNBPGA0XnvaRGwUHzHxujM0bzv7bZL3UkfKLewVnp7KOMz5fQnjHTBPE5bYBlPC3dxIF5RW3r6PYM051BWNbE4aU20Wq5OQk5doYDaEsxNc0xofrgXmJv0qoKnR8H7ra65_cP8-0fQ3I-5eeDS4U7Sx8EzQ6XtMlQg/s1600/Thumbnail-Recovered.jpg)
សិល្បៈ
ក្រោយបំពេញតាមបំណងរបស់ភរិយាជាទីស្រឡាញ់រួចរាល់ដោយការរៀបចំពិធីរៀបមង្គលការជាលើកទីពីរនៅសហរដ្ឋអាមេរិកនោះពេលនេះតារាចម្រៀងលោក នៅ ស៊ីនឿន គ្រោងនឹង ត្រឡប់មកស្រុកខ្មែរវិញនៅក្នុងពេលឆាប់ៗខាងមុខនេះ ។
គេចាំបានថាដ្បិតបានរៀបការយ៉ាងអធិកអធមនៅក្នុងសណ្ឋាគារលំដាប់ផ្កាយប្រាំកាលពីចុងឆ្នាំ ២០២១ហើយក៏ពិតមែន តែលោក នៅ ស៊ីនឿន និងភរិយាបានរៀបមង្គលការជាថ្មីម្តង ទៀតនៅសហរដ្ឋអាមេរិក ។ ពិធីរបស់លោកបានប្រព្រឹត្តទៅកាលពីថ្ងៃទី ១៩កន្លងទៅដោយ មានការចូលរួមសាទរពីសំណាក់សាច់ញាតិនិងមិត្តភក្តិជាច្រើនកុះករ ហើយអ្វីដែលធ្វើឱ្យ លោ ក នៅ ស៊ីនឿន កាន់តែរំំភើបនោះគឺអ្នកម្តាយរបស់លោកបានទៅចូលរួមនិងផ្តល់ពរជ័យជា លើកទីពីរនៅក្នុងថ្ងៃមង្គលរបស់លោកលើទឹកដីអាមេរិក ។
លោក នៅ ស៊ីនឿន ធ្លាប់ប្រាប់ថា មូលហេតុលោករៀបចំពិធីមង្គលការម្តងទៀតគឺធ្វើទៅតាមបំណងរបស់ភរិយាព្រោះអ្នកនាងមានសាច់ញាតិនិងមិត្តភក្តិច្រើននៅទីនោះ ។
លោក នៅ ស៊ីនឿន ក៏ជាតារាចម្រៀងដែលមានប្រជាប្រិយភាពម្នាក់នៅក្នុងផលិតកម្មហង្ស មាស តែប៉ុន្មានឆ្នាំចុងក្រោយនេះលោកមិនសូវខ្វល់ខ្វាយនឹងការងារសិល្បៈប៉ុន្មានឡើយ ពោលលោកបានងាកទៅរកស៊ីផ្នែកអចលនទ្រព្យហើយដែលតាមដឹង លោកក៏មានរីសតនៅខេត្ត មណ្ឌលគីរីផងដែរ ។
អ្វីដែលកត់សម្គាល់ទោះមានភរិយាជាអ្នករស់នៅសហរដ្ឋអាមេរិកក្តី តែ លោក នៅ ស៊ីនឿន មិនមានបំណងរស់នៅទីនោះជាប់លាប់ឡើយដែលតាមគម្រោងលោកនឹងត្រលប់មកស្រុកកំណើតនៅក្នុងពេលឆាប់ខាងមុខនេះដើម្បីមកមើលការខុសត្រូវក្នុងអាជីវកម្មរួមនឹងការងារសិល្បៈផងដែរ ៕
![](https://blogger.googleusercontent.com/img/b/R29vZ2xl/AVvXsEjOqK7RuPxsXwSGer_nCYa_u9HmvogwO2oibFd5iTsPILqfts56rp3VPWfYBVtbHB2zCjv2mhK7igt9qVDshZOvOOl5Zj1agxd0nTMeoMCzNo0xZzPrPcD-wpXeh5EfDhmvx_uE9prGxAzIkJ6_AtBg7tROXKcvHCG2QWx-HXCLlJafmdUmPUqselA1SA/s1600/photo_2022-11-21_14-38-51.jpg)
![](https://blogger.googleusercontent.com/img/b/R29vZ2xl/AVvXsEgbpAhJbaZ8Kt3fEy19kQV_yDzComm67N0QI8QxHRU467a4jgxPXqc1C1-OzQ5AKdqbrdCT9AKEADYlhol_I6HNXAhUq-GgQI-krmEF5pOztEDMZ8LD3pf-VShxvoSpn0cy-s8Ei3v8m2HTcbmFaY-RZm167zwwM5QdQuJqkDB_yWTqvPWfDWQkki9mig/s1600/photo_2022-11-21_14-38-52.jpg)
![](https://blogger.googleusercontent.com/img/b/R29vZ2xl/AVvXsEjY3uYd_c4e8SvVNiFoEeg4U9JPW1xxLa2dBdXsIjf3VDUiugXqTXd7oK_6TqouGqc-4RLDkJPFnyY7KbbEtQyta30pBSHP0maKs_hxEO7lovMsggeYuON9lx_Cd3SUgjMehhhM0-hb35KVpVfuGsVdDqtgr83ANSyeGMtbiCg900uyNyT7VHXDLUD1Iw/s1600/photo_2022-11-21_14-38-53%20%282%29.jpg)
![](https://blogger.googleusercontent.com/img/b/R29vZ2xl/AVvXsEgOoqqwXbhbxa_XOoMglEC69udt0ZBrCOdxD8rovyAPcXXyhyfXrX775d6AFqKzhd284eM7E5MT6yxgxIaHQN-NwU_D0_HUbwreknH2MVpNxZD85h2SLC6HM0roP2ova1x52lYPrfhlwgKrplZh6IHqfHMenFPzxxk02SZdpnmq51yV7NhBbW0n09o0Lg/s1600/photo_2022-11-21_14-38-53.jpg)
![](https://blogger.googleusercontent.com/img/b/R29vZ2xl/AVvXsEgyA8s1kgGGNuUp7GtiwjbEDWx6GpZDCgQi4U_8AlGo58Icvd8JZGv1wpr0KIiMMl2TMk0A4-IYos_me1oT4Ooc3282B86XpnmeirzrkelrtGfPva0G71bX6pPNk-aR9QUgpxcQEFsGDvPIudwDaLvoN76opNZQuwhJx4wudEbRbaq3biV-2zdUPofGog/s1600/photo_2022-11-21_14-38-54.jpg)
![](https://blogger.googleusercontent.com/img/b/R29vZ2xl/AVvXsEjA9s_sjhFzRnpS2SR4LCmaK4_g-lgga4_NP9pX7AzdKIKaKTWGZ0zxYpRfwXMAT_yyQcVTtJU9t09icfU-YStbc6gs4WPgvaDHzZuUh_V4hAzoNQ1xUIxjQvQLBG3QGzHfg_uSQETxD87c3Wt6QPNNXJAHHvrDKn3Vf98Grk3y4xi04FvBl3kkJFMkSw/s1600/photo_2022-11-21_14-38-56.jpg)
![](https://blogger.googleusercontent.com/img/b/R29vZ2xl/AVvXsEh2EDDRhJoIEAMydIQ8NXdHQ9gDjD5godSccVz4m0AhNdiZlkgy1oRd_sTZeQCId86JPHLeUuqrOlEPGHyl1OUsAuuGmw5dJJp-3C0kgYw6Qtu41Lca68mhLWYDLgdYV64MywPYh-TZ5kGJit6m3Tl3FqO_aT2zDrT1eJTL6gFrfCvHaDaYoL2faEHK2A/s1600/photo_2022-11-21_14-38-57.jpg)
![](https://blogger.googleusercontent.com/img/b/R29vZ2xl/AVvXsEgDqF98W7mITM8O-rEB4rxoIEpLXJ8eJ-_exMJPDxa9j0l25flJuy0ENW1IJZvve1PKAwl6MYM5a0htGyKH3qaS-l78UErLudqnbvBidiPid3SLfHSgsZ9WIJllmdS1DToOl8HWpbBzKIH7SZCLV-ZJjVAeAi5mGcUVwY_EFJx1cTucIKJolMThi-o_RQ/s1600/photo_2022-11-21_14-38-58.jpg)
![](https://blogger.googleusercontent.com/img/b/R29vZ2xl/AVvXsEgrnmlPybpP7iyYmeFOG-XdK-maxrhgIOIEPGEA36YnAfMxdQgvyYm6jgwASfQvlpllOWajI_7GpdWVmzN9_hALneZ8DShS0bY9TE-j3ZXqTyVpQZUETmBGCENduJB1iWb2Uuw7RB1JcyMTMRtkaFoMRXbyKGI8kZn3TjEgqihlNq3D21tkBN5eWq6ruw/s1600/photo_2022-11-21_14-39-00.jpg)