![](https://blogger.googleusercontent.com/img/b/R29vZ2xl/AVvXsEgY3wROcErGSaz348sI_-jUFsqoCcn_qqext3Y-G8aFWk3QfM5PM4LlKjwu0cj4NK-qS7RsPF_xSHwtOK9qx60zQxQN0f1w8_YeBofMqAFJBA_1fDeYcC0IM2kyOEKXackFgpNgmkEStVfigoJPNyvDJ7G2Vr1t_LpYQ7y-dEwf5mhl_ECg9X1Xeqt9GQ/s1600/Thumbnail.jpg)
សង្គម
ឯកឧត្ដម ហ៊ាង សុទ្ធាយុត្តិ អគ្គនាយកបច្ចេកវិទ្យា និងទំនាក់ទំនងសាធារណៈ និងជាអ្នកនាំពាក្យក្រសួងសាធារណការ និងដឹកជញ្ជូន បានបញ្ជាក់ប្រាប់ទូរទស្សន៍ជាតិកម្ពុជា នៅព្រឹកថ្ងៃទី ៩ ខែធ្នូ ឆ្នាំ ២០២២នេះ ថា ស្ពានមិត្តភាពកម្ពុជា-សាធារណរដ្ឋកូរ៉េ (ផ្សារចាស់-ជ្រោយចង្វារ; ជ្រោយចង្វារ-អរិយក្សត្រ) នឹងបើកការដ្ឋានសាងសង់ជាផ្លូវការនៅចុងឆ្នាំ ២០២៣ ខាងមុខ។
ចំពោះមុខ រាជរដ្ឋាភិបាលកម្ពុជា ត្រូវធ្វើគឺការធ្វើនិតិវិធី ជាមួយរដ្ឋាភិបាលសាធារណរដ្ឋកូរ៉េ ការជ្រើសរើសក្រុមហ៊ុនដើម្បីធ្វើការសាងសង់ ក៏ដូចជាការដោះស្រាយផលប៉ះពាល់។ ស្ពាននេះសាងសង់ឡើងមានជើងសសរទម្រខ្ពស់ៗ ទៅខាងលើកោងរត់រកគ្នា ដើម្បីយឹតខ្សែកាប ហើយមានលក្ខណៈពិសេសមួយ ជើងសសរទម្រមានលក្ខណៈមួយរង្វើល ដែលផ្តល់ភាពងាយស្រួលឱ្យនាវាឆ្លងកាត់ចេញចូលក្រោមស្ពាន។ ស្ពាននេះនឹងជួយសម្រួលឱ្យការធ្វើចរាចរណ៍ កាត់បន្ថយការកកស្ទះចេញចូលរាជធានីភ្នំពេញ និងតភ្ជាប់ទៅតំបន់អភិវឌ្ឍន៍អរិយក្សត្រ ស្វាយជ្រុំផងដែរ។
ក្នុងនាមក្រសួងសាធារណការនិងដឹកជញ្ជូន ឯកឧត្ដម ហ៊ាង សុទ្ធាយុត្តិ សូមអំពាវនាវដល់បងប្អូនប្រជាពលរដ្ឋដែលមានលំនៅឋាន ដែលមានដីធ្លីនៅក្នុងតំបន់អភិវឌ្ឍន៍ជ្រោយចង្វារ អរិយក្សត្រនេះ សូមមេត្តាចូលរួមជាមួយអាជ្ញាធរមានសមត្ថកិច្ចក្នុងការធ្វើនិតិវិធីដោះស្រាយផលប៉ះពាល់ ដើម្បីសម្រួលឱ្យការអនុវត្តការសាងសង់ស្ពាននេះ ប្រព្រឹត្តទៅដោយរលូន ជាប្រយោជន៍សម្រាប់សង្គមជាតិយើងទាំងមូល។
សូមបញ្ជាក់ថា គម្រោងសាងសង់ស្ពានមិត្តភាពកម្ពុជា-សាធារណរដ្ឋកូរ៉េ (ផ្សារចាស់-ជ្រោយចង្វារ; ជ្រោយចង្វារ-អរិយក្សត្រ) នឹងចំណាយទឹកប្រាក់ចំនួន ២៤៥ ៩០៩ ០០០ ដុល្លារអាមេរិក។
គម្រោងសាងសង់ស្ពានមិត្តភាពកម្ពុជា-សាធារណរដ្ឋកូរ៉េ ត្រូវបានចុះហត្ថលេខា រួចហើយ រវាងរាជរដ្ឋាភិបាល នៃព្រះរាជាណាចក្រកម្ពុជា និង រដ្ឋាភិបាលនៃសាធារណរដ្ឋកូរ៉េថ្ងៃទី០៩ ខែធ្នូ ឆ្នាំ២០២២ ក្រោមអធិបតីភាពដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា។
![](https://blogger.googleusercontent.com/img/b/R29vZ2xl/AVvXsEgWlERq586Cl5MHWmhGW5YvRHtwIDSUQq919tX8DLkOAuy5PeteVyRIOSKL0IqxVXm4UNzDnX2lN87U0ZxVYo6mxoHV027Xq61FXEdeahO1yv3HjZOP-kjGEjgyQgpdYLXqEMP-LOvxpE6hZn3E5Bu4uPjBdGz5n0LRQqzuBGlHhl8qmOwMyEEaNBkBew/s1600/666%20%281%29.jpg)
![](https://blogger.googleusercontent.com/img/b/R29vZ2xl/AVvXsEgDfb6EHlb7J506coCICfH6ngPjD_PswnmgLEVompkQIMEJF2Q1WNdYabjs7SRVDT-9kDkzDoogL4eLp8ej4hph2kk0ooFn_RK6sw9eac0iUeRrb9LNiDfooDHNT8UogtoMSGrc-qRVGlS5einmG9MxEezasT1SiXAqna2LSmOBf7Fn792fn8anibH2MQ/s1600/666%20%282%29.jpg)
![](https://blogger.googleusercontent.com/img/b/R29vZ2xl/AVvXsEhDniT2-8_zYmy60AJzr5o6v8J1NnpmB7oPDczwExayWYGfrk519XLsMstseXzs_-gwhJnnWLa4_ibzI9sy3vFbWOJbAngOGnNBhSpj8xxXNv0Msod_g7agQ52P6j4Jzat21KJOCZoWkqXLDSDj61ZDW0c5xdN8qBWWW2G5mo5HidmlNx7W8pkccxNngg/s1600/666%20%283%29.jpg)
![](https://blogger.googleusercontent.com/img/b/R29vZ2xl/AVvXsEhpFnA0VCV7H4VfquXNCcghXlJQFyOLLj24taYosyeq54vDh48WRcWC8t8RchwBIqHMRYK0keluaSD_kTNd0xyEB-fZjOKwxo4tCU1pVfaPQonEKNp1wx7xBJOfOnexpMu6GwNR_1Aa7MsJc1rdiSQ6x-VJaPEKbWWvhgsV_3yZCgnE0Biczwsp-V6Uiw/s1600/666%20%284%29.jpg)
![](https://blogger.googleusercontent.com/img/b/R29vZ2xl/AVvXsEgeyxR0Ne9ITTWvbsW0RLSmZfvWVwX_pZB5CaOuqhZ5EIl3oYJtvmmsIcT2_j7JB3ycjAgJ4Cnof_akjNMjGcW4WdcQ2oqkSMrvKNHnACFOC25ByEYpMXweAx-zGcowAH9j4V50NNU3FQ5rR9tfoI7U6Gx8QQribdTNsvG3EXoIzuxDGApgPT_Fso-OWQ/s1600/666%20%285%29.jpg)
![](https://blogger.googleusercontent.com/img/b/R29vZ2xl/AVvXsEiAb9-OB2_K4tQcJHL-P8mApUJ8zAboVdf_P70_lzC76DkQqaGyZTE5wjLEDGCKbhj08MNIiiXWlMzj6doK3anLo3DgZIVGAa_bVxJ4QsLFhN36kmVIhtSLnG05tTW0GH5hBvbsJH3yqQ-walrspcFfwmvSTXQIHMZHcZxBXStItY8PDp_3BXYmtxdWaw/s1600/666%20%286%29.jpg)
![](https://blogger.googleusercontent.com/img/b/R29vZ2xl/AVvXsEiazEkS0pKeXbJo_F7A5Dp_sNiwHM96X3FAQwmXzYJmsxmj_2wQ6GB9RwWIGFuQ-8a5AL0udrbrXq_51NghGrG-9Zr6WeqmCIUrX9YW0GzqMyWg90JBOBvtEKMmfcindxNs9jZJG5ZUd88h1DD5cNk028QL5Rv4QoANIQRv93x701eTP6y1Y9TtPtwLGw/s1600/666%20%287%29.jpg)
![](https://blogger.googleusercontent.com/img/b/R29vZ2xl/AVvXsEivMJItFetzHH285hx-_5QlqvSw2lbsIjwrsoxm0NJHMKX4l5vQfMzdlsmLNe2gAXXWrLR9d-6K_o3qknIxc1dhrogMyuay5KlSimPFbDQ1KhRquOaOzaVeXb4EyoOgOIGSFk2BaD6rTJmVOCe0V0DV6CKcEvJ48twnApKXpOY-iYeWcDLNuefNEuM8ZQ/s1600/666%20%288%29.jpg)
![](https://blogger.googleusercontent.com/img/b/R29vZ2xl/AVvXsEh7WxjC8icvyblLcpH0nPReLvtkVZLbbotMMpnTrvVVMYGTpJQ7qIZ2XIj1q6V-_5MlkYF7jBH_M0OucwJbqWpfkT5Jz1JMFhGVYUxG7UWzHPUNpqiGB9Et5XcccYDborqV0PJl7dkJzdsj5DRPPV9Hl9ffx5NMZStzB4Um9ouI9fWMvRmfOvTrwCgnMg/s1600/666%20%289%29.jpg)
ប្រភព: ទទក