សង្គម
កូនមិនទាន់បានបីខែស្រួលបួលផងតារាកំប្លែងវ័យក្មេង វ៉ាន់ នីឡា បានចាប់ផ្តើមប្រឡូក ការងារសិល្បៈវិញដែលមានទាំងការច្រៀងកាត់សក់ និងការថតកម្មវិធីកំប្លែងនានាជាមួយ ក្រុមនាយពាក់មី ក្រោមការដឹកនាំរបស់លោកតា វ៉ិចទ័រ ជាឪពុក ។ មានការលាន់មាត់សរសើរ ថានៅក្មេងមែន តែ វ៉ាន់ នីឡា ប្រឹងណាស់មិនទាន់បីខែស្រួលបួលផងចូលប្រឡូកសិល្បៈ យ៉ាងសកម្មឡើងវិញ ។
ដ្បិតទើបសម្រាលកូនក៏ពិតមែន តែតារាកំប្លែង វ៉ាន់ នីឡា នៅតែរក្សាសម្រស់បានស្រស់ស្អាត ហើយរូបរាងទៀតសោតក៏មិនមានការប្រែប្រួលខុសប្លែកពីមុនប៉ុន្មានដែរ ។ ដោយសារតែមូល ហេតុនេះទើបធ្វើឱ្យតារាវ័យក្មេងរូបនេះចូលប្រឡូកក្នុងសិល្បៈទាំងជឿជាក់ ។
យ៉ាងណាមិញ ថ្មីៗនេះ វ៉ាន់ នីឡា ចាប់ផ្តើមប្រឡូកក្នុងអាជីពកំប្លែងក្រោយអាក់ខានមួយរយៈខ្លីដោយ សារ សរសែខ្ចីហើយពេលនេះនាងក៏បានចូលរួមថតនៅក្នុងកម្មវិធីកំប្លែង «ផ្ទះលេខ១ ផ្ទះលេខ២ » រួមនឹងកម្មវិធីកំប្លែងមួយចំនួនទៀតយ៉ាងពេញទំហឹងឡើងវិញ ។
គួរបញ្ជាក់ថាវ័យទើបតែជាង ២០ឆ្នាំប៉ុណ្ណោះតែ តារាកំប្លែង វ៉ាន់ នីឡា បានសម្រេចរៀបការ នឹងបានយកកូនភ្លាមៗដោយមិនមានការពន្យាពេលឡើយដោយក្នុងនោះនាងធ្លាប់បានបញ្ជាក់ថាដោយសារសុខភាពមិនអំណោយផល ។ ក្រៅពីតារាកំប្លែង វ៉ាន់ នីឡា ក៏ជាអ្នកលក់អន ឡាញម្នាក់ដែរ ៕
