![](https://blogger.googleusercontent.com/img/b/R29vZ2xl/AVvXsEgOmkD0KJkfCSS2jeE5npf579nY8Ithplk5eNDBa_85pFa6eAcYa03Cs_Va6GQ-eNmLJ0NlyEfEYaqeLC02NITBIuvCWHW-XXMHU8D3Hkqp4q5ctCTgsYc2YNLLB0Z7SdENwnffnqLQpBH074dj2e-M_37B0los-QW6BRzIvNk-nFcEZzQmhEZgNuxNsg/s1600/Thumbnail.jpg)
សិល្បៈ
ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលរាជធានីភ្នំពេញ បំភ្លឺថា ករណីស្រ្តីដែលត្រូវនគរបាលពិន័យ ដោយសារអត់ពាក់មួកសុវត្ថិភាព គឺមិនមែនជាបង្កាន់ដៃផាកពិន័យទេ តែជាក្រដាសកត់ត្រាកំហុស ខណៈបង្កាន់ដៃផាកពិន័យ គឺធ្វើឡើងតាមម៉ាស៊ីនបច្ចេកទេសទ្រូម៉ានី ដែលមានបញ្ជាក់អំពីកំហុស កាលបរិច្ឆេទ ឈ្មោះមន្រ្តីទទួលប្រាក់ និងបោះត្រាត្រឹមត្រូវ។
ស្នងការដ្ឋាននគរបាលរាជធានីភ្នំពេញ បំភ្លឺបែបនេះ ក្រោយមានការចុះផ្សាយព័ត៌មានរបស់វិទ្យុប្រជាជនដែលផ្សាយថា «តើក្រដាសនេះជាបង្កាន់ដៃផាកពិន័យក្លែងក្លាយឬ? ហើយហេតុអ្វីបានជាមិនមានចុះហត្ថលេខា និងឈ្មោះមន្រ្តី?»
ឆ្លើយតបនឹងការចុះផ្សាយនេះ នគរបាលសណ្តាប់ធ្នាប់ នៃអធិការដ្ឋាននគរបាលខណ្ឌជ្រោយចង្វារ បានបញ្ជាក់ថា ចំពោះករណីស្ត្រីម្នាក់ជិះម៉ូតូស្គុបពី ពណ៌ស ពាក់ផ្លាកលេខ ភ្នំពេញ1JO-8587 មិនពាក់មួកសុវត្ថិភាព ត្រូវបានមន្ត្រីនគរបាលចរាចរណ៍នៃអធិការដ្ឋាននគរបាលខណ្ឌជ្រោយចង្វារ ឃាត់នៅគោលដៅត្រួតពិនិត្យ កាលពីយប់ថ្ងៃទី៩ ខែធ្នូ ឆ្នាំ២០២២ ដើម្បីធ្វើការណែនាំអប់រំ ។
នគបាលបាល បានបន្ថែមឲ្យដឹងទៀតថា អំពីបង្កាន់ដៃដែលលើកឡើងនេះ វាមិនមែនជាបង្កាន់ដៃផាកពិន័យទេ វាជាក្រដាសកត់ត្រាកំហុស (បទល្មើស) និងសំគាល់អត្តសញ្ញាណយានយន្តដែលល្មើស ឲ្យទៅម្ចាស់យានយន្តកាន់ចូលទៅជួបអ្នកដោះស្រាយ និងសម្របសម្រួលនៅតុប៉ុណ្ណោះ។ ចំពោះការសរសេរក្រដាសនេះឲ្យទៅម្ចាស់យានយន្ត ដោយសារពេលកំពុងអនុវត្តមានអ្នកល្មើសច្រើននាក់ដែលកំពុងតម្រង់ជួរគ្នារង់ចាំការផាកពិន័យតាមកំហុសដែលបានប្រព្រឹត្ត។
បើតាមនគរបាលរាជធានីភ្នំពេញ បង្កាន់ដៃផាកពិន័យ គឺសម្រាប់បង្កាន់ដៃផាកពិន័យ គឺធ្វើឡើងតាមម៉ាស៊ីនបច្ចេកទេសទ្រូម៉ានី ដែលមានបញ្ជាក់អំពីកំហុស កាលបរិច្ឆេទ ឈ្មោះមន្រ្តីទទួលប្រាក់ និងបោះត្រាត្រឹមត្រូវ។
សម្រាប់ស្រ្តីខាងលើនេះ គឺមន្ត្រីនគរបាលចរាចរណ៍មិនបានធ្វេីការផាកពិន័យទេ ពីព្រោះគាត់បានប្រាប់សមត្ថកិច្ចថាផ្ទះគាត់នៅក្បែរនោះ ប្រញាប់ចេញមកទិញសម្ភារប្រើប្រាស់ឲ្យកូន។ ម្យ៉ាងវិញទៀត គាត់ក៏មានមួកសុវត្ថិភាពនៅជាប់នឹងម៉ូតូផងដែរ ដោយឃើញដូច្នេះ មន្ត្រីនគរបាលចរាចរណ៍ក៏បានធ្វើការណែនាំអប់រំគាត់ រួចក៏បានឲ្យគាត់ត្រឡប់ទៅវិញដោយមិនបានធ្វើការផាកពិន័យនោះទេ៕
![](https://blogger.googleusercontent.com/img/b/R29vZ2xl/AVvXsEioMz5AUEs_PXTQB-8CJZ6td1FmwmsKxDwITn0sOsogji6oZuA1ZJ_bZfwYJqiHzSew7pyPw-gaVSTlmx5Qp6cS3ybKdkWu1JvO6_MjEZ1N-5r9R_jQh8ZWZX_eRNoixfl-88Aptavk5mAbtadJzEqKwqPL-YA6V7VojJYUCLfKGLPabvfegPe1l-fL9Q/s1600/555%20%281%29.jpg)
![](https://blogger.googleusercontent.com/img/b/R29vZ2xl/AVvXsEhy40nLpOFHc9DP3ClOHXqUU1S-RaabN__ckm_PHDlfO931F3wS5fdMYqA-SmpdmjK1Z4TVSJjdRN9kgcHOYz4OVfNHOyBllDtmbaLRfpcB0z4m4Ma1IJKaNH8XkDaQ7NjMR513dx2WZyAlCOtTHO31FzRmNaRIwSjSAwEQryctra_LdTAf2_dYSOvAeg/s1600/555%20%282%29.jpg)
![](https://blogger.googleusercontent.com/img/b/R29vZ2xl/AVvXsEjzwIgc9_CktwfXgpygwdQNsaCqx6wKDLi-q9IoZSbPVrpO0gurX_jQtF8c0bSQZ0ZSCxc35i_x6ipcznawGlX9D9CpgchIqKkg3RNfAHt8PgKh1CH8EL5q6lcYTh1xQmN8vCcADV1KY-bePvVLWcs0crjHHL9jSyzvedRy7jrSzlaUqE6FHvuDVC1rHA/s1600/555%20%283%29.jpg)
![](https://blogger.googleusercontent.com/img/b/R29vZ2xl/AVvXsEiea-ZK14R09eT9ZaTzVhQyvqIZFMpb6ZPa5kTeNJXZjoiNK_zZorUWVuIgbcJ3avOxYGoZ9kEF_KWT_sKg2261YgaEtpg81ySM4uratVelw8HiL3pXqO4HTY4LrWAGVxWtQTmDfmBoemPgXi9N1a0dvaWSWSEl5TwTJWSSX2Lb6ESj3OYkyWrHYDfTqg/s1600/555%20%284%29.jpg)