សង្គម
ព្រឹត្តិការណ៍ប្រវត្តិសាស្ត្រថ្មីមួយទៀតហើយក្នុងវិស័យប្រដាល់ ដោយកីឡាករប្រដាល់របស់ខ្មែរ ធឿន ធារ៉ា បានវាយផ្តួលកីឡាករថៃត្រឹមទឹកទី១ និងឈានទៅយកខ្សែក្រវាត់ និងពានរបស់ព្រះមហាក្សត្រថៃក្នុងកម្មវិធីប្រកួតមួយថៃ។
ព្រឹត្តិការណ៍ប្រកួតវគ្គផ្តាច់ព្រ័ត្រដណ្តើមខ្សែក្រវាត់ និងពានរង្វាន់របស់ព្រះមហាក្សត្រថៃឆ្នាំ២០២២ «THAI FIGHT 100 Years Nakhon Ban» បានធ្វើឡើងនៅថ្ងៃទី២៤ ខែធ្នូ ឆ្នាំ២០២២ នៅក្នុងប្រទេសថៃ។
ការប្រកួតវគ្គផ្តាច់ព្រ័ត្រនេះ កីឡាករ ធឿន ធារ៉ា បានវា/យបែ/កចិញ្ចើមកីឡាករ សៃយុគ ភុមផាន់មួង ធ្ង/ន់ធ្ង/រ ដែលការបែ/កនេះ ត្រូវបានគ្រូពេ.ទ្យពិនិត្យ និងមិនអនុញ្ញាតឱ្យកីឡាករថៃប្រកួតបន្ត។ ដូច្នេះកីឡាករ ធឿន ធារ៉ា របស់ខ្មែរក៏ទទួលបានជ័យជម្នះតែម្តង។
អាជ្ញាកណ្តាលប្រកាសជ័យជម្នះទៅឱ្យកីឡាកររបស់ខ្មែរ លោក ធឿន ធារ៉ា ដោយទទួលបានប្រាក់រង្វាន់លុយសុទ្ធប្រមាណ ១លានបាត ប្រហាក់ប្រហែលនឹង ១២០លានរៀល រួមជាមួយពានមួយ និងខ្សែក្រវាត់មួយ បូកផ្សំជាមួយប្រាក់លើកទឹកចិត្តជាច្រើនទៀត ធ្វើឱ្យ ធារ៉ា សម្រក់ទឹកភ្នែកជាមួយជ័យជម្នះមួយនេះ។ នេះជារឿងដ៏កម្រក្នុងព្រឹត្តិការណ៍កីឡាប្រដាល់របស់ខ្មែរ។
កីឡាករ ធឿន ធារ៉ា គឺជាកូនចៅអ្នកស្រុកពាមរក៍ ខេត្តព្រៃវែង ធារ៉ា ជាកូនសិស្សលោក អេ ភូថង៕