![](https://blogger.googleusercontent.com/img/b/R29vZ2xl/AVvXsEj6KeyY8wNIuUC-wMfEMHOB3LtgjJRzCbRSWMe-4b2wA0Kxn_pEqAyUI2ekmQtAhbrLnhB_pRA_l8HccJgMdBBWsLCBMFgWAVI7waRrWiQI5yyNzH5u6KpjsGJwi9u8aV9YILkIfZDyb5DGQM_i50aaln2Ngig4ubfrA08dhb9FBlO6fGxGDE9U34rLuA/s1600/Thumbnail.jpg)
សង្គម
កំពត៖មិនមែនជារឿងចៃដន្យនោះទេសម្រាប់សិស្សដែលទទួលបាននិទ្ទេស A គឺកើតឡើងពីការខិតខំរៀនសូត្រ តែអ្វីដែលកាន់តែសរសើរនោះ ទោះបីជាមានបញ្ហាជីវភាពយ៉ាងណា ក៏នៅតែមានសិស្សមួយចំនួននៅតែអាចខិតខំរៀនសូត្ររហូតទទួលបាននិទ្ទេសល្អប្រសើរនេះដែរ ជាក់ស្ដែងដូច ប្អូនស្រី ឆាំ ខេម៉ា អ៊ីចឹង។
ឆាំ ខេម៉ា ជាសិស្សនៃវិទ្យាល័យអង្គរមាស ស្រុកដង់ទង់ ខេត្តកំពត ខិតខំរៀនសូត្ររហូតទទួលបាននិទ្ទេស A សម័យប្រឡងថ្មីៗនេះ អ្វីដែលកាន់ធ្វើឱ្យអ្នកលេងបណ្ដាញសង្គមមានការចាប់អារម្មណ៍ទៀតនោះគឺ នៅពីក្រោយការខិតខំរៀនសូត្រ គឺមិនមានអ្វីសព្វគ្រប់ដូចគេនោះទេ ជីវភាពមានការខ្វះខាតខ្លាំង សូម្បីតែផ្ទះក៏គ្មានស្នាក់នៅ មានត្រឹមតែរោងស្នាក់បណ្ដោះអាសន្នតែប៉ុណ្ណោះ។
បើយោងតាមទំព័រហ្វេបុកឈ្មោះ An Anana Cuty បានរៀបរាប់ឱ្យដឹងថា៖ «សុំនិយាយពីសិស្ស ឆាំ ខេម៉ា និន្ទេសA នៃវិទ្យាល័យអង្គរមាស បន្តិច ដោយសារកូនធ្លាប់ជាអតីតសិស្សរបស់លោកគ្រូ តាំងពីសាលាបឋមមកម្ល៉េះ ហើយក៏បានរៀនជាមួយអ្នកគ្រូថ្នាក់ទី៧ និងទី១១បានបន្តិច តែអ្វីដែលអ្នកគ្រូបានដឹងគឺ នាងជាសិស្សម្នាក់ដែលមានសីលធម៌ល្អ មានសុជីវធម៌ល្អ មានចិត្តកតញ្ញូដឹងគុណចំពោះលោកគ្រូ អ្នកគ្រូ និងអាណាព្យាបាល ព្រមទាំងមិត្តភក្តិជាពិសេសនោះអ្វីដែលប្អូនមិនដែលបោះបង់នោះ ទោះបីគ្រួសារក្រក្រីយ៉ាងណាក៏ដោយប្អូនមិនដែលត្អូញត្អែរឬនិយាយប្រាប់ទៅគ្រូណាម្នាក់បានដឹងឡើយ។»
គណនីដដែលបានឱ្យដឹងបន្តទៀតថា ៖ «ថ្ងៃនេះទើបដឹងច្បាស់ពីប្អូនថា រាល់ថ្ងៃប្អូនមានបងប្អូន៤ នាក់ហើយនាងជាកូនទី១ក្នុងគ្រួសារ ដោយសារជីវភាពខ្វះខាតគ្រួសារត្រូវបង្ខំលក់ផ្ទះ ដើម្បីកូនរៀន សព្វថ្ងៃប្អូនថាមិនមានផ្ទះទេ គឺសង់ត្រឹមជារោងតូចមួយស្នាក់អាស្រ័យសិន ពេលដែលឮបែបហ្នឹងអ្នកគ្រូសែនអាណិតនិងស្ងើចសរសើរកូនដែលបានតស៊ូដល់ចំណុចនេះ។»
«ថ្ងៃនេះប្អូនបានមកលេងអ្នកគ្រូនិងលោកគ្រូថែមទាំងយកផ្លែឈើមកទៀត។ អរគុណណាស់សម្រាប់ទឹកចិត្តមួយនេះកូន។ ជូនពរកូនអោយជោគជ័យក្នុងជីវិត ជាពិសេសសូមអោយកូនបានសម្រេចតាមប្រាថ្នាណាកូន។ បើបងប្អូនសប្បុរសធម៌ចង់ជួយដល់ប្អូនអាចទាក់ទងប្អូនក៏បានឬតាមអ្នកគ្រូក៏បាន សូមអរគុណ»៕
![](https://blogger.googleusercontent.com/img/b/R29vZ2xl/AVvXsEiT0o6kAShOJHR_02LN1POhQP3jElGNIsHuxknwwPThLSxeroRY3nmn6gvYK1R49AKK9JvJDgdp35RwNTqD-4sHk-B96MdOtfIrtvD0WNO-rNC0GZ5t6nGwLKOiHSlCDaObCQTd8CuJiqF4IBjyXd6Lppr_nNod39qrGAmUYEkqX8rsz6a4_DpH0hAxTQ/s1600/6655%20%281%29.jpg)
![](https://blogger.googleusercontent.com/img/b/R29vZ2xl/AVvXsEjK0JEfmYAeDSvqkITBN2B58ZfFFpijhMg78v7LT-dvImrIGjoth7peLe2wSp-8YjrcNAeMAMrVLxE35YlBh6bqe3yI2lo0DeqNfZt5QumzsYzYaS95TJXKqp7xVL6ALoW-Ew4YgN_w9kj1Bg0vW4-Z0Ll6ZfMHmGDtqpONlms3g8ny_8VxjNkoGrczeA/s1600/6655%20%282%29.jpg)
![](https://blogger.googleusercontent.com/img/b/R29vZ2xl/AVvXsEiNBrLGX73K5gFSa9SyU_tZcGV0DBNdTBlbbseLt0v1Q3oVMsvo65sGQ_oNC9GsaSr4DlA0UfJTpK2px82eFaeUfE2hvk04SRwMJmwHV44ryM-WVSRGcjBsE8j-UHB3QxSnzy5m-frgzidRY04VTqj9Mz8IpE_36iExLozwewNh9hYdiBZVq0oF7YM4lA/s1600/6655%20%283%29.jpg)
![](https://blogger.googleusercontent.com/img/b/R29vZ2xl/AVvXsEiBbPMF0NtSUoYSGj04YiPqv1EE-Uwxsh4MzbSzU5vvGyExVvlC587xBengzeLZQOP4_H4fWBqJP0UV3hvAT946-_Bh4Ad8WXGbs8YlT2kZSNEj4DOFyjyxHiokd7JbqKE0MrjRxDOKRiK-NXLf9aJlEhpOCh1MNffpY8d64EplIcfzAyNTv_z8PmlksA/s1600/6655%20%284%29.jpg)
![](https://blogger.googleusercontent.com/img/b/R29vZ2xl/AVvXsEi00a4jT1UqgYBXrQbO6ONyKDQuHoctO9z7FH3ky6m6UNnpB7xriiYJceW4Ct0dto9vSAoyYQCkmXgPqKwlfEV0zV7rDxCemlj7jOPJfxZX0tDJSLXI1CrNAq4sxSadVapbq_UJVCMeqeSqpuWEDnTHZ5H--hqi2sYUgGdyGtMWehwGGyLYaVMGOlJ6Pw/s1600/6655%20%285%29.jpg)