សង្គម
បើទោះជាមមាញឹកនៅក្នុងការងារសិល្បៈក្ដី តែតារាចម្រៀងវ័យក្មេង និងជាម្ចាស់ពានរង្វាន់ អាង សុជាតា The Voice Kids Cambodia រដូវកាលទី១ ពេជ្រ ថៃ ទទួលបានលទ្ធផលល្អ ក្នុងការសិក្សាក្រោយប្រឡងជាប់បាក់ឌុបឆ្នាំ២០២២នេះ។
នៅព្រឹកថ្ងៃទី ២៣ ខែធ្នូនេះ តារាចម្រៀង ពេជ្រ ថៃ បានឱ្យដឹងថា ខ្លួនបានប្រឡងជាប់សញ្ញាបត្រមធ្យមសិក្សាទុតិយភូមិ (បាក់ឌុប)ហើយ ដោយក្នុងនោះទទួលបាននិទ្ទេស C។ ការទទួលបានលទ្ធផលល្អរបស់តារាចម្រៀងរូបនេះ ទទួលបានការអបអរពីសំណាក់មិត្តភក្តិក្នុងសិល្បៈ និងហ្វេនហ្វេនជាច្រើនផងដែរ។
ពេជ្រ ថៃ បានបង្ហោះលទ្ធផលនៅលើទំព័រហ្វេបុកបស់ខ្លួនយ៉ាងដូច្នេះថា៖ «ទីបំផុតខ្ញុំអាចធ្វើបានហើយ #819 #C »។ហើយសម្រាប់មុខវិជ្ជាដែលពេជ្រថៃទទួលបានគឺ ភាសាខ្មែរ និទ្ទេស B គណិតវិទ្យា និទ្ទេស D ផែនដី និទ្ទេស D ភូមិវិទ្យា និទ្ទេស B ប្រវត្តិ និទ្ទេស A សីលធម៌ និទ្ទេស C ភាសា និទ្ទេស F។
ក្នុងនោះក៏មានការសរសើរដល់ ពេជ្រ ថៃ ផងដែរថាមមាញឹកនៅក្នុងការងារសិល្បៈស្ទើររកពេលសម្រាកមិនបានហើយ នៅទទួលបានលទ្ធផលល្អនៅក្នុងការប្រឡងទៀតពិតជាមានសមត្ថភាពណាស់។ យ៉ាងណា នៅមិនទាន់មានការបញ្ជាក់ថាក្រោយប្រឡងជាប់សញ្ញាប័ត្រមធ្យមសិក្សាទុតិយភូមិនេះ ពេជ្រ ថៃ នឹងជ្រើសរើសចូលរៀនបន្តនៅមហាវិទ្យាល័យណាបន្តឡើយ ៕
