សង្គម
ក្រោយបែកធ្លាយចែកផ្លូវជាមួយស្វាមីតារាសម្តែង នៅ សូនីតា បានងាកមកដើរ កម្សាន្តជាមួយមិត្តជិតដិតក្នុងសិល្បៈយ៉ាងរីករាយឡើងវិញ ខណៈកន្លងមកគេ មិនសូវឃើញនាងមានសកម្មភាពទាំងនេះឡើយ ។
រហូតមកដល់ពេលនេះទាំងតារាសម្តែង នៅ សូនីតា និងលោក ទិត ថាវរិទ្ធ នៅរក្សាភាពស្ងប់ស្ងាត់ដោយមិនមានការបកស្រាយអ្វីចំពោះការលេចធ្លាយថាអ្នកទាំងពីរបានចែកផ្លូវគ្នានោះឡើយ ។ ពួកគេម្នាក់ៗបង្ហោះរូបភាពជាមួយកូន ប្រុសខុសប្លែកពីមុនបង្ហោះរួមគ្នាទាំងបីនាក់យ៉ាងមានក្តីសុខ។
អ្វីដែលកត់សម្គា ល់ថ្មីៗនេះគេបានឃើញតារាសម្តែង នៅ សូនីតា បានងាកមកលក់សម្លៀក បំពាក់តាមអនឡាញឡើងវិញ។ មិនតែប៉ុណ្ណាះនាងបានចំណាយពេលដើរ កម្សាន្តជាមួយមិត្តជិតដិតយ៉ាងរីករាយ។ជាក់ស្តែងថ្មីៗនេះគេបានឃើញ នៅ សូនីតា បាននាំកូនប្រុសដើរលំហែជាមួយ ឌុច លីដា និងកូនប្រុសរួមនឹង តារាសម្តែងលោក ណាខុន យ៉ាងរីករាយនៅតំបន់សមុទ្រ ។
គេចាំបានថាតារាសម្តែង នៅ សូនីតា បានរយាលពីការងារសិល្បៈក្រោយពីអ្នក នាងបានភ្ជាប់ស្នេហ៍ជាមួយឯកឧត្តម ទិត ថាវវិទ្ធ ដោយសព្វថ្ងៃទទួលបានកូន ប្រុសមួយជាចំណងដៃ ប៉ុន្តែមួយរយៈមុននេះក៏លេចធ្លាយថាជីវិតប្តីប្រពន្ធរបស់ អ្នកទាំងពីរប្រេះស្រាំស្របពេលនេះ នៅ សូនីតា បានដាក់ពាក្យថាSingle មានន័យថា «នៅលីវ»នៅក្នុងហ្វេសប៊ុករបស់នាងជាសាធារណៈ៕
