![](https://blogger.googleusercontent.com/img/b/R29vZ2xl/AVvXsEhFvvK-EvFhWvo1N3OP7J1cMZ4g7p6EqjdVgQmLIFm124fD8lbRWwjoZm863wYAIT4dRR1m9g7E3lmBZhpgRE4iWKRKJOSSes_2ejiFIBPrepfG_3zeTS9PeNZrWHsY6yqoa2pUwqbkh95Rw15NTAziiwG3wCF2hzjxcu1syOb5XpJjFM5zd6-HplwjiQ/s1600/Thumbnail.jpg)
សិល្បៈ
នៅពីក្រោយភាពជោគជ័យក៏ដូចជាកាយវិការដ៏ក្រម៉ាច់ក្រម៉ើមរបស់តារាចម្រៀងដែលមានងារជាកំលោះតូច លីម តិចម៉េង គេស្ទើរមិនជឿថាជីវិតគ្រួសាររបស់លោកជួបបញ្ហាបែបនេះសោះ ។ យ៉ាងណាមិញថ្មីៗនេះតារាចម្រៀង លីម តិចម៉េង បានបោះសម្តីថាប្រសិនជាអាច លោកសុខចិត្តបោះបង់ពានធ្វើជាមនុស្សធម្មតាឱ្យតែគ្រួសារឪពុកម្តាយបានរស់នៅជួបជុំគ្នា ។
ដោយសារសមត្ថភាពរួមជាមួយនឹងអត្តចរិករួសរាយទៀតនោះបានធ្វើឱ្យតារាចម្រៀងចំណូល ថ្មី លីម តិចម៉េង អាចស្រូបទាញ ការគាំទ្រពីសំណាក់មហាជនជាច្រើន ។យ៉ាងណាមិញរយៈ ពេលមិនដល់កន្លះឆ្នាំផងលោកមានលទ្ធភាពអាចរកប្រាក់ទិញរថយន្តស៊េរីទំនើបដែលមានតម្លៃរាប់ម៉ឺនដុល្លាររួមនឹងការប្រើប្រាស់នូវស្លាកលេខពិសេសយ៉ាងកាលីពមិនចាញ់រៀមច្បងឡើយ ។
អ្វីដែលចាប់អារម្មណ៍ដ្បិតអាជីពសិល្បៈកំពុងឡើងកូដក្តី តែ លីម តិចម៉េង នៅតែបន្តរស់ នៅផ្ទះជួលដដែលហើយម្តាយរបស់លោកនៅតែបន្តការងារជាសន្តិសុខហើយឪពុកជាអ្នកបើករថយន្តដឹកសិស្សនៅស្រុកចំការលើខេត្តកំពង់ចាមដដែល។ ក្នុងនាមជាលោកជាកូនក៏មិន មានការអៀនខ្មាស់អ្វីដែរ ព្រោះឪពុកម្តាយរបស់លោកមិនចង់ឱ្យលោកជាកូនផ្គត់ផ្គង់ទេចង់ធ្វើ ការចិញ្ចឹមជីវិតដោយខ្លួនឯង។
អ្វីដែលគួរឱ្យកត់សម្គាល់នេះជាលើកដំបូងដែល លីម តិចម៉េង បានទម្លាយថាការពិតឪពុក ម្តាយរបស់លោកបានចែកផ្លូវគ្នាមួយឆ្នាំមុនលោកចូលប្រកួតនៅក្នុងកម្មវិធីប្រឡងចម្រៀងម្លេះ តែ រហូតមកដល់ពេលនេះពួកគាត់ទាំងពីរមិនទាន់មានដៃគូនៅឡើយទេ ។ ប៉ុន្តែយ៉ាងណា តារាចម្រៀងសម្បុរសរូបនេះបាននិយាយថាឪពុកម្តាយលោកមិនអាចត្រូវរ៉ូវគ្នាទេក្នុងនាមលោកជាកូនលោកដឹងច្បាស់ គ្រាន់តែសុំមិននិយាយយតែប៉ុណ្ណោះ ។
បន្ថែមពីនេះ លីម តិចម៉េង បាននិយាយថាលោកសុខចិត្តបោះបង់ពានធ្វើជាមនុស្សសាមញ្ញធម្មតាឱ្យតែក្រុមគ្រួសាររស់នៅជួបជុំគ្នាពោរពេញទៅដោយក្តីសុខដូចមុន តែអ្វីៗមិនអាចគ្រាន់តែជាក្តីស្រមៃប៉ុណ្ណោះ៕
![](https://blogger.googleusercontent.com/img/b/R29vZ2xl/AVvXsEh35ietN1cNxaDbSNj1YmpMXPvLLhUO3EePdePML3R7lYeWMrVdHK7BJWv-F05DipVtSe5KYFBe0xmqnuC64CGKsB9RcWiJgt2mxayftmYSqF0EFRgWXrRR3OrBT5OtDgzo_vmCuhfWbP1eMHoquZObRoIaWEoXMF9TznuussgTh_b7nvKB7YRJzIuOHg/s1600/photo_2023-01-29_16-03-51.jpg)
![](https://blogger.googleusercontent.com/img/b/R29vZ2xl/AVvXsEiW4aap1m5qyPPRgskwZ30CYpjJ0D9liqe6QL5coOWPNeM1FLBj19LIfsL6CVuD-FwD4W3JgHGEOjmvnJZjPT3lXwFo8DXEnyO7hdUuaydQwMkWP7dIygjkEQX23PypfRoNTIQSDnZvCgn8NaNs4DLxasQFcdiQtoBXPgO_TI1QJJSvQIZwEIZ-wKI09Q/s1600/photo_2023-01-29_16-03-53.jpg)
![](https://blogger.googleusercontent.com/img/b/R29vZ2xl/AVvXsEgJ8aWBEg_PIjVtoEK-xBEM864cGWwtZaySVICTsLzZ1xM4SG0T_gsB44rX595xObx62AnymbHzEi4Eorb6NpHNk2KCKQ0ewk4Q-sFscUkXxo05aQcu9zpKIc4baiSZ4D_3XCZhpWcJaU0lVJ5vEuROBJMRoZ6ZrUiGMUxv5zc5W1laZqgcS9ugFk0G1Q/s1600/photo_2023-01-29_16-03-55.jpg)
![](https://blogger.googleusercontent.com/img/b/R29vZ2xl/AVvXsEhcCyI91FRdCa5GfG6SZaCpmXgN8Wi7SkY47kTWJ5ZDWIAmAEoovFwQNQXEfHp-Gy0bJWoAIPplicjw593sraouTdJHNudQkPXPKtQF-WIEKGYbGu4N0enRreEl_y5riVAU6BOdXmh_600G00TQ_ofO_WnB1k86zXIDX8vVZWYxC4FEcwNdJWKfJISpmQ/s1600/photo_2023-01-29_16-03-56.jpg)
![](https://blogger.googleusercontent.com/img/b/R29vZ2xl/AVvXsEjGm2QSIMeGy4VvhE7iPiv4gynmcapRNlDx7w8TXXe0uoL1DZoyZNtWrFAv-4eew57cM9JjYKrf2AWE42kSLFSodykmfshq59DV2EDekykhV-EFOBohSl0leSSVad8R5EG5W4cLpQbZGahS7d9n25S6snsI1NB9Kiv5B4kwmh22GIGDwuXuBKIIM6wKHg/s1600/photo_2023-01-29_16-03-58%20%282%29.jpg)
![](https://blogger.googleusercontent.com/img/b/R29vZ2xl/AVvXsEi9pqcZc9dJBNCwS4b_E6FrKIEQQ-rNPuWl2y5kjEQzsxJYa0RRAnpJ0MEPFqFrv2gHVEwQsKNjLQKQSaqTKiEthNguDSqtYtI-YkS3GWoVdN1b_cM_3WTQcro0tXuPYMcspQ5CUkqI94bqUtgr_gb4CRbxg_p0FS08_q4ZEy9oZqMhJmzYfEyKRgdOBw/s1600/photo_2023-01-29_16-03-58.jpg)
![](https://blogger.googleusercontent.com/img/b/R29vZ2xl/AVvXsEjcOS_yaohXLk4e0N5o_GUPsmkA_LtNfaC4XviU9YGQFMZwsX5gUkGPBL5QjIBIpI2ZG297H0S-JxBSF9TsZ21y2FJw6ksn4M1uwTlR5-gQoAjjsUqUJI9Q93GJhmQwfqpRIwnqbS90VnpllKPKUYmDO7bmZOe8ACFUblK-w79h9dlzfXNNzxPhCV9Seg/s1600/photo_2023-01-29_16-04-00.jpg)
![](https://blogger.googleusercontent.com/img/b/R29vZ2xl/AVvXsEivnWIBB_yFhZLATN1dwTFztgALypczZFw4LrRB1bL2R7Yc5uVdyWsKNtcdAO-H3jW-6g-9KecbMXhjf057Jo4Y8zmeMAIocgteO3sT1lDTwF62F0Dnur-vM00BtDSabmMQD-tOqg0U6BKEMYmqMcVQxx3sLGxzc8TXJgIoO51zFLdlH6T0fauqkYn9FA/s1600/photo_2023-01-29_16-04-02.jpg)